Doma 4:1 - El Nuevo Testamento en matsés

¹ ¿Atotsi nuquin tsusedpa Abadauanën napampic?

Doma 4:1 ပူးပေါင်းရင်းမြစ်များ

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Ducas 3:8

Mentomete bunec Nuquin Papan Chiaid niac niacbuedi ënash Nuquin Papa tantiec bëdambuec tabadta. Ubipadquid Abadauanën tsiuecquidouidtsëqui icsho Nuquin Papan bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënote dadpen icquidi matses uashun Nuquin Papan Abadauanën bacuëbopadquid icmetsiashe. Nuquin Papambo tantiata, quepanëdash.

Uanën dada uaid 8:33

Adsho tantiashumbien: Ubitedi Abadauanën tsiuecquido yec utsin iuacmaido nebi. Tantiadenquiocnoc mimbi chiec. ¿Atotsi quequin: Iuapenquio mibi icmendambi, quequin mimbi ubi chuipe? capondash abi tantiabentsëcquidon.

Uanën dada uaid 8:53

¿Nuquin Papan tantiaidquio Abadauambëd Nuquin Papan oncamiaido abitedi uënësbudniampid icnuc Nuquin Papan udimbo tantiamiaidquioda mibi nedi? quepondash.

Uanën dada uaid 8:56

Mimbi: Cun tsusedpa Abadauan nec, cabued: Nuquin Papa yacnouësh choash bëdambo icmianquidquio matsesbëdi tabadec choec, quequin tantiec cuishonquepadennec. Nuquin Papan ismiac ubi aden tantiec cuishonquequiopadennec, quepondash Esus.

Hechos 13:26

Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac.

Doma 1:3

Aden Nuquin Papan chiampicpadequi chidon tishaid yec isadaidbon chuiquid tapa Dabid yampidën tsiuecquid Esus nepanëdash.

Doma 3:5

Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Doma 4:16

Nuquin Papan naden Abadauan chuipampic: Abadauan, umbi chuisho tantiash: Abimbo mimbi caic, quesho mibi bëdambuen isquin: Min tsiuecquido: Ubi piucquid mene, cainquiocquin aid nidaid abitedi menendambi, quequin chuipampic. Aden chuiquin ambi cuidenquio icquin bëdambuen iste Abadauanën tsiuecquidotedi tantiametiadquio icpampic. Nuquin Papan: Naden nata, quequin chuiquin Moises meniaid bedshun isadaidbouidtsëqui chienquio icquin adopampic. Abadauambimbuen abi tantiaquido icsho bëdambuen isendac. Aden ambia Nuquin Papa tantiaquid yec Abadauan nuquitedishun papabimbuecquid nec.

Doma 6:1

¿Atotsimbi utsi chuipe? Adembi Icsambuen nabanembi. Mabi Nuquin Papan uditsëc bëdambuen isnu ¿queshoda nuqui bëdambuen ispec?

Doma 7:7

Nuquin Papan: Naden nata, quequin chuiquin Moises dada uamiampid icsambuen namiantequid nec ¿quectabi ique? Padenquio. Nuquin Papan: Naden nata, quequin chuiquin Moises dada uamiampid issun: Icsambuen naombi, quequin tantiondambi. Utsina isash cuna adquid nibëdec, quec chieshëmënenda, quequin Nuquin Papan Moises dada uamiampid issun: Aden icsambuen naombi, quequin tantiondambi.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Ebedeo 12:9

Aton bacuëbo icsho nuquin pabëtan nuquin tan nuqui icsambuen nasho ënmenuen nuqui natiamepadennec. Adoaqui: Nuqui tishmequid nuquin tabëta nuquin pa nuqui bëdambuen ispadennec. Adombuembidi Nuquin Papa tantiaquid icquin aidën chiacpadombuen nanuna abi yacno ënëdenquio yec tabadnuen.