Ducas 1:33 - El Nuevo Testamento en matsés

³³ Adoac chuiquid tapa abentsëcquiobi iquendac. Adquid iquec tsusedpa Acobon tsiuecquido isadaidbon chuiquid tapa yec ënëdenquio iquendac, quepanëdash Cabadied Madia chiec.

Ducas 1:33 ပူးပေါင်းရင်းမြစ်များ

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Ducas 1:34

Adoaquien: ¿Mitsipadembimbi bacuë usundoshon tishpe? Mabi dadan chudambocquid nepayoc, quepanëdash Madia.

Doma 9:6

Umbi chuibocpaden cun matses isadaidbo dadpenshun Esuquidistu tantienquio iquec. Adsho issun Nuquin Papan ambi chiampicpadombuen nainquio iquec ¿quectabi que? Padenquio. Cun matses dadpenshun Nuquin Papa tantienquiocsho issun Nuquin Papan: Cun matses nec, cainquio iquec.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Pidipos 3:3

Shui dëbid dëtemequidbimbuecquido yec nuquitedi Esus tantiaquidombo nec. Adquido icsho aton Mayanën tantiamiac Nuquin Papa tantiaquido nuqui nec. Adash: Esuquidistuna nebi, quiash nuquitedi cuishonquendac. Aden tantiaquid icquin: Shui dëbid dëtemequin Nuquin Papa bëdambuen ismembi, quetiapimbo nuqui iquec.

Ebedeo 1:8

Aden chuishumbic abipadquid aton Madombo icsho Nuquin Papan naden chiec: Ënëdenquio yec Chuiquid Abentsëcquiobi mibi iquendac. Adecbidi bëdambuen tabadmequid yec umbi chiacpadombuen namequid mibi iquendac.

Esusën Uan ismiaid 11:15

Nuquin Papabëd icquidën shoncate sanambuedën nainquin shoncaposh. Shoncanubien abucuësh cumapenec cuëdëncuededposh naden chiec: Nuquin Papa Ambi Chomiaid Nuquin Icbo Esuquidistubëd abitedishun Icbombo yec nidaidën icquidtedishun Chuiquid Tapambo nendac. Adquidquio icquin ënenquio icquin abitedimbo namendac.