Doma 8:15 - El Nuevo Testamento en matsés

¹⁵ ¿Nuquin Papan Mayanënda mibitedi icsambocquidën iuabimbuecnuc dacuëdmepec? Padenquio. Mibitedi dacuëdmenquio iquec. Aidëmbi namiac mibitedi Nuquin Papan: Cun mado nec, Cun champi nec, caindac. Aidën tantiamiacpadombuen Nuquin Papa chuiquin: Papa papa, quequin nuqui chiannec.

Doma 8:15 ပူးပေါင်းရင်းမြစ်များ

Mateo 25:25

Adec dacuëdampambo icquid icsho mibi dacuëdënquin mimbi meniondaidted piucquid ompoquin chococaondambi. Në mimbi meniondaidtedtsëqui bëombi, caquien

Madcos 14:36

Aden chiashic: Papa, Papa, mimbi natiapimbo ictequid nibëdec. Adquid icquin ubi bunacpaden ubi mëyante nibëdmiac bëdambo ictsiash. Ubi bunacpadombuen nainquiocquin mimbi tantiacpadombuen nameta, Papa, quepanëdash Esus.

Ducas 11:2

Adoaquien Esusën: Naden Nuquin Papa chuita: Papa, bëdamboshëcquidquio mibi nec. Adquid icsho matses abitedishunquio: Cun Icbombo mibi nec, quequin ma mibi tantiapanuna, Papa. Mimbi namiacnoshon mibëd icquidon mimbi chiacpadombuenuidi naic. Adombuembidi nidaidënshun matses abitedishunquio ma mibi tantiaquin napanuna, Papa.

Ducas 22:42

Papa, ¿ada ubi natiamequin mëyadmenquio ictsia? Ubi bunacpaden namenquiocquimbi mibi bunacpadombuen nameta, Papa, quepanëdash Esus Nuquin Papa chiec.

Ducas 8:28

Aidi Esus bëquedec choec Esusën taëno dannëshën tinquebudash cumapenec cuëdec: ¿Atotsi ubi canuec ne? Esus. Nadatiambocquid Nuquin Papan Madombo mibi neque. Ubi mëyanenda, quequin aid dadan chuipanëdash podobitsi icsan oncamiac.

Ducas 8:37

Aden chiac nidaid cuëshë Quedasa yacnocquido natiambo dacuëdcuededquimbi: Nëmbo iquenquio yec nidec nid, cabededpanëdash chochobuedon Esus chuiquin. Adoac Esus abëd icquidobëd aucbidi budec cano dapa antabëdtoanec nidpanëdash.

Uanën dada uaid 16:8

Adoac matses ambi icsambuen naid tantiamendac. Adembidi: Bëdambuen naquid nec, quequin tantiamendac. Adombuembidi Nuquin Papan cuidtequidtsen tantiamendac.

Uanën dada uaid 20:17

Aden abi chuiquin dayunshobien Esusën: Ubi dayunenda. Umbi chuibocpadec Cun Pa yacno nidabi iccobique. Ubëd icbued umbi cun utsi cabuedo umbi chuibuedquio chiec nid. Mibitedishun Nuquin Papa cabued Cun Pabidi nec. Adquid icnuc aid yacno nidendabi, quiosh, quequin chuita, quepanëdash Esus.

Hechos 16:29

Adoaquien seshunniadtsembuedën: Tabote bec cho, cac ambi namiaidën tabote bëacsho bedshun sananec badedi quënën puduedash dacuëdec uëdëquec Pabadobëd Sidas tabadacno choash danëshën sebudpanëdash.

Hechos 2:37

Aden Petedon chuisho tantiash iccuededquido ambi icsambuen naid tantiec uënësquio yec: Esus tantianu, quequin ¿atotsimbi nape? quepanëdash Petedobëta Esusën: Ubi chuibenneta, caido utsibo chiec.

Doma 8:16

Nuquin Papan Mayambëd nuquin mayan daëdash tabadnuc: Nuquin Papan mado nebi. Aton champi nebi, nuquitedi quendac.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Doma 8:26

Adembidi Nuquin Papan Mayan Bëdan nuquitedi uidëmpentsëcquiocquid icshobi nashunec. Nuquin Papa bëdambuen tantiaquin chuinu, caqui: Tantiadenquio iquec, quiash shubitiadquio icsho issun aton Mayanën nuqui tantiaquin Nuquin Papa onquenquio icquin tantiamec.

