Doma 8:31 - El Nuevo Testamento en matsés

³¹ Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Doma 8:31 ပူးပေါင်းရင်းမြစ်များ

Mateo 1:23

Dadan inacmaidëmbi bacuë usundoshon dada bacuë tishendac. Aidi Emanued cuënendac. Nuquin Papapadquidquiobidi matsesbëd tabadnuec choaid nec, quequin Emanued cuënendac, quequin Esus tishte chuiquin Nuquin Papan dada uamepampic.

Doma 3:5

Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Doma 4:1

¿Atotsi nuquin tsusedpa Abadauanën napampic?

Uan 1 4:4

Cun bacuëbobimbuecquido yec mibitedi Nuquin Papan namiaido nec. Muaquidon chuisho tantiashun: Muaquin chiec nec, quequin mibitedishun tantiac. Nuquin Papa nadatiambocquidën aton Mayan meniac Aidën tantiamiac muaquidën chuibansho mimbi: Muaquid nec, quequin dëniacquin tantiendac. Padnuen Nuquin Papa chieshënquido namequid Mayan Icsa Satanas bëdiactsëc nabanquid nec.