Doma 9:31 - El Nuevo Testamento en matsés

³¹ Padnuen isadaidbon: Moisesën chiampiduidi nasho issun Nuquin Papan ubi bëdambuen istsiash, quebuedombi abitedi nainquio icsho bëdambuen isenquio icpampic.

Doma 9:31 ပူးပေါင်းရင်းမြစ်များ

Doma 10:20

Adembidi dacuëdenquio icquin Nuquin Papan abi chuibued tantiaquin Isayasën naden dada uapampic: Ubi tantiate bunenquio icbuedombi ubi tantiabenendac. Ubi caic: ¿Ada Nuquin Papa icpec? quesabobi: Nëmbo iquebi, caindambi, quequin chuipampic.

Doma 11:7

¿Atotsimbi chiec ne? Isadaidbon ambi tantiactedishun abi tantiasho Nuquin Papan bëdambuen isec. Isadaidbo utsiboen bëdambuen istiapimbo iquec. Aido: Nuquin Papa bëdambuen ismembi, quebuedi tantienquio icsho Nuquin Papan pacuënnëdacbimbuecnuc icmepanëdash.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 3:27

Umbi aden chuisho tantiash: Ambi chiacpadombuenuidi umbimbo nasho Nuquin Papan ubi bëdambuen isec, quequin mimbi abimbo chuitiapimbo iquec. Nuquin Papan: Naden nata, quequin Moises chiampicpadombuenuidi matsesën natiapimbo icsho bëdambuen istiapimbo icbuedi nëbi Esus tantiasho Nuquin Papan nuqui bëdambuen isec, quequin nuqui tantiec.

Cadasia 3:21

¿Min tsiuecquid tantiaquido bëdambuen isendambi, quequin Abadauan chiampid niacquinda Nuquin Papan Moises chuipampic? Padenquio. Ambi: Naden nata, quequin chiampidën ënëdenquio yec tabadtequid icnuc Nuquin Papan chiacpadombuen naic tabadenquio ictsempampic.

Pidipos 3:6

Adquid icquin Moisesën chiampiduidi nate bunquin icsambo icquido danquin Esus tantiaquido cuessun secamete bunquiondabi. Aden nasho ubipadquid utsibon: Mimbi icsambuen naic, catiapimbo iccondashi.