Doma 5:3 - El Nuevo Testamento en matsés

³ Nadectsen nuquitedi cuishonquec: Abi tantiaquido icsho utsibon chieshënquin natiamiaqui bëdiactsëc tantiactsëcbuedi chieshtoenquio yec tantiaquidquio yanebi, quectsen nuquitedi cuishonquendac.

Doma 5:3 ပူးပေါင်းရင်းမြစ်များ

Hechos 5:41

Puduenmiac: Nuquin Papan namiacpaden Esus chuibansho mëyanac bëdambo iquebi, quec cuishonquecuededpanëdash.

Doma 5:11

Adembidi aidën tantiamiacpadombuen nuquitedi cuidmenquio icnuen Esuquidistu uidtsëqui cuidmequid bëdambo iquec, quequin Nuquin Papa tantiec nuquitedi cuishonquec. Adembidi icsambuec tabadbuedëmbi nëbi Esuquidistu uidtsëqui tantiasho Nuquin Papan bëdambo icmendac.

Doma 8:23

Adembidi nuquitedi natiamiac natiec tabadquid icshobi: Nëid Cun Mayambëd tabadquid nec, queshun Nuquin Papan bëdambuen isquin: Cun madobëd cun champi nec, queshun ambi tantiaid uëshën Nuquin Papan ubi uënëstiapimbo icquid icmendac, quequin tantiaquin natiamiaqui chieshtoenquio icquin nuquin dada chuca uate nuqui cainec.

Doma 9:10

Aden chiampid icnubi nuquin tsusedpa Isaquën aton chido Debeca bedshun bacuë usundomiac abi ushëmbi bacuë daëd tishpampic.

Codinto 2 4:17

Nuqui natiamiaidtedi ënëdendac. Natiamiaid icbuedi Nuquin Papa yacno tabadec bëdamboshë nuqui iquendac. Uënësesa yanash ënëdenquio yec tabadendabi, quequin nuqui tantiec.

Codinto 2 8:19

Nidaid Masedonia caid yacnocquid Esus tantiec iccuededquidon: Umbi sambededshun dayun uaid Pabadobëd nidquin buanec nidta, caidbidi Titobëd nidquid nec. Ma Edusaden yacnocquido meniac: Nuquin Papa bëdamboshë iquec, ma quenu, queshun buanendambi. Adecbidi ambocquido: Pabado chedon ubi tantiaquin nashunec, ma quenu, queshun buanendambi.

Epeso 3:13

Mibi tantiaquin chuibanquid icsho ubi chieshënquin natiamiaid icnuc chieshtoenquio icquin tantiata, mibitedi caimbi. Aden natiamiac ubi mëyadaid umbi chuisho tantiash: Ubi tantiaquin chiec nec, quec mibitedi bëdambo iquendac.

Pidipos 1:29

Esus tantiaquido icsho natiamiaqui mibitedi bëdambo iquendac. Adecbidi Esuquidistu tantiec bëdambo icuaindac.

Santiaco 1:12

Adecbidi natiamiantequid icnuc Nuquin Papan Chiaid niaquenquio yec chieshtoenquio icquin abi tantiaquid icsho Nuquin Papan bëdambo icmendac. Adoshombic ambi chiampicpadombuen: Bëdamboshëcquid menequin Umbi chiaid niaquenquio yec mibi ubi tantiaquiec tabadoque. Ubëd ënëdenquio yec tabadtequid mibi icmenu, caindac Nuquin Papan abi tantiaquido chuiquin.

Petedo 1 3:14

Adec bëdambuec tabadsho issun icsambo icquidën natiamequin mëyanacsho mibitedi Nuquin Papan mibi bëdambo icmetsiashe. Utsibo dacuëdënec natiec tabadenda.