Doma 5:4 - El Nuevo Testamento en matsés

⁴ Aden chieshtoenquio icquin Esus tantiasho Nuquin Papan nuqui bëdambuen isquin: Bëdambo iquec, caindac. Adoac: Uënësacsho uincuenmeshun abi yacno tabadmendac ambi chiampicpadombuen, quequin nuquitedi cainec.

Doma 5:4 ပူးပေါင်းရင်းမြစ်များ

Doma 15:4

Nuquitedi bëdambuec tabadte tantiamenuen Nuquin Papan Ambi Chiaid dada uamepampic. Aid isban isbanquin ma utsi uainquio icquin ubëta Esus ënenquio icquin tantiec tabadnu, queshun bëdambo icmequin dayacquio icmiac: Esusbëdi Nuquin Papa yacno tabadendabi, quequin tantiaquin cainec nuqui tabadec.

Pidipos 2:22

Timoteon bëdambuen naondash, quequin mimbi tantiec. Mimbi aden tantianubi ubëtan Esusën naid chuibanondash. Adquid yec cun madobimbuecquid nec.

Ebedeo 6:19

Aden nuqui cainaid chieshtoenquio icquin tantiaquin: Ënden aton shubumpin ëquëducquio nëish iua cuessunneshun pichicaquidon chuiquid tapa puduedampicpadombuen Nuquin Papa yacnombo puduedquin nëbi ubi bëdambuen ismequid nec, quequin nuqui Esus tantiec. Aden nuqui cainaid cano dapa uidën uate dapambo iuëmbocquidbimbuecquid nec. Utsi tantienquio nuqui iquendac.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.