Doma 4:5 - El Nuevo Testamento en matsés

⁵ Nuquin Papambien icsambuen nabuedëmbi Esus tantiasho aid matses bëdambuen isendac icsambuen naisabimbuecnuc. Aid matsesën abi bëdambuen ismete nainquio icshobi Nuquin Papan bëdambuen isec.

Doma 4:5 ပူးပေါင်းရင်းမြစ်များ

Madcos 9:23

Adoaquien Esusën: ¿Ada podobitsi icsa dapuduedaid dapuduenmeshuntsia? ¿quecta ique? Nuquin Papa nadatiambocquin naquidquio nec, quequin tantiaquidën tantiacpadombuen Nuquin Papan nashunendac, capanëdash.

Uanën dada uaid 5:24

Tantia. Mibi chuinu. Umbi chiaid tantiaquidën ubi chomiondaid cun Pa tantiaquid icsho cuidenquio icquin ubëdi tabadmendambi. Cuidtequid icbuedi ubi tantiabenash ubëdi tabadtequid yanendac, quepondash Esus.

Uanën dada uaid 6:29

Nuquin Papan chiacpadombuen nate bunquin Aidën Chomiaidquio tantiata, quepondash Esus.

Doma 10:3

Nuquin Papa matses bëdambuen iste bunquid nec, quequin tantiatiadquidi isadaidbon tantienquio iquec. Aidon: Ambi chiacpadombuen naquin umbimbo bëdambuen ismembi, quequin tantiaquimbi Nuquin Papan: Umbi chiacpadombuen nasho icsaisabimbuecnuc bëdambuen isendambi, quequin chiaid tantienquio iquec.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 4:24

Nuquitsen Nuquin Papan ambi bëdambuen iste tantiamenuen aden dada uamepampic. Nuquin Icbo Esus uënësacsho uincuenmiaid tantiasho Nuquin Papan nuquitsen bëdambuen isec.

Doma 4:3

Naden chuiquin Nuquin Papan dada uamiampid iquec: Nuquin Papa ambi chiacpadombuen naquidquio nec, quequin abi tantiaquidquio icsho Abadauan Nuquin Papan bëdambuen ispampic, quequin dada uamepampic.

Doma 4:6

Aden matsesën abi bëdambuen ismete nainquio icshobi Nuquin Papan bëdambuen isac matses cuishonquetequid Nuquin Papan tantiamiac

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.