Ducas 10:11 - El Nuevo Testamento en matsés

¹¹ Nuquin Papan namiacno iuedanquid nëmbobi iquec, quequin mibitedi chuinuec chouidobi. Umbi chuisho tantiate bunesa mibitedi icsho isash mibi yacno capuec ubi tabitacquebued nidaid putu tabesquenu. Is. Mibitedi cuidtequido nendac, quequin ismeta, capanëdash Esusën.

Ducas 10:11 ပူးပေါင်းရင်းမြစ်များ

Mateo 10:14

Shubu dadpen icquid utsi yacno nidshun chuibanac tantiate bunesa icsho issun naden ismeta. Auëshquio puduanec nidnumbi: Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta.

Mateo 10:7

Adec nidshun: Nuquin Papan namiacno tabadtequid nëbi iquec, quequin chuibenneta.

Mateo 3:2

Adquid icquin naden Esus chote chuibampanëdash: Mimbi icsambuen naid ënash Nuquin Papa tantiec bëdambuec tabadta. Nuquin Papan namiaidquio choeque, quequin chuibampanëdash.

Madcos 6:11

Mibi iuedenquio icquin mimbi chuibansho tantiate bunenquiocsho isash nidanneta. Adec nidnumbi: Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Ducas 10:10

Shubu dadpen icquid utsi yacno choshon mibi iuedte bunenquiocsho aton podquiedën nidquin naden chuita:

Ducas 10:9

Ambobi tabadquin daicsaidobëta nënquido icsho bëdanmeshun naden chuita: Nuquin Papan namiacno tabadmianquid nëmbobi mibitedi yacno iquec, quequin chuita.

Ducas 9:5

Mibi nidacnoshon mibi iuedenquiocsho isash auëshquio nidnun naden nata. Nëmbo icquido Nuquin Papa tantiesabo yec icsaquidombo icsho Nuquin Papan cuidtequidombo mibitedi nec, quequin ismec nidaid putu tabesqueta, capanëdash Esusën abëd icquido chuiquin.

Hechos 13:26

Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac.

Hechos 13:40

Nuquin Papan Chomiaid choec, quequin chiaqui tsusedpabon tantienquio icampicpadquid iquenda. Aido chuiquin Nuquin Papan oncamiampidon dada uampid nad iquec:

Hechos 13:46

Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi.

Hechos 13:51

Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash.

Doma 10:21

Isadaidbobidi chuiquin Nuquin Papan Chiaidquiobidi Isayasën naden dada uapampic: Badiadquidën badiadquidënquien cun mëdante abuc cadodednequin: Ubi tantiata. Mibi nashunnu, caqui Umbi Chiaid niacniacquec icsambuen nate bunquidouidquio iquec, quequin chuipampic.

Doma 10:8

¿Mitsipaden chuiquin dada uaid Nuquin Papan Chiaid icpe? Naden chuiquin dada uamiampid iquec: Ambi Chiaid mibi yacnobi iquec. Min tantiate yacno ambi chiaid iquec. Aidquiobi Nuquin Papa bëdambuen tantiamete nec, quequin tantiaquin chuibanec nebi.

Ebedeo 1:3

Aidi aton Papapadquiobidi bëdamboshëcquidquio yec bëchamauanquiecquid nadatiambocquid neuaic. Aidëmbi nadatiambocquin Nuquin Papabëtan ambi tantiacpadombuen ambi uaid abitedimbo abi icmec nibëdantiapimbocnoc. Aidi matsesën icsambuen naid bedshunquin Nuquin Papa matses bëdambuen ismenuec abided cuidadec uënësashic abuc nidash Nuquin Papan dayun abiucquio tsadtuidpanëdash.