Doma 4:18 - El Nuevo Testamento en matsés

¹⁸ Nuquin Papan Abadauan naden chuipampic: Tambantiapimbo yactedi min tsiuecquido dadpenquioshë iquendac, quequin chuipampic. Aden Nuquin Papan chuiboc cainequi: Cun bacuëbo nibëdec, quenquio icquin cainec Abadauan nadpampic: Ai, abimbo mimbi caic, quequin tantiapampic. Adnëdaidi Abadauan nidaid utsi utsiec yacno tabadquidon papabimbuecquid yampanëdash.

Doma 4:18 ပူးပေါင်းရင်းမြစ်များ

Ducas 1:18

Aden Nuquin Papabëd icquidën chiaquien Sacadiasën: ¿Mitsipadembimbi mimbi chuibued: Abimbo iquec, quequin tantiape? Cun chido machobudnubi mabi tsësiobudquiopaboc, capanëdash.

Hechos 27:25

Aden umbi chuisho tantiash dacuëdenquio yec tabadta. Ambi abëd icquid budmiaidën chuibocpadombuen naquidquio Nuquin Papa nec, quequin tantiembi.

Doma 4:17

Nuquin Papan Abadauan chiampid chuiquin naden dada uamepampic: Nidaid utsi utsiec yacno tabadquidon papabimbuecquid mibi iquendac, quequin chuipampic. Aidi Abadauanën tantiaidquio Nuquin Papa nepampic. Aidi uënësaid uincuenmequidquio nec. Adecbidi nibëdquio icbuedi utsi uaquidquio nec.

Doma 4:19

Aton seta 100ted yantiadtsëcquio yanec tsësiobudtsëcquimbi chieshtoenquio icquin Nuquin Papa tantiapampic: Umbimbo bacuë tishmetiapimbo iquebi. Adecbidi cun chido Sada machobudtsash uënëstiadtsëcquio yanec. Adquidën bacuë usundoshon tishtiapictsëcquio iquec, quequin tantiequi: Nuquin Papan abimbuen caosh, quequin ënenquio icquin tantiapampic.

Doma 5:5

Aden chieshtoenquio icquin cainquin abi tantiaquid icsho Nuquin Papan ¿ada cacunmepec? Padenquio. Nuquin Papan nuquitedi tantiaquidquio icquin aton Mayan Bëda nuquibëd tabadmec, quequin nuquitedi tantiec.

Doma 8:24

Aden chieshtoenquio icquin cainquido icsho Nuquin Papan nuquitedi abi yacno tabadmendac. Aden cainec tabadquin nuqui isaidtedi caintiapimbo iquec. Adquid icsho ¿tsuntsin ambi isquin tantiaid cainuapec?

Ebedeo 6:19

Aden nuqui cainaid chieshtoenquio icquin tantiaquin: Ënden aton shubumpin ëquëducquio nëish iua cuessunneshun pichicaquidon chuiquid tapa puduedampicpadombuen Nuquin Papa yacnombo puduedquin nëbi ubi bëdambuen ismequid nec, quequin nuqui Esus tantiec. Aden nuqui cainaid cano dapa uidën uate dapambo iuëmbocquidbimbuecquid nec. Utsi tantienquio nuqui iquendac.