Ducas 1:46 - El Nuevo Testamento en matsés

⁴⁶ Adashic Madia naden chiec cuëdëmpanëdash: Nadatiambocquid icquin Mimbi naid tantiec bëdambo iquebi, Icbo.

Ducas 1:46 ပူးပေါင်းရင်းမြစ်များ

Doma 5:11

Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.

Codinto 1 1:31

Nuquin Papan chuiquin dada uamiampid nad iquec: Bëdambocquid nec, quete bunquid yec ma: Nuquin Icbombo Esus Icsaisambo yec Bëdamboshëcquid nec, quequin tantiec adpanuna, quequin chuipampic.

Codinto 2 2:14

Bëdamboshëcquid mibi nec, Papa. Adquid icquin mimbi ënenquio icquin ubitedi tantiaquin Mimbi Chiaidquio chuimiac Esuquidistu tantiaquido yansho isash cuishonquebi. Esuquidistu chuibenneta, caid ubitedi nebi. Esuquidistubëd icsamboshëcquid dëniacquido nebi. Umbi chuibanaid nuadte bëdabimbuecquid nec. Nuadte bëda pushudec bëdambo nuadsho uanno uannoec tabadquidon shëdec. Adoacbimbuen ubipadquidon chuibennesho uanno uannoec tabadquidon tantiec.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Pidipos 4:4

Nuquin Icbo Esus tantiec cuishonqueta. Esus tantiaquiec cuishonquequiota, caimbi.

Tesadonica 1 5:23

Mibitedi tantiaquin Nuquin Papa naden chiannembi. Bëdambuec tabadmianquid icquin mimbi chiacpadombuen naic bëdambuec tabadquid icme. Adembidi aton tantiate yec aton mayan yec aton dada yec quenuc bëdambo icmequin bëdambuen dayun ua, Papa. Adoacsho Cun Icbo Esuquidistu choshon aido bëdambouidquio icsho istuidendac, quequin chiannembi.

Petedo 1 1:8

Aden mimbi isacmaidi Esuquidistu tantiaquido mibitedi nec. Nëbi aid isambo icquimbi mimbi tantiaquiec. Adash utsibon tantiatiapimbo icnuc mibi cumapenquiec cuishonquendac.