Doma 6:11 - El Nuevo Testamento en matsés

¹¹ Adembidi icsambuen naquido icbuedi uënësacbimbuecquid nebi, quequin mibitedishun tantiata. Adbuedi nëbi mibitedi Nuquin Papa bëdambo icmenuec Esuquidistubëd abentsëc yacbimbuec tabadec.

Doma 6:11 ပူးပေါင်းရင်းမြစ်များ

Uanën dada uaid 20:31

Naden tantiaquin dada uaombi: Nuquin Papan Chomiaid yec Quidistu Nuquin Papan Madombo Esus nec, quequin aiduidtsëqui tantiash ma Nuquin Papa yacno ënëdenquio yec abëd tabadtequido icpanu, quequin aidtedi dada uaombi.

Doma 16:27

Nëbi Esuquidistunuidtsëqui tantiamiacpadombuen chuiquin: Nuquin Papa abentsëcquiobi iquec. Aidpadquid utsi nibëdec. Abitedimbo tantiaquid yec bëdamboshëcquid nec, canuna ënenquio icquin. Amen.

Doma 5:1

Nuquin Icbo Esuquidistu uidtsëqui tantiasho Nuquin Papan nuqui bëdambuen isquin cuidenquio iquendac isaisabimbuecnuc. Adoaid yec nuqui bëdambuec tabadendac.

Doma 6:10

Icsambuen naquido cuidmenquio icnuec Esuquidistu abentsequi abided cuidadec uënëspanëdash, padpidec uënëstiapimbo icnuec. Adbuedi nëbi Nuquin Papa bëdambo icmec aidbëd tabadec.

Doma 6:13

Icsambuen nabanec tabadec uënësacbimbuec nuquitedi icpondac. Adquid icbuedëmbi uincuenacbimbuen Nuquin Papa tantiabenshun icsambuen naic tabadenquio icquin aid bunacpadombuen naic bëdambuec tabadnuna.

Doma 6:2

Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Doma 6:23

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Doma 7:4

Adecbidi mibitedi Esuquidistubëd abentsëc yacbimbuec tabadquid nec. Adquid yec Esuquidistubëd uënësacbimbuen padpiden Nuquin Papan Moises chuiquin dada uamiampidtedi nainquio iquec. Adec uënësacsho Esus uincuenmiaidbëd daëdash aid tantiec utsibobëd tantiananec tabadquin Nuquin Papa bëdambuen ismec.

Doma 7:6

Adquid icbuedëmbi nëbi uënësacbimbuen padpiden Nuquin Papan Moises chuiquin dada uamiampicpadombuen naic tabadte bunenquio nuquitedi yanondac. Nëbi icsambuen naid ënash utsiacbimbuec bëdambuec tabadquin Nuquin Papa tantiaquido nec. Ënden ambi Moises chuiquin dada uamiampicpadombuen nabambuedi nëbi Nuquin Papan Mayan Bëdan tantiamiacpadec nuquitedi bëdambuec tabadec.

Doma 8:18

Aden Nuquin Papa yacno bëdamboshë icte cainec tabadquin nuqui nidaidën natiec tabadaiduidi ma nuqui tantiatiapimbo iqueyoc.

Codinto 1 6:20

Nuquin Papan piucquid dadpen menequin bedshunacbimbuen ambi tantiamiaido yec aidëna mibitedi nec. Adquido icquin aidën chiacpadec bëdambuec tabadquin Nuquin Papa tantiata.

Epeso 2:7

Iuecshun utsibon Nuquin Papan aden naid icsho issun: Nuquin Papa bëdambocquid yec matses tantiaquidquio icquin Esuquidistu tantiasho bëdambuen isec, ma capanuna.

Pidipos 1:11

Adec mibitedi Esuquidistu tantiec bëdambuec tabadsho isash: Bëdambocquido nec, quetsiash utsibo. Adash: Aido bëdambuec tabadmequid yec Nuquin Papa bëdamboshëcquid nec, quendac, quequin mibitedi tantiaquin Nuquin Papa chiannembi.

Pidipos 4:7

Aden Abi chiannesho Aidëmbi mibi natiamenquio icquin bëdambo icmendac. Adoac bëdambuec tabadsho isash utsibo: ¿Mitsipadec bëdambo yampash? quetsiash. Adecbidi mibitsen: ¿Mitsipadequini bëdambo yampo? quetsiac. Adash: Nuquin Papa ubi nashunquidquio yec ubi cudasquidquio nec, quequin Esuquidistu tantiec natienquio yec bëdambuec mibi tabadendac.

Codosas 2:20

Tantia. Mibi chuinu. Esus tantiaquid yanshun: Esuquidistubëd uënësacbimbuen Mayan Icsa Satanasën namiacpadombuen umbi icsambuen naid nainquio iquembi, quebuedëmbi ¿atotsi queshun umbi chuibued tantienquio icquin Esus tantiesan chiacpadombuen nate bune?

Codosas 3:17

Aden nabanec tabadquin: Cun Icbo Esus nec, quequin tantiaquin aidën chiacpadombuen nabanta. Adec tabadquin: Mimbi tantiampicpadombuen Esuquidistun tantiamiaid yec bëdambo iquebi, Papa, quequin Nuquin Papa chianneta.

Petedo 1 2:24

Esuquidistu nuqui icsaid bedshunash abided cuidadec cueste napotiaidën diadec uënëspondash. Nuquitedi icsaquido icbuedi ma icsaid ënash bëdambuec tabadnu, quiash uënëspondash. Adecbidi abi tantiaquido bëdambuen isnuec Esuquidistu mëyamëdpondash.

Petedo 1 2:5

Aden Esus tantiaquido yec buintad tsasimbocquid yacbimbuecquido mibitedi nec. Adquid icsho Nuquin Papan aton shubun tabadtequido mibitedi icmendac. Adoac: Nuquin Papa bëdamboshë iqueque. Aidën chiacpadombuenuidi nate bunebi, queshun Esuquidistu uidtsëqui tantiec bëdambuec tabadquid mibi yanendac. Adsho isash nuadte bëda pichicasho shëdacbimbuec: Bëdambo iquec, quependac Nuquin Papa.

Petedo 1 4:11

¿Ada Nuquin Papan ambi Chiaid chuibanquid mibi icmiac? Adquid icmiaid icquin Nuquin Papan Chiaidquio chuibanta. ¿Ada Nuquin Papan mibëtan Esus tantiaquid utsibo nashunquid mibi icmiac? Adquid icmiaid icquin: Nuquin Papan tantiamiacpadombuen utsi nashunquiembi, queshun nashunta. Mimbi adosho isash ma utsibo: Abi namequid Nuquin Papa bëdamboshë iquec. Ambi tantiaid Esuquidistu bëdamboshëcquidbidi yec abitedishun Icbombo nec. Adquid yec nadatiambocquidquio nec, ma quenu, queshun ënenquio icquin tantiata. Amen.