Ducas 1:17 - El Nuevo Testamento en matsés

¹⁷ Min mado Nuquin Papan Chomiaid tishabi icnuc choendac. Tsusedpa Nuquin Papan oncamiampid Ediasën chiampicpadombuen dacuëdenquio icquin cuembo chuibanquidquio min mado iquendac. Aidën chuibanac chieshënnambuedi amëbëd aton bacuëbo tantiananuaindac. Nuquin Papan Chiaid niacbuedi min madon chiac Nuquin Papan Chiaid naquidquio iquendac. Nuquin Papan Chomiaid choeque. Bëdambuec tabadnuna, quequin chuibanendac, quepanëdash Nuquin Papabëd icquid.

Ducas 1:17 ပူးပေါင်းရင်းမြစ်များ

Mateo 11:14

Adembidi Uan chote chuiquin Nuquin Papan Ambi Chiaid dada uamepampic. Umbi oncamiaidquio Edias cuëmëdquid chomendambi, quenëdacpadembi Ediasbimbuecquid Uan chote chuipampic.

Mateo 3:3

Aden Uan chote chuiquin naden Nuquin Papan ambi oncamiaid Isayas dada uamepampic: Shubu nibëdacno capuquin cumapenen cuënac matses chochosho: Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin chuibanendac, quequin Isayasën chuipampic.

Mateo 3:4

Nadquid Uan nepanëdash. Aton dashcute nëish iua dapa camecho caidën bu daëdcaid dasiuidpanëdash. Tsipantebic nëish iua bitsi nacnenaid tsiupanëdash. Aton pete bacumbëd capishtobiecquid icpanëdash.

Ducas 1:16

Nuquin Papan Chiaid tantiaquidquio icquin aidën chiac isadaidbo dadpen Nuquin Papan Chiaid niac niacquid icbuedi: Cun Icbo Nuquin Papa nec. Aidën chiacpadombuen naimbi, quequin tantiabenendac.

Ducas 1:76

Nuquin Papan Chomiaidquio chuibanquidquio mibia icsho issun utsibon: Nuquin Papan oncamiaidquio nec, mibi caindac, mado. Chuiquid tapambo choec, queshun podquied nacnenacbimbuen: Nuquin Icbombo choeque. Mimbi icsambuen naid ënash bëdambuec tabadta, quequin aid chuiquidquio mibi iquendac.

Uanën dada uaid 1:13

¿Matsesën tantiacpadenuidi tantiaquidta adopanëdash? Adembidi: Nuquin Papan Mado nebi, quequin ¿ambembi chuiquidta Nuquin Papan cun mado capanëdash? Padenquio. Nuquin Papan tantiamiacpadombuen aton Madombo Esus tantiaquid icsho dada cun mado caquimbi chido cun champi capanëdash.

Uanën dada uaid 1:34

Aden ismeboc tantiaquin: Nuquin Papan Madombo nec, quequin mibi chiec nebi, quepondash Uan acten mentoanquid.

Uanën dada uaid 3:28

Nuquin Papan Chomiaid Quidistu Mesias caidpenquio nebi, quequin mibitedi cuembo chiondambi. Nuquin Papan aidën bëyuc chomiaid icquin aid chote chuibanquidquio nebi, quequin umbi chuibansho mibitedishun tantiondac.

Hechos 10:33

Aden chiac: Petedo bedtan, quequin umbi namiaido nidmiombi. Adoac bëdambocquid yec cacuidanenquio yec badedquio mibi choac. Adec mibi choacsho isash bëdambo iquebi. Nuquin Papan isnubi nëbi ambi tantiamiacpaden mimbi chuibansho tantiec ubitedi tabadnu, quepanëdash Codnedio Petedo chiec.

Doma 9:23

Nuquin Papan matses bëdambuen iste bunquin icsaisambo yec bëdamboshëcquid icquin nuqui tantiamete bunec. Nuquin Papa nuqui tantiec uënësquiocquid icquin ambi ëndenquimbo nacnenampicno bëdamboshë yacno tabadmendac.

Codosas 1:12

Mimbi bëdambocquid icmebanac icsambocquid nibëdacno mimbi namiacno uëshëmboshë yacno mibi tantiaquid utsibobëd mibëdi tabadendabi, quequin tantiec: Nuquin Papa bëdambo iquec, quec cuishonquendac, Papa, quequin Nuquin Papa chiannembi.

Timoteo 2 2:21

Adquid icnuc Esus tantiaquidquio icte bunebique. Nëbi muaquin chuisho tantiatiapimbo icquin Nuquin Icbon chiacpadombuen naimbi, quiash Nuquin Icbon iuambo yantsiash shocosh bëdambocquid yacbimbuec. Adsho Nuquin Icbon bëdambuen nametsiash.

Petedo 1 2:9

Padnuen mibitedi Nuquin Papan: Cun matses nec, caido nec. Adquid icquin Nuquin Papa bëdambuen ismenuen nëish iua pichicaquidbimbuecquido mibitedi nec. Nuquin Papan chiacpadombuenuidi nate bunebi, quequin aid nashunquin: Nadquio Nuquin Papa iquec, quequin chuiquido mibi nec. Adquido yec Nuquin Papan iuabo mibitedi nec. Adquid icsho Ambi: Cun matses caido yec bëdamboshëcquido nec. Ënden Nuquin Papa tantiesa yec icsamboshë iccondaidi nëbi: Nuquin Papa bëdamboshë iquec, quequin paposhquiacbimbuecnuc tantiamequin mibitedi abi chuibanquido icmepondash.

Uan 1 2:28

Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.

Esusën Uan ismiaid 20:4

Adshumbic utsitsen ismeuaposhi. Aden ismiac chuiquidën tsadte dapan icbo icbuec: Cuidte chuiquid icta, caid tabadsho ispombi. Adembidi Esus tantiasho chieshënquin mapi butiac uënësaidon mayan tabadsho ispombi. Aidotedi chieshtoenquio icquin Esus tantiaquin Nuquin Papan Chiaid chuibanquido neposh. Aidobidi bëdi dapabimbuecquid acte ëquëducuësh chobuedbëta abibimbuecnuc nacnenaid tantiatiapimbo icquido neposh. Adecbidi: Aidën iua nebi, quec aid cuëmëdquid dada uadec bësiadenquio icquido neposh. Adecbidi mësiadenquio icquido neposh. Adquido icsho icsamboshë icquidon cuessun secaido neposh. Adquido icsho Nuquin Papan uincuemiac Esuquidistubëtambi seta midtedi matanmequin matses nameposh.