Doma 4:11 - El Nuevo Testamento en matsés

¹¹ Adoshon Abadauanën: Abi tantiasho Nuquin Papan ubi bëdambuen isec icsambuen naisabimbuecnuc, quequin tantiaquin Nuquin Papan chiacpadombuen naquin shui dëbid dëtemepampic. Adoaid yec Abadauan Nuquin Papa tantiaquidtedishun papabimbuecquid nepanëdash. Shui dëbid dëtemiacmaidombi abi tantiasho Nuquin Papan adembidi bëdambuen isec icsambuen naisabimbuecnuc.

Doma 4:11 ပူးပေါင်းရင်းမြစ်များ

Mateo 16:16

Simon Petedon: Quidistu Mesias caid Nuquin Papa uënëstiapimbocquidën Chomiaidquio yec Aidën Madombo mibi nec, caombi, capondash.

Mateo 8:11

Tantia. Chuinu. Matses utsi icquimbi sondadon chuiquid tapan ubi tantiec. Adec nidaid utsi utsiec yacnocquido isadaidpembo ubi tantiaquido yanash uëshë choacmiuësh choec Nuquin Papan namiacno puduedtequid iquendac. Adecbidi uëshë nidacmiuësh choec puduedtequid icuaindac. Adash isadaidbon tsusedpabo Abadauan yec Isac yec Acobo yec quec aidobëd pec tabadendac.

Ducas 19:9

Adoaquien Esusën: Chian annëdënquequid yacno nësecatsembuedi aton tsusedpa Abadauanën tantiampicpaden tantiaquid yanacsho Saqueobëta aton shubun icquido mënchicaid nëbi iquec.

Uanën dada uaid 3:33

Aden aidën chiac tantiaquidombien: Nuquin Papa muesambo nec, quequin tantiendac.

Uanën dada uaid 3:36

Adoaid Aton Mado tantiaquido icsho Nuquin Papan abi yacno tabadmendac. Padnuen aton mado tantiesabo icsho Nuquin Papan abi yacno tabadmenquio icquin mëyadtequid yacno nidmequin cuidquiendac, quequin Uanën chuipanëdash.

Uanën dada uaid 6:35

Adshobien Esusën: Ubiuidtsëqui petebimbuecquid icquin matses bëdambo icmequid nebi. Ubi tantiaquid icsho pete pemetanquin acte acmiac bundoenquio yacbimbuecnuc bëdambo icmendambi.

Uanën dada uaid 6:40

Cun Pa bunacpaden ubi tantiaquido uënësacsho uincuenmete uëshën uincuenmeshun Cun Pabëd ubi tabadacnombo ënëdenquiocnoc tabadmendambi, quepondash Esus ambi pemebuedo chiec.

Uanën dada uaid 6:47

Adashic padpidec: Tantia. Abimbo chuinu. Ubi tantiaquido Nuquin Papa yacnombo ënëdenquio icnuc ubëdi tabadmendambi.

Uanën dada uaid 8:33

Adsho tantiashumbien: Ubitedi Abadauanën tsiuecquido yec utsin iuacmaido nebi. Tantiadenquiocnoc mimbi chiec. ¿Atotsi quequin: Iuapenquio mibi icmendambi, quequin mimbi ubi chuipe? capondash abi tantiabentsëcquidon.

Doma 10:11

Nuquin Papan chuiquin dada uamiampid nad iquec: Abi tantiaquid icsho mua uainquiocquin Nuquin Papan ambi chiampicpadombuen naindac, quequin chuipampic.

Doma 10:4

Ënden Nuquin Papan: Naden nata, quequin chiacpadombuen matsesën nasho bëdambuen isembi, quedennedëmbi nëbi Esuquidistu tantiasho Nuquin Papan ambi chiampicpadombuen matses icsaisabimbuecnuc bëdambuen isendac.

Doma 10:6

Aden chiampid icnuc Esuquidistu tantiate icnuc naden tantiaquin chienda: ¿Tsutsi abuc nidpatsiash? quequin aid chuiquin Esuquidistu abucuësh budte chiec nec.

Doma 3:22

Aden ambi chuiquin dada uamiampicpadombuen nëbi abi tantiamequid Esuquidistu uidtsëqui tantiasho Nuquin Papan matses bëdambuen isec icsambuen naisabimbuecnuc. Isadaidbobëtambi matses utsibontsen Esus tantiasho adoendac.

Doma 3:26

Icsaquido cuidquid icquimbi Nuquin Papan badedquio chieshtoshon cuidenquio icquid nec. Adquid icquin Nuquin Papan abi isaisa yacpadombuembidi nëbi Esus tantiasho icsambuen naisabimbuecnuc bëdambuen isquin nuqui cuidenquio iquendac.

Doma 3:30

Abipadquid utsi nibëdnuc Nuquin Papa abentsëcquiobi iquec. Adquid icquin ambi chiacpadombuen isadaidbon Esus tantiasho: Nëid shui dëbid dëtemequid nec, quenquio icquin Nuquin Papan bëdambuen isec. Adembidi: Nëid shui dëbid dëtiacmaid nec, quenquio icquin Esus tantiasho bëdambuen isec.

