Ducas 1:32 - El Nuevo Testamento en matsés

³² Mimbi tishaid chuiquid tapa iquendac. Aden mimbi tishaid issun: Nuquin Papa Nadatiambocquidën Madombo nec, cabededendac. Tsusedpa Dabid chuiquid tapa Nuquin Papan icmiampicpadombuembidi chuiquid tapa aid icmeuaindac.

Ducas 1:32 ပူးပေါင်းရင်းမြစ်များ

Mateo 1:1

Esuquidistu chuiquin dada uanu. Aidën tsusedpa Abadauan nepampic. Aidën tsusedpabidi Abadauanën tsiuecquid Dabid nepampic. Abadauanën tsiuecquidobëta Dabidën tsiuecquido chuiquin Esusën tsusedpabotedi chuinu. Tantia.

Mateo 12:42

Adquid icnuc abitedimbo cuidte uëshëmbidi matses utsi Sud yacnocquidon chuiquid tapa chido nuquin tsusedpa Sadomonën bëdambuen chuibansho tantianuec ënapenuësh choampidëntsen: Icsambocquido neque. Cuid, mibitedi cauaindac. Sadomon bëdambuen tantiaquid icpampid icnubi ubien aid udictsëcquidquio yec abitedi tantiaquidquio icquin nadatiambocquin nabanquin ismiaqui mibitedishun ubi tantienquio iquec, quepondash Esus.

Mateo 28:18

Adsho issun Esusën anoentsëqui choquin naden ubitedi chuipondash: Ubipadquid utsi nibëdec. Nuquin Papan abitedishun Icbombo icmequin abuc icquidobëta nidaidën icquidotedi namequidquio icmioshibique.

Mateo 3:11

Adshumbic padpiden chuiquin: Umbi icsambuen naid ënash Nuquin Papa tantiaquid nebi, quequid mibi utsi utsiec icsho acten mentobanquin chuibanquid nebi. Umbi chuibannubi cun tsiuec utsi choshon aidëntsen chuibanendac. Aidi ubi udictsëcquidquio yec nadatiambocquin nabanquid icsho ubi icsaquid icquin abi tapucudaid chicnuec dacuëdtsiabi. Aidi choshon: Ubi tantiaquid nec, queshun cute nëdënquequidbimbuecnuc ismequin aton Mayan Bëda menendac.

Madcos 14:61

Adoac ëcbedenquio yec otacquio icsho issun: Ambi chomiaidquio Quidistu caid Nuquin Papan Madombo nebi, ¿quecta ique? capanëdash nëish iua cuessunneshun pichicaquidon chuiquid tapanquio Esus cain.

Madcos 5:7

Adsho issun aid dapuduedaid chuiquin Esusën: Dapuduen, caqui podobitsi icsa cumapenec cuëdec: ¿Atotsi ubi canuec ne? Mimbi namiaidpenquio nebi. Esus, nadatiambocquid Nuquin Papan Madombo icquin ubi cumapenquien mëyanenda, quepanëdash podobitsi icsa dapuduedaid Esus chiec.

Ducas 1:15

Min mado Nuquin Papan bëdambuen isaidquio iquendac. Acte paë uaid min madon aquenquio icquin isuidendac. Aid tishabicshobi Nuquin Papan aton Mayan Bëda meniaidquio min mado iquendac.

Ducas 1:35

Adsho tantiashumbien: Nuquin Papan Mayan Bëda budshun mibi usundomiac mimbi bacuë tishendac. Aden Nadatiambocquidën naidënquio usundomiaid icquin mimbi tishendac. Aden tishaid icsho: Nuquin Papa Nadatiambocquidën Madombo yec bëdamboshëcquidquio nec, utsibon cabededendac.

Ducas 1:76

Nuquin Papan Chomiaidquio chuibanquidquio mibia icsho issun utsibon: Nuquin Papan oncamiaidquio nec, mibi caindac, mado. Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin aid chuiquidquio mibi iquendac.

