Doma 8:14 - El Nuevo Testamento en matsés

¹⁴ Aden aton Mayan Bëdan tantiamiacpadec bëdambuec tabadquido icsho Nuquin Papan: Cun mado nec. Cun champi nec, caindac.

Doma 8:14 ပူးပေါင်းရင်းမြစ်များ

Mateo 5:9

Aton matses chieshënnansho isash: Padi. Bëdambuequien tabadtiad, quequid Nuquin Papan bëdambo icmequin dada cun mado caquimbi chido cun champi caindac.

Uanën dada uaid 1:12

Adquid icnubien utsibon: Nuquin Papan Madombo nec, quequin aid tantiabenquid icsho Nuquin Papan: Cun mado nec. Cun champi nec, capanëdash.

Doma 8:19

Aden Nuquin Papan: Nëid cun mado nec. Nëid cun champi nec, quequin abitedi ismete uëshë cainec ambi uaidtedi: ¿Nëbimbobida napeba? quequin cainec tabadec.

Doma 8:5

Aden Nuquin Papan Mayan Bëdan Esus tantiamiaid yec aidën tantiamiacpadec bëdambuec tabadte bunec. Padnuen uidëmpentsëcquiocquid icquin icsambuen nateuidi bunquin: Ubi bunaid nanu, quequin ambi tantiacpadenuidi icsambuen naic.

Doma 8:9

Nëbi Nuquin Papan aton Mayan Bëda meniaid icquin mibi bunacpaden icsambuen nainquio yec bëdambuec tabadquido mibitedi nec. Nuquin Papan Mayan Bëda mibëd iquec. Esuquidistun Mayambëd tabadesa yec Esuquidistu tantiaquidpenquio nec.

Doma 9:26

Nadentsen ashunquiobidi Nuquin Papan matses utsibo chiaid Oseasën dada uapampic: Mibitedi umbi: Cun matses, cacmaido nec. Adquid icbuedi Nuquin Papa uënëstiapimbocquidën: Cun mado nec. Cun champi nec, caido iquendac, quequin chuiquin Oseasën dada uapampic.

Doma 9:8

¿Abadauanën bacuëbotedishun tsiuecquidotedida Nuquin Papan cun matses caido nepec? Padenquio. Ambi chiampicpadombuen naquido icsho Isaquën tsiuecquidotedi Nuquin Papan cun matses caido nec.

Codinto 2 6:18

Mibitedishun Papa caid nendabi. Adquid icquin: Mibitedi umbi: Cun mado nec. Cun champi nec, caido iquendac, quec Nuquin Papa nadatiambocquid, quequin chuiquin dada uapampic.

Cadasia 3:26

Aden Esuquidistu tantiaquido yec mibitedi Nuquin Papan bacuëbo nec.

Cadasia 4:5

Adquid icnuc cun matses Moises chuiquin dada uamiampid naquidquio icsho Nuquin Papan Esus tantiamequin Aidën chiampid namenquio icquin cuishoncamendac: Cun bacuëbo nec, queshun.

Cadasia 4:6

Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec.

Cadasia 5:16

Nuquin Papan Mayanën tantiamiacpadombuen naic bëdambuec tabadta. Adec tabadquin mibi icsate bunaid mimbi nainquio ictsiac.

Cadasia 5:18

Nuquin Papan Mayanën tantiamiacpadombuen nabanquid yec: Moisesën chiactedimbo naquin umbimbo Nuquin Papa bëdambuen ismembi, quenquio mibitedi iquendac.

Epeso 1:5

abi bunacpadombuen Nuquin Papan Esuquidistu uidtsëqui tantiaquido icsho ambi chiampicpadombuen nuquitedi: Cun bacuëbo icmendambi, abi quiampicpadombuen nëbi adobanec.

Epeso 5:9

Aidën tantiamiacpadombuen bëdambuen nabanec utsibo bëdambuen isec bëdambuec tabadendac. Adembidi muainquio icquin abimbo chuiquid icta.

Uan 1 3:1

Tantia. Chuinu. Abi tantiaquido icsho nuqui tantiaquioquin Nuquin Papan: Cun bacuëbo nec, caidombo nuqui nendac. Adoaido icquin: Adquid nebi, quequin nuqui tantiec. Adquid icsho Nuquin Papa tantiesabon nuqui tantienquio iquendac.

Uan 1 3:24

Aden ambi chiacpadombuen naquidbëd abentsëc yacbimbuec Nuquin Papa iquec. Adecbidi matses Nuquin Papabëd abentsëc yacbimbuecbidi icuaic, quequin Nuquin Papan aton Mayan meniaid nuquibëd icquin nuqui abimbo chiaid tantiamec.

Esusën Uan ismiaid 21:7

Mayan Icsa Satanasën: Icsambuen namenu, caqui chieshtoenquio icquin ubi tantiaquido icsho Aton Icbo icquin: Cun mado nec. Cun champi nec, queshun bëdamboshë yacno ënëdenquio yec ubëdi tabadmendambi.