Doma 4:10

¿Ambi chiacpadombuen shui dëbid dëtemiacshoda Nuquin Papan Abadauan bëdambuen isbempampic? Padenquio. Shui dëbid dëtemiambo icquimbi Abadauanën Nuquin Papa bëdambuen tantiabempampic.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Doma 9:33

Naden chuiquin Nuquin Papan Chiaid dada uapampic: Edusaden yacno cuënote dectanendambi. Aid sec matses tocoshquetanec uebudcuededendac. Nëid tantiaquid icsho cuidenquio icquin ubi yacno tabadmendambi, quequin chuiquin dada uamepampic.

Doma 9:6

Umbi chuibocpaden cun matses isadaidbo dadpenshun Esuquidistu tantienquio iquec. Adsho issun Nuquin Papan ambi chiampicpadombuen nainquio iquec ¿quectabi que? Padenquio. Cun matses dadpenshun Nuquin Papa tantienquiocsho issun Nuquin Papan: Cun matses nec, cainquio iquec.

Codinto 2 1:22

Adembidi: Cuna nec, quequin aton Mayan Nuquin Papan meniaid nuquibëd tabadec. Adoaid yec aidbëd tabadtequid nebi, quequin tantiamenuen Nuquin Papan aton Mayan meniac.

Cadasia 3:22

Adquid icnuc Nuquin Papan chuiquin dada uamiampid niac niacquido yec mëtaniacbimbuec matses abitedimbo icsambuec tabadquido nec. Adquid icbuedëmbi ambi Abadauan chiampicpadombuen naquin Esuquidistu uidtsëqui tantiasho Nuquin Papan bëdambuen isendac.

Cadasia 3:29

Adembidi Esus tantiasho ambi Abadauan bëdambuen isampicpadombuen Esuquidistu tantiasho Nuquin Papan nuqui bëdambuen isquin bëdambo icmec ambi Abadauan chiampicpadombuen. Adec Abadauanën tsiuecquido nuqui nec.

Cadasia 3:7

Adquid icnuc Nuquin Papa tantiaquidotedi Abadauanën tsiuecquido nec, quequin mibitedishun tantiata.

Cadasia 5:5

Padnuen nuquitedi Nuquin Papan Mayanën tantiamiac naden nuqui tantiec: Esuquidistu uidtsëqui tantiasho Nuquin Papan icsaisabimbuecnuc nuqui bëdambuen isec, quequin nuqui tantiec.

Cadasia 6:16

Umbi aden chuisho tantiash: Abimbo mimbi caic, quiash bëdambuec tabadsho Nuquin Papan: Cun matsesquio nec, caindac. Aido Nuquin Papan bëdambuen isquin cuidenquio iquendac. Isadaidbobëta isadaidpembo adotsiash.

Epeso 1:13

Nuqui icsambuen naid bedshunash Esuquidistuded uënëspanëdash, quequin abimbo chiaid chuibansho tantiashun Esus tantiabenondaido mibitedi nec. Adquido icsho: Umbi bëdambuen isaido ubëd tabadtequido nec, queshun ambi chuinëdacpadombuen: Cunatedi nec, quequin Nuquin Papan aton Mayan Bëda meniac mibëd iquec.

Epeso 4:30

Nuquin Papan Aton Mayan Bëda mibi meniaid icsambuen naquin uënësquio icmenda. Cuna nec, queshun dada uatanquin siacbimbuen Nuquin Papan Aton Mayan Bëda mibitedi meniac. Nuquin Papan ambi tantiaid uëshëmbi ubi icsambuen naisambo icmequin abi yacno tabadmendac, quequin ma tantianu, queshun Aton Mayan Bëda meniaid mibëd iqueque. Bëdambuen chuita.

Pidipos 3:9

Esuquidistubëd daëdash aidbëd abentsëc yacbimbuecquid nebi. Adquid yec Moisesën chiampicpadombuen naquin aidën chiacpadombuen nainquio icchitembi, quequin tantiec nadondabi. Nuquin Papambien Esuquidistu umbi tantiasho ubi bëdambuen isquin ambi chiacpadombuen ubi namec, quequin tantiabenondambi.

Ebedeo 11:7

Adembidi abi tantiaquidquio icsho Nuquin Papan Noe naden chuipampic: Mimbi isacmaidquio naimbique. Cano dapa nacnenta, capampic. Adoac: Adquid isambo iquembi. Nibëdtsiash, quenquio icquin: Nuquin Papan chiacpadombuen aton shubun icquido: Acte nëuebudnushe, queshun buannuen cano dapa nacnempampic. Adembidi Abi tantiaquin: Cun matses Ambi Chiaid tantiesa icsho Nuquin Papan: Cuidac uënëstequid iquec, quequin Noen tantiapampic. Aden tantiaquidquio icsho Nuquin Papan bëdambuen isquin nashunaidquio Noe icpampic.

Petedo 2 1:1

Simon Petedo nebi. Abëd icquid yec aton iuambo icsho Esuquidistun: Ubi chuibenneta, caondaidquio nebi. Umbi tantiaidbidi bëdamboshëcquid Esuquidistu tantiaquido icsho mibitedi tantiembi, quequin chuiquin dada uaic nebi. Nuquin Papapadquidquiobidi yec Nuquin Papa matses cuidmenquiocquid Esuquidistu nec. Adquid icquin abimbo chuiquin cuidquidquio nec.

Esusën Uan ismiaid 9:4

Adsho issun aido naden chuiposh: Nidaidën icquidbëta tiedën caniquidtedi cute podo penda. Uasintsen pequin icsa uainda. Adembidi Nuquin Papan abi tantiaquido cudasquin bësebanaido senquio icquin bësiambocquidouidquio sebudneta, quequin chuiposh.