Doma 8:9 - El Nuevo Testamento en matsés

⁹ Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Doma 8:9 ပူးပေါင်းရင်းမြစ်များ

Ducas 11:13

Mibitedi icsambuen naquido icquimbi min bacuë tantiaquin bëdambocquid menequid mibi nec. Adquid icnuc Nuquin Papa icsaisambo abuc tabadquid icquin: Min Mayan Bëdamboshëcquid ubi mene, quequin abi chuisho tantiashun mibi menendac, quepanëdash Esus.

Uanën dada uaid 14:17

Adoaid yec mibëd tëshnanenquio iquendac. Mibëd icquin ubi chuiquin mibi abimbo tantiamendac. Aid isadenquio icsho ubi tantiesabon aid tantiatiapimbo iquec. Mimbien aid tantiec. Cun Pan ubëd icmiaidquio icquin ambi namiaid ubi icsho Aton Mayan issumbimbuen mibitedishun tantiec. Aidi ubi nidan choash mibëd tëshnanenquio yec Cun Mayan mibëd iquendac.

Uanën dada uaid 14:23

Adoaquien Esusën: Ubi tantiaquid umbi chiacpadombuen naquid nec. Aden nasho aid tantiaquioquin Cun Pabëtan aidbëd icquin bëdambo icmendambi. Adoac ubëd iquec Cun Pabëd yacbimbuec tabadendac.

Uanën dada uaid 3:34

Nuquin Papan Chomiaidquio icquin Aidën Chiaidquio chuibanec. Nuquin Papan aton Mayan abëd tabadmiaid icquin nadatiambocquin nabanquin abimbo chuibanec.

Uanën dada uaid 3:6

Chidon tishaiduidtsëqui yec matsesën dadauidtsëqui nendac. Nuquin Papan Mayanën chuca uaquin tantiamiaidien Nuquin Papabëd tabadtequid nendac.

Hechos 16:7

nidaid cuëshë Misia caid yacno nidpanëdash. Ambo nidash: Nidaid cuëshë Bitinia yacno nidnu, quesho: Ambo nidenda, quequin Esusën Mayanën tantiamepanëdash.

Doma 7:5

Esus tantiabi yec nuqui bunacpadenuidi naic icsapadennec. Aden nainda, quequin Nuquin Papan Moises chuiquin dada uamiampid tantiashi: Adequi icsate bunquiebi, quiash nuquitedi icsaquiopadennec. Adquid yec uënësacbimbuec icsho ënenquio icquin cuidacno nidmequin nuqui nësecatsempondash.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 8:2

Nuquin Papan aton Mayan meniac nuqui Esuquidistubëd abentsëc yacbimbuec tabadquido nec. Adquido yec nëbi mëtaniacbimbuec icsambuec tabadbuedi mënchicacbimbuec bëdambuec tabadquid yanash nuqui uënësacsho cuidenquio iquendac.

Codinto 1 15:23

Ambi tantiacpadombuen Nuquin Papan Esuquidistuba uincuenmepanëdash. Adoshombic Esuquidistu padpidec chonoc abi tantiaquido uënësaido uincuenmendac.

Codinto 1 3:16

Mibitedi Nuquin Papa tabadte shubu nec. Adquid icnuc: Nuquin Papan Mayan ubëd iquec, quequin ¿tantienquioda mimbi icpe?

Codinto 1 6:17

Adquid icnuc Nuquin Icbo tantiaquid yec aidbëd daëdash abentsëc yacbimbuen tantiec tabadendac.

Codinto 1 6:19

Nuquin Papan aton Mayan meniaido mibitedi nec. Adoaido yec Nuquin Papa tabadte shubu mibi nec. Adquid icnuc: Nuquin Papan Mayan Bëda ubëd tabadec, quequin ¿tantienquioda mimbi icpe? Mibibi: Cun dadan icbo nebi, quetiapimbo mibitedi iquec.

Codinto 2 10:7

Ambi isaiduidi tantiec utsi utsiec onquec: Esuquidistu tantiaquid nebi, quequi aido: Pabado icsambocquid nec, quepec. Adec onquequidobi: Pabadotsen Esuquidistu tantiaquid nec, ma quenu, quequin chiec nebi.