Doma 9:4

Cun tsusedpa Acobo Nuquin Papan Isadaid cuënaidën tsiuecquidotedi isadaidbo tantiaquin Nuquin Papan nadopampic: Cun matses mibi icsho isash mibëd tabadebique. Mibi ismenu, quequin cun matses tabadacno abu ushu bëchamauanquiecquid chomequin ismepampic. Adashic nadpampic: Umbi chiacpadec bëdambuec tabadsho mibi bëdambuen isquin bëdambo icmendambi, queshun ambi: Naden nata, quequin chiaid Moises dada uamepampic. Adoac abi tantianuen tabadte shubumpi uashunac Nuquin Papan abi bëdambuen tantiec tabadte isadaidbo chuipampic. Adshumbic: Bëdambuen isendambi, quequin Nuquin Papan cun tsusedpabo chuipampic.

Codinto 1 2:12

Nuquitedi Nuquin Papan abipadquid Aton Mayan meniaido icquin Esus tantiesabon tantiacpaden tantiatiapimbo nuqui iquec. Adquid icnuc: Matses tantiaquidquio icquin Nuquin Papan tantiamiaid nebi, quequin nuqui tantiec.

Codinto 2 11:4

Adec ubi tsadnubi Codinto yacno choshon utsibon Esuquidistu umbi chuibued utsi uain icsambuen chuibansho badedquio mibitedishun tantiashunec. Adembidi Nuquin Papan Mayampenquio caic: Mayan utsi iquec, quesho tantiash: Ubi mene, mibi quepec. Adembidi, Mibi bëdambo icmequid Esusbimbuecquid utsi iqueque. Aid tantiata, quequin umbi chiaid utsi uain chuisho tantiashun: Abimbo caic, quequin mibitedishun tantiec. Aden utsibon umbi chiondaid utsi uain chuisho tantiec, quesho tantiash Esuquidistu tantienquio yantsiash, quec tsadebi.

Cadasia 2:4

Esus tantiaquid danmianquiec muaquido ubitedi tabadacno ompodash puduedpaccondash. Esuquidistu tantiasho Nuquin Papan nuquitedi bëdambuen isec, quequin cun tsusedpan chiaid niacsho tantianu, quiash umbi chuibanacno puduedpaccondash. Adec puduedshun tantiashic: Mimbi icsambuen chiec. Nuquin tsusedpa Moisesën chiampidtedi nasho Nuquin Papan bëdambuen istsiash, quenuen tantiec tabadpaccondash.

Cadasia 5:1

Esuquidistun nuquitedi bëdambuen isquin iuapenquio icmiac. Adquid icmiac chieshtoenquio icquin aid tantiec mibitedi bëdambuec tabadendac. Adoaido yequi: Moisesën chiampicpadenuidi nasho Nuquin Papan nuqui bëdambuen istsiash, quec padpidembuec adquidën iuaid yanuainda.

Epeso 1:5

abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.

Timoteo 2 1:7

¿Nuquin Papan aton Mayan nuquibëd icmiacta nuqui natia dacuëdpe? Padenquio. Nadatiambocquin nabanquid nuquibëd icquin nuqui cuesambo icmec. Adembidi Nuquin Papan Mayan Bëdan tantiamiac nuqui utsibobëd tantiananec bëdambuec tabadec. Adembidi nuqui icsambuen nate bunaid namenquio icquin nuqui bëdambuec tabadmec.

Ebedeo 2:15

Aden Mayan Icsa Satanasën matses abi uënëste tantiamequin dacuëdmiaido yec aidën iuaido icbuedi matses umbi mënchicaid iquendac, quepanëdash Esus.

Santiaco 2:19

Nuquin Papa abentsëcquiobi iquec, quequin mimbi tantiec. Aden tantiaid bëdambo iquec. Adembidi podobitsi icsatedishun tantiauaic. Aden tantiec aido dacuëdec uëdëquec.

Uan 1 4:18

Nuquin Papa tantiaquid yec tantiananquidquio dacuëdenquio iquendac. Nuquin Papan abi bunacpaden tantiananquidquio icmiac aid dacuëdënesa nendac. Tantiananquidpenquio yec Abi tantiesain: Ambi icsambuen naid icnuc: Ubi cuidtsiash, quequin tantiec dacuëdendac. Adquid Nuquin Papa bëdambuen tantiabicquid nec.