Doma 4:2 - El Nuevo Testamento en matsés

² Ambibi tantiacpaden nasho Nuquin Papan bëdambuen isac: Bëdambocquid nebi, quetsempampic Abadauan. Padnuen Nuquin Papa chiec: Bëdambocquid nebi, quenquio icpampic.

Doma 4:2 ပူးပေါင်းရင်းမြစ်များ

Doma 15:17

Aden Esuquidistun namiacpadombuen naic bëdambocquid nebi, quequin Nuquin Papan chiacpadombuen naimbi.

Codinto 1 1:29

Nuquin Papan adotequid icnuc: Ubiuidtsëqui cumapenen tantiaquidquio nebi, quequin matsesën chuitiapimbo iquec.

Codinto 1 1:31

Nuquin Papan chuiquin dada uamiampid nad iquec: Bëdambocquid nec, quete bunquid yec ma: Nuquin Icbombo Esus Icsaisambo yec Bëdamboshëcquid nec, quequin tantiec adpanuna, quequin chuipampic.

Codinto 1 4:7

¿Tsuntsin: Utsibo padenquio icquin: Mibitedi bëdambocquid nec, capash? Nuquin Papambien mibi adoambo iquec. Adoambo yac ¿atotsi quiash: Ubitedi bëdambocquido nebi, mibi quepe? Ubibi adquidquio yanobi, quiacbimbuen mimbi chuipec.

Codinto 1 9:16

Ubiuidtsëqui bëdambocquid nebi, quenquio icquin Esuquidistu chuibennequid nebi. Esuquidistun: Ubi chuibenneta, cac aidquio chuibennec nebi. Aden aid chuibennenquio yanash Nuquin Papan cuidtequid ictsiabi.

Codinto 2 11:12

Aden mibi tantiaquin umbi naondacpadombuembidi: Bec cho, cainquiocquin abi Esuquidistu chuibennec nebi. Adnubi: Bëdambuen chuibanquid nec, mimbi caido: Pabadon nacpadombuen nabanec tabadebi, quetiapimbo ictsiash.

Codinto 2 11:30

Umbi nabanaid bëdambo iquec, quequin chuitiapimbo iquebi. Padenquio icquimbi: Ambembi Pabadon natiapimbo iquec, ma quenu, quequin ubi mëyanondaid dadpen chuibanombi.

Codinto 2 5:12

Aden tantiaquin: Mibi bëdambo iquec, ma ubi canu, quequin mibitedi chuiquin dada uainquio iquembi. Bëdambuec tabadquid danmianquidon ubi icsambuen chuisho tantiashun: Ma Pabado bëdambocquid nepayoc, quequin ma aido chuinu, queshun mibitedi chuiquin dada uaic nebi.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Epeso 2:9

Matses iquec abi bunacpadombuen naic: Umbimbo bëdambuen nabanquin Nuquin Papa bëdambuen ismembi, quetiapimbo matses abitedi iquec.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.