Doma 5:18 - El Nuevo Testamento en matsés

¹⁸ Aden Adanën icsambuen nasho cuidampid icnuc aton tsiuecquido abitedimbo cuidquin Nuquin Papan uënëstequidouidquio icmepampic. Padnuen Nuquin Papan chiacpadec Esuquidistu abided cuidadaidën abi tantiaquid icsaisabimbuecnuc Nuquin Papa bëdambuen ismequin abi yacno ënëdenquio icnuc tabadmendac.

Doma 5:18 ပူးပေါင်းရင်းမြစ်များ

Uanën dada uaid 1:7

Uanën chuibanac Esus chote ma matsesën tantianu, quequin Nuquin Papan aidba chuibanquid icmepanëdash.

Uanën dada uaid 12:32

Umbien abuc dectanaid icquin matses dadpen ubi tantiaquido icmendac, quepondash Esus.

Uanën dada uaid 3:26

Adshumbien Uambëd icquidon: Nuquin chuiquid chiec nidnunid, quianec nidshun Uan chuituidpanëdash: Acte Odan caid ëquëmatsiucshun ¿mitsicquid: Nuquin Papan Chomiaid nec, mimbi cadio? Aidën matses dadpenquio acten mentobanac caosh. Adoac matses dadpenshun tsibanampac caosh,

Doma 3:25

Nuquin Papan namiac Esuquidistu intac mëyanec uënësaid Esus tantiasho Nuquin Papan nuqui icsambuen naondaidtedi tantienquio yec bëshunquin nuquitedi bëdambuen isquin cuidenquio iquendac.

Doma 4:25

Nuquin Papan tantiacpadec nuquitedi cuidmenquio icnuec nuqui icsambuen naid bedshunec abided cuidadec Esus uënëspanëdash. Adec uënësash uincueniaid tantiasho Nuquin Papan icsambuen naisabimbuecnuc nuqui bëdambuen isendac.

Doma 5:12

Ëndenquimboshë abia matses uaid Adanëmba Nuquin Papan Chiaid niacquin icsambuen nasho cuidac uënëstequid yampampic. Adembidi matses abitedi Adanën icsambuen nampicpadembidi icsambuen naquido icsho Nuquin Papan uënëstequidouidquio matses icmepampic.

Doma 5:15

Adanëmba Ambi Chiaid niacsho cuidquin aidba uënëstequid icmeshun aton tsiuecquido matses uënëstequidouidquio Nuquin Papan icmepampic. Padnuen Nuquin Papa matses bëdambuen ismequidquio abentsëc icnuc utsi adquid ictiapimbo iquec. Nuquin Papan: Piucquid ubi mene, quenquio icquin Esusuidtsëqui tantiameshun nuquitedi bëdambuen isec. Esuquidistun naid bëdamboshë icnuc Adanën naid icsamboshë icpampic.

Doma 5:19

Matses abentsëcshun Nuquin Papan Chiaid niacquin icsambuen naquin tauampicpadequi aton tsiuecquido dadpenquio icsaquidouidquio yanac. Padnuen Nuquin Papan Chiaid niaquesambo icquin Esusën abi tantiaquido icsho bëdambuen isquin dadpenquio icsaisabimbuecnuc icmendac.

Doma 6:14

Nuquin Papan: Naden nata, quequin chuiquin Moises dada uamiampidtedi tantiaquin nabanondaidi mibitedishun aidën chiacpadombuen natiapimbocquin abi tantiasho Nuquin Papan bëdambuen isendac. Aden bëdambuen isquin tantiac icsambuen naic tabadte bunenquio mibitedi yanendac.

Codinto 1 15:22

Adan uënësnëdacpadecbidi abitedi uënëstequido nec. Adecbidi Esuquidistu uënësash uincuennëdacpadecbidi abitedi uincuentequido nec.

Ebedeo 2:9

Naden tantianuna. Nuquin Papabëd icquido cumapenen tantiaquin nabanquido icnuc Esusien Nuquin Papan matsesmeshun iuec iuecpactsen daëdpactsëc nabanquid icmiaqui Nuquin Papa matses bëdambuen ismenuen abitedi cuidmenquiocnuec abided cuidadec uënëspanëdash. Aden Nuquin Papan matses tantiaquidquio icquin cuidmepanëdash. Adec mëyadec abided cuidadaid icsho issun Nuquin Papan: Mibi bëdamboshë iquec. Nëbi mibi abitedishun Icbombo icmendambi, caindac.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Uan 1 2:20

Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac.