Doma 9:29 - El Nuevo Testamento en matsés

²⁹ Nadembidi Nuquin Papan Chiaid dada uaquin Isayasën ënden chuiuapampic: Abitedishun Icbo nadatiambocquid icquin Nuquin Papan uesquin cuidabi nuquin tsiuecquido nibëdquio ictsiandac. Shubu dadpen icquid Sodomabëta Comoda yacnoquid matses nëdëncacbimbuen cuidac nuquitedi nëbi nibëdquio ictsiandac, quequin chuipampic.

Doma 9:29 ပူးပေါင်းရင်းမြစ်များ

Santiaco 5:4

Adembidi min tiedën caniquid bedquin chonoadquido icsho mimbi dayun uaid piucquid menenquio icac aido shubiec tabadquin: Piucquid menianenquio iquec mibi icsambo iquec, quec cuëdcuededquin chuisho Nuquin Icbo Nadatiambocquidën abitedimbo tantiec.

Petedo 2 2:6

Adshumbic iuecquio ictanquin matses utsibotsen Nuquin Papan Ambi Chiaid niacniacsho cuidquin shubu dadpen icquid daëd Sodomabëta Comoda nëdëncapampic. Ambo tabadquido aton shububëta abucuësh taboadampambuec paëdquidën isisapuc uidquio icnuc nibëdquiecnuc pichicapampic. Aden icsambo icquido cuidquid nec, camenuen Nuquin Papan adopampic.

Udas 1:7

Adecbidi shubu dadpen icquid Sodoma yacnocquidobëd Comoda yacnocquido chido piucquid bedec chudadquid dadpen icpampic. Adecbidi aton chidopenquio chudquid dada dadpen icpampic. Adecbidi chido aton bënëpenquio chudmequid icnubi aton dada utsibëdi chichudnanquido icpampic. Adecbidi shubu dadpen icquid utsi utsiec anoentsëc icquido icsambuecbidi tabaduapampic. Adec tabadsho issun cuidquin Nuquin Papan natiamequin uesquin nëdëncapampic. Aden cuidampid tantiaquin: Icsambuen naquidotedi chian annëdënquiacno nësecaquin cuidquidquio Nuquin Papa nec, quequin nuqui tantiec.