Doma 7:7 - El Nuevo Testamento en matsés

⁷ Nuquin Papan: Naden nata, quequin chuiquin Moises dada uamiampid icsambuen namiantequid nec ¿quectabi ique? Padenquio. Nuquin Papan: Naden nata, quequin chuiquin Moises dada uamiampid issun: Icsambuen naombi, quequin tantiondambi. Utsina isash cuna adquid nibëdec, quec chieshëmënenda, quequin Nuquin Papan Moises dada uamiampid issun: Aden icsambuen naombi, quequin tantiondambi.

Doma 7:7 ပူးပေါင်းရင်းမြစ်များ

Mateo 5:28

Aden chiaid niac niacquin icsambuen naquid icnubi nadquidbidi icsambo icuaic. Aton chidopenquio isec: Uid chudtiadquio icchitebi, quequin otacquio tantiaquin isequi adecbidi matses icsapec.

Ducas 12:15

Aden aid chuishumbic: Cuna dadpenquio bednu, quesa icta. Mimbi dadpen bedaidënquio mibi bëdambuec tabadtiapimbo iquendac.

Ducas 20:16

Naden icbon naindac. Abibi aton tied yacno nidshun abi neshcashunquid icsambocquido icsho abitedi cuessun secashun aton tied abi neshcashunquid utsibotsen aton tied yacno icmendac, quepanëdash Esus. Adsho tantiash: Adoenquio icpashun, quepanëdash iccuededquido.

Hechos 20:33

Mibëd tabadec: Piucquid bec cho, quenquio iccondabi. Adecbidi: Dashcute bec cho, quenquio iccondabi.

Doma 13:9

Nuquin Papan Moises chuiquin naden dada uamepampic: Utsin chido chudenda. Utsin bënë chudmenda. Cuessunnianenda. Ampenda. Utsina isash: Cuna adquid nibëdec, quec chieshëmënenda. Naden naquin aid chiampid mimbi natsiac: Mibibi min dada datantiadacbimbuen utsibotsen tantiaquiota, quequin chuipampic.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 3:5

Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Doma 4:1

¿Atotsi nuquin tsusedpa Abadauanën napampic?

Doma 4:15

Nuquin Papan: Naden nata, quequin chiampid niacacsho Nuquin Papan matses cuidendac. Ambi: Naden nata, quequin chiampid nibëdnuc aid niactiapimbo icnuc nuqui cuidenquio ictsiash.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Doma 6:15

Nuquin Papan nuquitedi bëdambuen isec, quequin chuisho tantiashun naden icsambuen tantienda: Moises dada uamiampidtedi niacsho bëdambuen isquin cuidtiapimbo iqueque. Ambi chiaid niacquin icsambuen nanu, ¿quequinda tantie? Aden icsambuen tantienda.

Doma 7:11

Nuquin Papan: Naden nata, quequin chiampid tantiaquin icsambuen namequidën icsambuen namequin muaondashi. Adoac aidën chiaidquiobidi icsambuen naic uënësacbimbuecquid icsho cuidtequid icmetsenondashi.

Doma 7:13

Aden Nuquin Papan Chiampid bëdambocquid nec, quequin tantiashobi uënësacbimbuec icsho ubi ënenquio icquin cuidacno nësecaindac ¿quectabi ne? Padenquio. Icsambuen namiantequidën namiac icsambuen nabanec ubi uënësacsho ënenquio icquin cuidacno nësecatsiashi, quequin tantiabenondambi. Icsambuen naquido icquin Nuquin Papan Chiampid isash: Icsambuecshë tabadebi, quequin nuquitedi tantiabempondac.

Doma 7:5

Esus tantiabi yec nuqui bunacpadenuidi naic icsapadennec. Aden nainda, quequin Nuquin Papan Moises chuiquin dada uamiampid tantiashi: Adequi icsate bunquiebi, quiash nuquitedi icsaquiopadennec. Adquid yec uënësacbimbuec icsho ënenquio icquin cuidacno nidmequin nuqui nësecatsempondash.

Doma 7:8

Utsina isash: Adquid cuna nibëdec, quiash chieshëmëmbuedi Nuquin Papan: Adenda, quequin chiaid tantiashi icsaquid yec utsina cumapenec bunquiec chieshëmënquiondabi. Aden Nuquin Papan Chiampid nibëdnuc: Icsachitobi, quequin tantienquio ictsenondambi.

Codinto 1 15:56

Icsambuen nabanaid uënësmiantequidën chishpibimbuecquid nec. Nuquin Papan: Naden nata, quequin chiaid niacquid yanash icsambuen natequid yampampic.

Epeso 5:3

Nuquin Papa tantiaquido mibitedi neque. Bëdambuec tabadta. Adecbidi chudaiduidi chiec onquesa icta. Adecbidi natemaid utsi abi bunaiduidi naquin mëmunesa nec, quequin chiec onquesa icta. Adecbidi utsina isash dadpen bedte bunquid nec, quequin chiec onquesa icta.

Codosas 3:5

Adec Esuquidistubëd tabadec bëdamboshëcquid iquendabi, quequin tantiaquin mimbi icsambuen nabanaidtedi cuessun secacbimbuen mibitedishun ëmbanta. Adshun: Umbi chudtemaid chudnu, quenquio icquin ënta dadan. Umbi chudmetemaid chudmenu, quenquio icquin ënta chidon. Aden natemaid bunmec dasiuidenda. Adembidi mimbi icsambuen nate bunaidtedi ënta. Adembidi mitsana dadpen bedteuidi bunaid ënta. Mimbi: Bednu, quequinuidi tantiaid matsesën ambibi nacnenshun: Papa, quequin tantiacbimbuecquid mibi bedte bunaid nendac.

Tesadonica 1 4:5

Nuquin Papa tantiesabimbuec tabadenda. Esus tantiesambien abi bunacpaden nabanec tabadquin dadan chido utsi bunquin aton chidopenquio chudendac. Adembidi chidon dada utsi bunquin aton bënëpenquio chudmendac. Aden nabanec tabadenda.