Doma 5:21 - El Nuevo Testamento en matsés

²¹ Tauaquin matsesën icsambuen nasho cuidac uënëstequidouidquio yampampic. Adsho issun matses bëdambuen isnuen Nuquin Papan Ambi Chiaid niaquesambo Esusded cuidmepanëdash. Nëbi Nuquin Icbo Esuquidistu uidtsëqui tantiasho Nuquin Papan nuquitedi icsaisabimbuecnuc bëdambuen isquin ënëdenquio icnuc abëdi tabadmendac.

Doma 5:21 ပူးပေါင်းရင်းမြစ်များ

Mateo 25:46

Adoac aido icsambuec tabadquido ënenquio icquin cuidacnombo nidnubi bëdambuec tabadquido Nuquin Papa yacno ënëdenquio yec tabadendac, quequin Esusën chuipondash.

Uanën dada uaid 1:14

Aden abimbo chuiquin Nuquin Papa tantiamianquidquio Esus matsespanëdash. Nuquin Papan Mado abentsëcquiobi yec bëdamboshëcquid nepondash. Aidëmbi ubitedibëd tabadquin nadatiambocquin nabanquin matses tantiaquin nashunquid yec bëchamauanquiecsho ispondambi. Aden Esusën Nuquin Papambo tantiamepondashi.

Uanën dada uaid 10:28

Aido uënësacsho Nuquin Papa yacno tabadmendambi padpidec uënëstiapimbo icnuc. Uënësabi icsho bëdambuen dayun uaindambi. Umbi adosho icsamianquidën: Iuanu, quequin ubi bedshuntiapimbo iquendac.

Doma 4:13

Ëndenquimbo Nuquin Papan Abadauan chuiquin: Min tsiuecquido nidaid abitedi menendambi, quequin chuipampic. Nuquin Papan Moises: Naden nata, ¿quequin chiampicpadombuenuidi nashoda Nuquin Papan aden Abadauan chuipampic? Padenquio. Aden aidën chiacpadombuen nainquiocquin abi tantiasho Nuquin Papan bëdambuen isquin Abadauan chiec: Aden menendambi, quepampic.

Doma 5:12

Ëndenquimboshë abia matses uaid Adanëmba Nuquin Papan Chiaid niacquin icsambuen nasho cuidac uënëstequid yampampic. Adembidi matses abitedi Adanën icsambuen nampicpadembidi icsambuen naquido icsho Nuquin Papan uënëstequidouidquio matses icmepampic.

Doma 5:14

Nuquin Papan chuibuedquiobi niacquin Adanëmba icsambuen nasho cuidac uënëstequid yanec taëpampic. Adan uënësambic aidën nacpadombuen icsambuen naic matses abitedishun icsambuen nasho adecbidi uënëstequiduidquio Nuquin Papan icmepampic. Naden nata, quequin Moises dada uamequin Nuquin Papan chiabi icnubi aidën chiaid niactiapimbo yec utsi naquin icsambuen nashobi adopampic. Adambimbuecquid Nuquin Papan Chomiaid nepanëdash.

Doma 5:17

Abi chuibuedi niacquin Nuquin Papa cuidmiash Adan uënëstequid yannëdacpadequi matses abitedi uënëstequiduidquio iquec. Esuquidistunuidtsëqui nac Nuquin Papan matses icsaisabimbuecnuc bëdambuen isquin: Piucquid ubi mene, quenquio icquin abi yacnombo abëdi Nuquin Papan bëdamboshë yacno tabadmendac.

Doma 6:12

Adquid icnuc icsambuen tantiaquin nabanec tabadenda. Min dada uënëstequid neque. Min dadan bunacpadombuen nabanec tabadenda.

Doma 6:14

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Doma 6:16

Mibitedishun naden tantiec: Icbon chiacpadombuen iuan nabanquid nec. Adquid icnuc ambi tantiacpadombuen icsambuen nabanec tabadec uënësacsho ënenquio icquin cuidacno nësecaindac. Padnuen ambi chiacpadombuen naic tabadsho Nuquin Papan icsaisabimbuenuc bëdambuen isaid mibi iquendac.

Doma 6:23

Icsambuen naic tabadec uënësacsho Nuquin Papan ënenquio icquin cuidacno nësecaindac. Padnuen Nuquin Icbo Esuquidistubëd abentsëc yacbimbuec tabadquid icsho Nuquin Papan ënenquiocquin abëdi tabadmendac.

Doma 8:10

Esuquidistu mibëd iquec. Adquid icsho Nuquin Papan Mayan Bëdan tantiamiacpadec tabadsho Nuquin Papan bëdambuen isaido mibi nec. Icsambuen nabanquido yec min dada uënëstequid nendac.

Tito 2:11

Matses abitedimbo bëdambuen iste bunquid icquin Nuquin Papan: Ubëd tabadtequid icmenu, quequin matsesën icsambuen naid bedshunash cuidadtequid icmenu, queshun Esuquidistu chomepanëdash.

Ebedeo 4:16

Adquid icnuc tantianquidquio yec Nuquin Papa abitedishun Icbombo yec aton tsadte dapan tsadacno choec puduedshun chiacbimbuen: Ubi cuidenquio icquin bëdambuen ista, quequin Nuquin Papa chiannenuna. Adembidi natiamiantequid icnuc Abi chiannesho tantiashun Nuquin Papan nuquitedi chieshtomenquio icquin nashunquin dayacquio icmendac.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Uan 1 2:25

Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.