Doma 7:11 - El Nuevo Testamento en matsés

¹¹ Nuquin Papan: Naden nata, quequin chiampid tantiaquin icsambuen namequidën icsambuen namequin muaondashi. Adoac aidën chiaidquiobidi icsambuen naic uënësacbimbuecquid icsho cuidtequid icmetsenondashi.

Doma 7:11 ပူးပေါင်းရင်းမြစ်များ

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 7:13

Aden Nuquin Papan Chiampid bëdambocquid nec, quequin tantiashobi uënësacbimbuec icsho ubi ënenquio icquin cuidacno nësecaindac ¿quectabi ne? Padenquio. Icsambuen namiantequidën namiac icsambuen nabanec ubi uënësacsho ënenquio icquin cuidacno nësecatsiashi, quequin tantiabenondambi. Icsambuen naquido icquin Nuquin Papan Chiampid isash: Icsambuecshë tabadebi, quequin nuquitedi tantiabempondac.

Doma 7:8

Utsina isash: Adquid cuna nibëdec, quiash chieshëmëmbuedi Nuquin Papan: Adenda, quequin chiaid tantiashi icsaquid yec utsina cumapenec bunquiec chieshëmënquiondabi. Aden Nuquin Papan Chiampid nibëdnuc: Icsachitobi, quequin tantienquio ictsenondambi.

Epeso 4:22

Aden chuibanac Esus tantiabenash ënden mibi tabadnëdacpadec tabadenda. Icsambuen naquid iquequi: Bëdambocquid nebi, quec mibibi mua uadnëdacpadec tabadenda.

Ebedeo 3:13

Nuquin Papan chiacpadec bëdambuec tabadnuna, quec badiadquidën badiadquidënquiec utsibobëd chuinannuna. Nuquin Papan dada uamequin chiacpaden nëbimbobi nanuna: Icsambuen namianquidën muaquin icsambuen namiac Nuquin Papan chiacpadombuen nainquiocquid icmane, queshun.

Santiaco 1:22

Nuquin Papan Chiaid tantiashun nabanenquio iquequi: Ambi chiaid bëdambo iquec, quec mibibi mua uadenda. Nuquin Papan Chiaid mimbi tantiabocpadombuen nabanta.

Santiaco 1:26

Nuquin Papan Chiaid tantiaquidquio nebi, quebuedi: ¿Adabi bëdambuec onquepeba? quenquiocquin utsibo icsambuen chiannequid abibi muauadquin icsambuen chuiquid icsho Nuquin Papan bëdambuen istiapimbo iquendac.