Codinto 2 6:16

¿Matsesën ambibi nacnenshun papa caid tantiaquidta aton Mayan Nuquin Papan meniaid icpadic? Padenquio. Abi tantiaquid yec abi tabadtequid nuquibi nec. Adec Nuquin Papa uënëstiapimbocquidbëd tabadtequido nuqui nec. Nuquin Papan dada uamiampid nad iquec: Ubi tantiaquidobëd iquendabi. Aidobëd capuendabi. Aidon Papa caid nendabi. Aido cun matses nendac, quepampic Nuquin Papa.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Cadasia 5:24

Esuquidistun iuabo icquin nuqui icsambuen naidbëta nuqui icsate bunaidtedi bedshun cueste napotiaidën dectanquin cuessunniacbimbuen nuquitedi ënondac.

Epeso 1:13

Nuqui icsambuen naid bedshunash Esuquidistuded uënëspanëdash, quequin abimbo chiaid chuibansho tantiashun Esus tantiabenondaido mibitedi nec. Adquido icsho: Umbi bëdambuen isaido ubëd tabadtequido nec, queshun ambi chuinëdacpadombuen: Cunatedi nec, quequin Nuquin Papan aton Mayan Bëda meniac mibëd iquec.

Epeso 2:22

Mibitedi Esuquidistu tantiaquid utsibobëd abentsëc yacbimbuecsho Nuquin Papan Aton Mayan meniaid yec Aid tabadte shubu mibitedi nendac.

Epeso 3:17

Adembidi Esuquidistu tantiaquidombo icmequin ënëdenquio yec utsibobëd tantiananec tabadquid icmeta, Papa, quequin mibitedi tantiaquin Nuquin Papa chiannembi.

Pidipos 1:19

Mibitedishun ubi tantiaquin Nuquin Papa chuibedednuc mimbi chianniacpadombuen Esuquidistun Mayanën bëdambo icmiac chieshtoenquio iquendabi. Aidën nac quënën tsadenquio yec puduenendabi.

Timoteo 2 1:14

Nuquin Papan Mayan Bëda nuquibëd iqueque. Aidën tantiamiac umbi chiondacpadombuen Nuquin Papan Chiaidquio chuiquin Esusën naid chuibanta, mado.

Petedo 1 1:11

Esuquidistu choabi icnuc Aidën Mayanën tantiamiac aidon naden chuipampic: Nidaidën choacsho matsesën chieshënquin natiamequin uënës uaindac. Aden uënës uacsho uincuenmiac bëdamboshëcquid yec abitedishun Icbombo icuaindac, quequin Esusën nate chuipampic. Aden chuiquin: ¿Tedtsi yash chopec? ¿Mitsiuëshquio chopec? quequin tantiate bunquiopampic.

Uan 1 3:24

Aden ambi chiacpadombuen naquidbëd abentsëc yacbimbuec Nuquin Papa iquec. Adecbidi matses Nuquin Papabëd abentsëc yacbimbuecbidi icuaic, quequin Nuquin Papan aton Mayan meniaid nuquibëd icquin nuqui abimbo chiaid tantiamec.

Uan 1 4:13

Abi tantiaquid icsho aton Mayan meniaid icquin nuquitedi naden tantiec: Nuquin Papabëd abentsëc yacbimbuec nuqui icnuc nuquibëd abentsëc yacbimbuec Nuquin Papa iquec, quequin nuqui tantiec.

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.

Esusën Uan ismiaid 13:8

Bëdi dapabimbuecquid acte ëquëducuësh chobued chuiquid tapa icsho matses abitedishunquio: Nadatiambocquid yec bëdambo iquec, quequin tantiabededendac. Ëndenquimboshë matses uabi icquin Nuquin Papan tantiampicpadec abided cuidadec uënësaid Obecabimbuecquid tantiesabo nendac. Adquido yec Nuquin Papan: Ubëdi tabadtequido nec, quequin abi cuëmëdquid dadauate dapan dada uamiambo icquido nec, quequin aden ismeposhi.

Esusën Uan ismiaid 20:15

Ambobi abi tantiesabo yec aton cuëmëdquid abëd tabadmetequid dadauate dapan dada uabicquid icsho Nuquin Papan cuidquin nësecaposh.