Ducas 1:19 - El Nuevo Testamento en matsés

¹⁹ Adoaquien: Cabadied nebi. Abëd tabadquin Nuquin Papa nashunquidquio nebi. Aidëmbi ambi tantiacpadombuen mibi Chiaid Bëda tantiamenuen chomebued nebique.

Ducas 1:19 ပူးပေါင်းရင်းမြစ်များ

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Ducas 1:20

Tantia. Chuinu. Min chidon bacuë tishendac, quequin umbi chuibued tantienquio icsho Nuquin Papan mibi eme uaindac. Min chidon bacuë tishan padpidec mibi onquianuaindac, quepanëdash Nuquin Papabëd icquid Sacadias chiec.

Ducas 1:26

Aden Isabedën bacuë usundoaid uëshë 6ted nidmian nidaid Cadidea yacno shubu dadpen icquid Nasaded yacno Nuquin Papan abëd icquid Cabadiedbidi chomepanëdash.

Ducas 2:10

Adsho issumbien Nuquin Papabëd icquid chobuedën: Dacuëdenda. Chiaid Bëda matses abitedi cuishoncametequid chuinuec chobique. Dacuëdenquio icquin tantiata. Chuinu.

Ducas 21:36

Ënenquio icquin aid uëshë chote cainec tabadquin Nuquin Papa naden chuidoneta: Chieshtomenquio icquin mibi tantiaquidquio ubi icmeta, Papa. Adembidi natiamequin cuidte uëshë choec, queshun ubi mënchicta, Papa. Aid uëshë chonoc ubi bedshun mimbi Chomiaid Matsesën Tishaid bëisquid ubi icmeta, Papa, quequin chianneta, capanëdash Esusën.

Ebedeo 4:14

Esus Nuquin Papan Madombo yec nëish iua cuessunneshun pichicaquidon chuiquid tapambobimbuecquin Nuquin Papa matses bëdambuen ismequid nec. Adquid yec abuc nidshun Nuquin Papa chiec: Ubi tantiaquido matses bëdambuen ista, quequin chiannec. Aden chiannequid nec, queshun chieshtoenquio icquin Esus tantiaquionona.