Doma 8:27 - El Nuevo Testamento en matsés

²⁷ Matsesën tantiaidtedi tantiaquidquio Nuquin Papa nec. Adquid icquin abi bunacpadombuen: Ma Nuquin Papan abi tantiaquido bëdambo icmenu, quequin tantiaquin aton Mayanën onquenquio icquin abi chuisho Nuquin Papan tantiec.

Doma 8:27 ပူးပေါင်းရင်းမြစ်များ

Mateo 6:8

Aden chienquio icquin Nuquin Papa chianneta. Mimbi chiabi: Adopashuni. Aid nibëdnuc uënësebi. Utsi icnuc bëdambo ictsiabi, quequin mibitedishun otacquio tantiaid Nuquin Papan tantieque.

Ducas 16:15

Adec tabadsho issun Esusën: Bëdambuen nacbimbuen ismequido mibitedi icsho mimbi ompoquin naidtedi Nuquin Papan tantiec. Adembidi: Bëdambuen naquidquio nec, quequin matsesën isaidi Nuquin Papan bëdambuen istiapimbo iquec, quepanëdash Esus.

Uanën dada uaid 14:13

Ubi tantiaquido mibitedishun: Ubi nashunta, Icbo, quesho tantiashun ambi chiacpadombuen nashunendambi. Nuquin Papa bëdamboshë iquec, camenuen

Uanën dada uaid 21:17

Aden daëden chuishumbic padpiden Esusën: ¿Ada ubi tantiaquie, Onasën mado Simon? cac uënësquio yanec shubiantiadtsëcquio Petedo yampondash. Adashic: Mibi cun Icbo nec. Ma mimbi abitedimbo tantieyoc. Petedon ubi tantiaquiec, quequin ma mimbi tantieyoc, quepondash Petedo. Adsho tantiash Esus padpidec: Ubi tantiaquin cun obecabimbuecquido ubi dayun uashunta, queuapondash.

Hechos 1:24

Adshun Nuquin Papa chiec nadec iccuededquido onquepanëdash: Nëid daëd iqueque. Is, Papa. Matses abitedishun tantiaid tantiaquid mibi neque. ¿Mitsicquidimbi: Esus chuibenneta, cape? Ubitedi tantiame, Papa.

Hechos 15:8

Umbi Esus chuibanac aid tantiaquid isadaidpembo yampondash. Adsho issun matsesën tantiaid tantiaquid icquin Nuquin Papan: Esus tantiaquid nec, quequin aton Mayan Bëda nuqui meniondacpadombuembidi isadaidpembo menepondash.

Doma 8:34

Adquid icshoda ¿Utsibon: Aido natiamequin cuidquin Nuquin Papa nibëdacno nidmenu, queshunda naic? Padenquio. Esuquidistu abided cuidadec uënësacsho uincuenmepanëdash. Aidëmbi nëbi Nuquin Papan dayun abiucquio tsadquin nuquitedi tantiaquin: Aid bëdambuen ista, quequin Nuquin Papa chiannec.

Doma 8:6

Aden abi bunaiduidi tantiaquin naic icsambuec tabadquid uënësacsho ënenquio icquin cuidacno nësecaindac. Nuquin Papan Mayan Bëdan tantiamiacpadec tabadquidien dacuëdenquio icnuc abëdi tabadmendac padpidec uënëstiapimbo icnuc.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Tesadonica 1 2:4

Mambi mibitedi abimbo chuibampondac. Matsesën tantiaidtedi tantiaquidquio icquin Nuquin Papan: Nëidën abimbo chuibantsiashe. Cun Mado Esusën naid Chiaid Bëda chuibennequid icmenu, caidquio nebi. Adoaid yec matses: Mibi bëdambo iquec, cameteuidi bunenquio iquebi. Nuquin Papa umbi tantiaidtedi tantiaquid icsho: Mibi bëdambo iquec, camenuembimbi ambi chiacpadombuen naic.

Ebedeo 4:13

Abitedimbo isquidquio Nuquin Papa nec. Adquid icsho ambi uaidtedishun ompodëntiapimbo iquendac. Adquid yec abitedimbo tantiaquid icquin: ¿Mitsipadec tabado? quequin chiac nuqui nabanaidtedi nuqui chuibanendac.

Santiaco 5:16

Adquid icnuc mimbi icsambuen naid tantiaquin mibëtan Esus tantiaquid utsibobëd chuinanta. Adoshon: Nënec aton dada daicsabudquido ma bëdanmenu, queshun Nuquin Papa chuibededta. Ambi chiacpadombuen naquidën chuisho tantiashun nadatiambocquin aid nashunendac.

Esusën Uan ismiaid 2:23

Aid chidon namiaidotsen cumapenec mëyadnuc uënësmendambi. Umbi adosho issun ubi tantiaquidtedishun naden tantiendac: Matsesën tantiaidbëta aidën nabanaidtedi tantiaquidquio icquin Esusën abi tantiesa cuidquimbi abi tantiaquin bëdambuen nabansho issun abi yacnombo tabadmendac.