Ducas 1:20 - El Nuevo Testamento en matsés

²⁰ Tantia. Chuinu. Min chidon bacuë tishendac, quequin umbi chuibued tantienquio icsho Nuquin Papan mibi eme uaindac. Min chidon bacuë tishan padpidec mibi onquianuaindac, quepanëdash Nuquin Papabëd icquid Sacadias chiec.

Ducas 1:20 ပူးပေါင်းရင်းမြစ်များ

Madcos 16:14

Adashic abëd icquidombo 11ted pec tabadte yacno tabadnubi Esus isadcuempanëdash. Adec isadcuenshun: Uincuenaccosh, quequin ubi isquidon chiaqui tantiate bunenquio mibi iccoque. Chobique. Is, capanëdash.

Madcos 9:19

Aden chuisho tantiash abëd icquidobëta ambo icquido caic: Esus nadatiambocquid nec, quequin ubi tantiesa mibitedi nec. ¿Tedectsicshun umbi chiacpaden mibitedishun tantiabempe? ¿Mibitedishun tantienquiocsho isash tedectsiashini chieshtope? quetanquin: Min madompi bec cho, capanëdash Esusën.

Ducas 1:19

Adoaquien: Cabadied nebi. Abëd tabadquin Nuquin Papa nashunquidquio nebi. Aidëmbi ambi tantiacpadombuen mibi Chiaid Bëda tantiamenuen chomebued nebique.

Ducas 1:21

Adnubien nuadte bëda pichicate quënënuësh Sacadias baded puduenenquiocsho isash: ¿Atotsi quiash puduenenquio icpec? quequin cainec umanuc utsibo tabadpanëdash.

Ducas 1:22

Aden iuen caimbudnubien puduenash onquenuequi cuëdenquiocpanëdash Sacadias. Adsho issun: Ushquin isacbimbuen isash nec, cabededpanëdash. Aden chuibededsho issun Sacadiasën ambi isbued tantiamequin chuinuequi onquenquio icquin mëdante uic uiccapanëdash.

Ducas 1:45

Nuquin Icbon chuimiacpadombuen chuisho tantiash: Adquid iquendabi, quequid yec mibi bëdambo iquec, quepanëdash Isabed Madia chiec.

Ducas 1:64

Adnubien padpidembuen oncamiac: Nuquin Papan naid bëdambo iquec, quequin Sacadiasën onquequin chuipanëdash.

Doma 3:3

Isadaidbo utsi utsiec Ambi Chiaid niacquido icsho issun ¿ada Nuquin Papan ambi chiacpadombuen nainquio icpatsiash?

Timoteo 2 2:13

Matses icquin Nuquin Papan chiacpadombuen natiapimbo nuqui icnubi Esusien aidën chiacpadombuen naquidquio nec. Adquid icquin ambibi chiaid niaquesambo nec, quequin chuipampic.

Tito 1:2

Nuquin Papa muesambo nec. Adquid yec ëndenquimboshë nidaid uabi yequi onquec: Umbi chiacpadombuen Esuquidistu tantiaquido icsho ënenquiocquin ubëdi tabadmendambi, quequin ambi chiampicpadombuen ma nëidon tantianu, queshun Esuquidistu chuibennequidquio icmiondashi.

Ebedeo 6:18

Adec Nuquin Papa muatiapimbocquid icquin: Umbi chiacpadombuen naimbi, quequin chiaid utsi uatiapimbo iquec. Aden abimbo chuiquidquio nec. Adquid nec, quequin chiaid tantiashun nuqui: Ubi bëdambuen isquin dayun uata, Papa, quequin Ambi chiacpadombuen naindac. Adembidi abi tantiaquido caic: Ubi yacno mibi ubëd tabadendac, quequin chiampid utsi uatiapimbo iquec, quequin caimbudquid nuqui nendac.

Esusën Uan ismiaid 3:19

Mimbi icsambuen naic, quequin aton papan aton bacuë ënmiacbimbuen ubi tantiaquidon icsambuen nasho issun: Ambi icsambuen naid ënmenu, quequin natiambo icmembique. Nuquin Papabëta ubi padpidembuen tantiabenuaquin mimbi icsambuen naid ënash bëdambuec tabadta.