Doma 8:26 - El Nuevo Testamento en matsés

²⁶ Adembidi Nuquin Papan Mayan Bëdan nuquitedi uidëmpentsëcquiocquid icshobi nashunec. Nuquin Papa bëdambuen tantiaquin chuinu, caqui: Tantiadenquio iquec, quiash shubitiadquio icsho issun aton Mayanën nuqui tantiaquin Nuquin Papa onquenquio icquin tantiamec.

Doma 8:26 ပူးပေါင်းရင်းမြစ်များ

Mateo 10:20

Mimbi tantiaid chienquiocsho Nuquin Papan Mayanën ambi tantiacpadombuen mibi oncamendac, quepondash Esus.

Mateo 20:22

Adoaquien: Umbi naid tantienquio icquin mimbi chuipec, quequin Uanën tita chuitanquin Uambëta Santiaco Esusën chuipondash: ¿Ada ubi mëyadacpadquiecbidi mëyadtsia? ¿Ada ubi uënësacpadec uënëstsia? ¿Ada chieshtoenquio ictsia? caquien abidaëdi: Ai, chieshtoenquio ictsiabi. Mibëd mëyadtsiabi, quepondash.

Ducas 22:44

Aden chieshtomenquio icaqui natiaquiec uëshquec Nuquin Papa chuiquiequi ichacbëd intac daëdash nidaidën pasquebudnepanëdash.

Uanën dada uaid 14:16

Aden naquidquio icsho issun Cun Pabëd icquin Cun Pa naden chiendambi: Nuqui tantiaquido bëdambuen tantiamequin ma aido cudasënquin bëdambuen nashunnu. Nuquin Mayan Bëda aidobëd ënëdenquio icnuc tabadmenuna, Papa, umbi cac Cun Pan Aton Mayan Bëda mibëdi tabadmendac.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Doma 7:24

Adquid yec shubitiadquio icchitebi. Icsambuen naquid icsho ¿tsuntsin ubi icsate bunaid ubi uënësmete chicpatsiash?

Doma 8:15

¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Codinto 2 5:2

Nuquin Papa yacno abuc nidabi yec uëshquequid nuqui nec. Adbuedi abi yacno nidacsho dada chuca uaid yec ënëdenquio yec nuqui tabadendac, quequin nuqui tantiec.

Codinto 2 5:4

Nuquin dada chodquequid icnuc uinmabudash uëshquec nuqui tabadec. Cun dada chuca uaquin chodquesa icmepashuni. Uënësesa icnu, quec nuqui tabadec.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Epeso 2:18

Esuquidistunuidtsëqui nac: Nëid isadaidbo nec. Nëid isadaidpembo nec, quenquio icquin aton Mayambëd abentsëc yacbimbuecnuc tabadmiaido yec Nuquin Papa yacno puduedtequido nuqui nendac.

Epeso 6:18

Aton Mayanën tantiamiacpadombuen ënenquio icquin Nuquin Papa chianneta. Adec tabadquin uidënquio icquid yacbimbuen chieshtoenquio icquin Nuquin Papa tantiaquidotedi tantiaquin chianneta.

Ebedeo 4:15

Aden nëish iua cuessunneshun pichicaquidon chuiquid tapabimbuecquid icquin matses uidëmpentsëcquio icsho chieshtomete tantiec. Aidi matsesacsho Mayan Icsa Satanasën: Nuquin Papan Chiaid niacmenu, quequin tanaqui Esuquidistun niaquenquio icpanëdash. Adembidi nuquitsen: Nuquin Papan Chiaid niacmenu, quequin tanquin icsambuen namete bunec.

Ebedeo 5:2

Aden aton matses nashunec nëish iua cuessunneshun pichicaquidon chuiquid tapan aton matses: Icsambuen nanu, quenquiocquidëmbi icsambuen naquidbëtan icsambuen nasho isash nëishenquio icquin: Cun matsesbëdi icsambuen naquid nebi, quequin Nuquin Papa bëdambuen ismenuen nëish iua cuessunneshun pichicapanëdash.

Santiaco 4:3

Icsambuen Abi chiannesho Nuquin Papan mibitedi menetiapimbo iquec: Nashunac abi bunaiduidi naic icsatsiash, queshun.