Ducas 3:16

Adsho tantiashun Uanën naden chuipanëdash: Mibi acten mentoquiduidtsëqui nebi. Ubi adquid icnubi cun tsiuec ubi udictsëcqiocquid utsi choshon nadatiambocquin nabanquin chuibanendac. Adquid icsho ubi icsaquid icquin aidën tapucudte chicnuec dacuëdquin chictiapimbo iquebi. Aidëmbi cute nëdënquequidbimbuecquid ismequin aton Mayan Bëda abi tantiaquido menendac.

Ducas 6:35

Tantia. Mibitedi chuinu. Mibi chieshënquidobi tantiaquin bëdambuen nashunta. Adembidi: Mitsana bec cho, quesho: Iuecshun aidpadquid ubi meneuata, quenquio icquin meneta. Mimbi adosho issun Nuquin Papan bëdambuen isquin bëdamboshëcquid mibi menendac. Ambi icsambuen naquidobi nashunacpadombuen nashunsho issun mibitedi Nuquin Papan: Cun mado nec. Cun champi nec, caindac.

Uanën dada uaid 12:34

Adsho tantiashumbien abi datsidadquidon: Nuquin Papan Chomiaid Quidistu Mesias caid uënësesambo nendac, quequin Nuquin Papan Chiaid Moisesën chiampid nuquin matsesën chuinubi: Abuc dectanac uënësebi ¿quequinda mimbi chuipo? Aden chiec Matsesën Tishaid Nuquin Papan Chomiaid ictiapimbo mibi iquec. Matsesën Tishaid ¿tsutsi nepec? quepondash Esus datsidadquido.

Uanën dada uaid 6:69

Ubitedishun: Abimbuen caic, quequin mibi tantiembi. Nuquin Papan Chomiaidquio yec bëdamboshëcquidquio nec, quequin mibi tantiembi, quepondash Petedo Esus caic.

Hechos 16:17

Aden bëquedtuidac Pabadobëta ubitedi tsibambëec choec chido nua cuëdec: Nëid dadatedi Nuquin Papa abitedishun Icbon namiaidombo nec. Aido: Nuquin Papa yacno puduedmianquid iquec, quequin chuibanquido nec, quec

Hechos 2:30

Dabidën Nuquin Papan oncamiaidquio icquin dada uaquin: Naden Nuquin Papan chiondashi. Mibi uënësan min tsiuecquid chuiquid tapabidi iquendac, quequin Nuquin Papan Chiaid abimbo iquec, quequin tantiaquiopampic Dabidën.

Hechos 2:36

Tantia. Cun matses isadaidbo. Dabidën chiampid Esus mibitedishun cueste napotiaidën dectanquin uënës uaid Nuquin Papan Chomiaid Mesias caid yec Nuquin Papan icmiacpadec abitedishun Icbombo nec, quequin abimbo chiec nebique. Esus tantiata, quepanëdash Petedo.

Hechos 7:48

Aden matsesën shubu uaidën Nuquin Papa tabadenquio iquec. Aden tantiaquin Nuquin Papan oncamiaidën naden chuipampic:

Doma 1:4

Aidi abipadquid yec icsambuen naisa yec uënës uacsho Nuquin Papan uincuenmeshun ambi namiacpadombuen aton Mayanën aton Mado Esuquidistu nadatiambocquid icmepanëdash.

Esusën Uan ismiaid 3:7

Padpiden naden chuiuaposhi: Pidadedpia yacnoshon ubi chuibanquidën iste chuinu. Dada uata. Tantia, Pidadedpia yacnocquido. Icsaisambo yec abimbo chuiquidquio icquin Nuquin Papan Chomiaidën naden chuiposhi: Cun tsusedpa Dabid yampicpadquid matses namequidquio yec aid abentsëqui Nuquin Papa yacno puduedmianquid Mesias nec, utsibon: Padi, catiapimbo icnuc. Umbi shëcniaid utsin shëcnandotiapimbo iquec. Adembidi umbi shëcnandoaid utsin shëcnetiapimbo iquec.