Doma 8:38 - El Nuevo Testamento en matsés

³⁸ Naden ënenquio icquin tantiembi. Nuquitedi Nuquin Papan ënenquio icquin tantiaido icsho nadquidtedishun cuëshëdmenquio iquec. Uënësmequin cuëshëdmenquio icquinc, uënësabicsho cuëshëdmenquio icquinc, Nuquin Papabëd icquidombi cuëshëdmenquio icquinc, podobitsi icsabon aton chuiquid tapabëtan cuëshëdmenquio icquinc nëbi icquidon cuëshëdmenquio icquinc, iuecash icquidon cuëshëdmenquio icquinc,

Doma 8:38 ပူးပေါင်းရင်းမြစ်များ

Uanën dada uaid 10:28

Aido uënësacsho Nuquin Papa yacno tabadmendambi padpidec uënëstiapimbo icnuc. Uënësabi icsho bëdambuen dayun uaindambi. Umbi adosho icsamianquidën: Iuanu, quequin ubi bedshuntiapimbo iquendac.

Doma 14:7

Nuqui tantiacpadec tiboquequidpenquio nuquitedi nec. Adecbidi nuqui tantiacpadec uënësquidpenquio nuquitedi nec.

Doma 14:8

Uënësabi yec tabadec Nuquin Icbo Esusëna nuqui nendac. Adecbidi uënësash aidënabidi nuquitedi neuaindac. Aden uënësabicquin abi tantiaquido yec aidëna nuqui nendac. Aid tantiec uënësashic aidënabidi nuqui neuaindac.

Doma 6:23

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Codinto 1 15:24

Adnubi nëid nidaid abichobi nibëdanendac. Mayan Icsa Satanasbëta aton iuabo yec chuiquid tapabo yec nadatiambocquin namequido yec quenuc Esuquidistun abitedimbo dëniaquendac. Adshumbic Nuquin Icbo Esuquidistun aton papa Nuquin Papa chuiquin: Papa, mimbimbo abitedi nameta, caindac.

Codinto 2 11:14

¿Aidouidtsëquida muaquid nepec? Aido tantiamequid Mayan Icsa Satanas nec. Aidi Nuquin Papabëd icquidquio bëchamauanquiec isadacbimbuecquid nec.

Codinto 2 4:13

Nuquin Papan Chiampid nad iquec: Ambi chiacpadombuen Nuquin Papan naindac, quequin tantiabenshun chuibanombi, quepampic. Adombuembidi aid tantiaquin Esuquidistu nuqui chuibennec.

Epeso 1:21

Aden tsadunquin Nuquin Papan podobitsi icsabo cumapenen tantiaquin matses nabanmequidobëtan podobitsi icsabon icbo Mayan Icsa Satanasën Icbombo icmepanëdash. Adembidi nëbi icquidobëtan iuecash icquidon Icbombo Esuquidistu mimbi icmeuapanëdash.

Codosas 1:16

Abubëta nidaid uashun aidën icquidtedi uanuna, queshun Nuquin Papabëtan aidëmbi abitedimbo uapampic. Matsesën isaidbëta matsesën istiapimbocquidtedi Esuquidistun uapampic. Nuquin Papabëd icquidotedi ambi uampidquiobidi nec. Adembidi Mayan Icsa Satanas aton iuabobëta ambi uampidbidi nec. Aidotedi bëdambocquidobëd icsambocquid utsi utsiec chuiquid tapambo yantequid uapampic. Matsesteditsen Esuquidistun uaido nec. Aidotedishun Icbo Esuquidistu nec.

Codosas 2:15

Adec uënësacsho uincuenmequin Nuquin Papan Mayan Icsa Satanas aton iuabobëta dëniacmequin Esuquidistu abitedishun Icbombo icmepanëdash. Adoac cuesnanquin dëniacquin bedash bëyucquio nidmiacbimbuen Esuquidistun Nuquin Papa ismepanëdash.

Timoteo 2 1:12

Aden chuibenneshobini chieshënquin natiamequin quënën tsadumpondash. Adoaqui dacuëdenquio yec chieshtotiapimbo icquin Esus tantiembi. Umbi tantiaidquio nadatiambocquin nabanquidquio Esus nec. Adquid icquin: Umbi naid chuibanenquio yannushe, queshun abi tantiamequin Esusën ubi chieshtomenquio iquendac. Aidëmbi nidaidën choabi icquin abi chuibanquid chieshtoenquio icquid ubi icmendac, quec dacuëdenquio iquebi.

Ebedeo 11:13

Aden umbi chuibuedotedi caidacsho Nuquin Papan: Mibi nidaid menendambi, quequin chiampicpaden aid bedambobi uënësbudnepampic. Aidon Nuquin Papan Chiaid tantiaquid icquin uannoshon isacbimbuen isec cuishonquequin tantiaquin naden chuipampic: Nëid nidaidën tabadec quenenenquio iquendabi, quequin tantiapampic.

Petedo 1 3:22

Aidi uincuenash abuc nidash Nuquin Papan dayun abiucquio tsadtuidpanëdash. Adash abitedishun Icbombo yampanëdash. Nuquin Papabëd icquidon chuiquid tapabëtan Mayan Icsa Satanasbëtan aton iua podobitsi icsabon chuiquid tapa icquin ambi chiacpadombuen abitedi namendac. Adquido icbuedombi abitedishun Icbombo icsho aidën chiacpadombuen naindac.