Doma 9:4 - El Nuevo Testamento en matsés

⁴ Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Doma 9:4 ပူးပေါင်းရင်းမြစ်များ

Mateo 21:33

Adshumbic Esusën: Utsi chiacbimbuen naden chuipondash: Tied Icbon aton tiedën ubauidquio nitsinshun tsicatequin daquënë uashumbic iuecshun sinacsho bedshun ma chinnu, quequin chintequidtsen nacnemposh. Aden nacnenshumbic: Uba ampenushe, queshun isec tsadte shubumpi abucquidtsen shubu uaposh. Aden aid shubu uashic: Nidnu, quequin abi nashunquidotedi chuiquin: Uba dadpen bednun ubi neshcashunquin ista, quequin chianec icbo nidposh.

Uanën dada uaid 1:17

Ëndenquimboshë Nuquin Papan: Naden nata, quequin Chiaid Moises dada uamepampic. Padnuen Esuquidistunuidtsëqui Nuquin Papan bëdambuen iste tantiamequin: Nadquio Nuquin Papa iquec, quequin matses abimbo tantiamepondash.

Uanën dada uaid 1:47

Adoac choshobien Esusën: Is. Isadaidbombo iquec. Muauadesambo nec, caquien

Hechos 2:39

Adembidi abi tantiasho issun mibitedibëta min bacuëbo menendac. Adembidi nidaidtedi yacnocquid Nuquin Icbo Nuquin Papa bunacpaden Esus tantiasho issun aton Mayan Bëdambocquid meneuaindac ambi chiampicpaden, quepanëdash Petedo.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Doma 9:6

Umbi chuibocpaden cun matses isadaidbo dadpenshun Esuquidistu tantienquio iquec. Adsho issun Nuquin Papan ambi chiampicpadombuen nainquio iquec ¿quectabi que? Padenquio. Cun matses dadpenshun Nuquin Papa tantienquiocsho issun Nuquin Papan: Cun matses nec, cainquio iquec.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Cadasia 3:16

Nuquin Papan: Nadombuen naindambi, quequin Abadauan chuishumbic: Mibi nibëdanan iuecquimbo ictanneshun min tsiuecquid abentsëcshun matses bëdambo icmendac, quepampic. Min tsiuecquido, quenquio yec: Min tsiuecquid abentsëc, quequin Esuquidistu chiec nepampic.

Epeso 2:12

Adquid icnuc: Nadquid iccondabi, quequin tantiata. Ënden Esus tantiesabo yec isadaidpembo icquin: Cun matses tsusedpabo chuiquin Nuquin Papan: Umbi chiacpadombuen nasho adoendambi, quequin chuipampic, quetiapimbo mibitedi iquec. Isadaidbon aden chuipampic. Adecbidi nëid nidaidën tabadec Nuquin Papa tantiesa icquin abëd tabadte caintiapimbo mibitedi icpondac.

Ebedeo 9:1

Nuquin Papan ambi: Ubi min matses bëdambuen ismenuen naden nata, quequin chiaid dada uameshun isadaidbo menepampic. Nuquin Papan: Ubi tabadte shubu uashun aid shubu nuntan ubi tantiaquin naden nacnenta, cacpadombuen abi nidaidën tabadte shubu uashumpampic.

Ebedeo 9:10

Adembidi: Nëid petequid nec. Nëid petemaid nec. Nëid actequid nec. Nëid actemaid nec. Nëid nabannush mëpamëdtequid nec. Nëid Nuquin Papa tabadte shubumpin puduednush dapamëdtequid nec, quequin tantiaquin nabampanëdash. Aden nabanquin bëdambuec tabadquid icmetiapimbo icpampic. Aden Nuquin Papan abi ismequin nabantequid utsi uabi icnuc matsesën nate nepanëdash.

Ebedeo 9:3

Aid shubun puduedacno dashcute dectanaid icpampic. Aid nuntambidi dashcute dectanaid utsi icpampic. Aid dectanaid udictsëcquid quënë bëdamboshëcquid quequin cuënaid icpampic.

Ebedeo 9:5

Aid sandote dapa bëchudante nacnenaidën Nuquin Papabëd icquido uicchunën podobimbuecnuc daëd nacnenshun bëchudante catabëcquin podo dësenanmiaid nënantanquio nuqui bëdambuen isquin cuidmenquioctequid Nuquin Papa iquec, quequin tantiamete caid nec. Nëbi aden nacnenaid chiaidtedi chienquio iquembi.

Ebedeo 9:6

Aden shubu uashun aidën icquidtedi tabëcash quënë bëdambocquid caid yacno badiadquidën badiadquidënquiec puduedtennequin Nuquin Papan Moises chiampicpadombuen Nuquin Papa bëdambuen ismenuen nëish iua cuessunneshun pichicaquidon bëdambo nuadnuc nabandednepampic.