Doma 3:8 - El Nuevo Testamento en matsés

⁸ Aden icsambuen chiec nuqui nadtsiac. Nuquin Papa tantiamequid iquequi icsaquionona, nuqui quetsiac. ¿Adendambi chuibandio? Padenquio. Pabado: Nuquin Papa tantiamequid iquequi icsaquionona, quiosh, quequin mibi mua uaosh, quequin chuituidoshi. Ubi aden mua uaquin chuishunquido Nuquin Papan cuidtequidombo nendac.

Doma 3:8 ပူးပေါင်းရင်းမြစ်များ

Mateo 5:11

Ubi tantiaquido icsho utsibon chieshënquin icsambuen chuishunsho abëd tabadmenuen Nuquin Papan mibitedi bëdambo icmendac. Adembidi mibi mëyansho issun bëdambo icmendac. Adembidi: Aido icsambo iquec, quequin mibi mua uashobi Nuquin Papan mibitedi bëdambo icmendac.

Doma 5:20

Matses ambi icsambuen naid tantiamenuen ambi: Naden nata, quequin chiaid Moises dada uamepampic. Aidën chiaid chuisho tantiashi icsambuen naquido dadpenquio yampampic. Aden icsambuen naquido dadpenquioshë yansho issumbi Nuquin Papan matses tantiaquidquio icquin bëdambuen iste bumpampic.

Doma 6:1

¿Atotsimbi utsi chuipe? Adembi Icsambuen nabanembi. Mabi Nuquin Papan uditsëc bëdambuen isnu ¿queshoda nuqui bëdambuen ispec?

Doma 6:15

Nuquin Papan nuquitedi bëdambuen isec, quequin chuisho tantiashun naden icsambuen tantienda: Moises dada uamiampidtedi niacsho bëdambuen isquin cuidtiapimbo iqueque. Ambi chiaid niacquin icsambuen nanu, ¿quequinda tantie? Aden icsambuen tantienda.

Doma 7:7

Nuquin Papan: Naden nata, quequin chuiquin Moises dada uamiampid icsambuen namiantequid nec ¿quectabi ique? Padenquio. Nuquin Papan: Naden nata, quequin chuiquin Moises dada uamiampid issun: Icsambuen naombi, quequin tantiondambi. Utsina isash cuna adquid nibëdec, quec chieshëmënenda, quequin Nuquin Papan Moises dada uamiampid issun: Aden icsambuen naombi, quequin tantiondambi.

Codinto 2 11:15

Adquid icnuc adquiecbidi ambi namiaidtedi bëdambocquidbimbuec capucuededec. Adquid icbuedi abitedi cuidte uëshë chonoc aidon icsambuen naid chuiquin Nuquin Papan cumapenen cuidendac.

Codinto 2 6:8

Utsin utsinquien ubitedi bëdambuen isquin bëdambuen chuinubi utsibon ubi icsambuen chuishunaqui bëdambo iquebi. Bëdambuen chiaqui: Muaquid nec, quenubi abimbo chuiquidquio nebi.

Udas 1:4

Esus tantiaquido danmianquiec mibitedi icsambuen namenuec mibi yacno muaquido puduedac caosh. Ambi ëndenquimbo chuiquin dada uamiampicpadombuen Nuquin Papan cuidtequidombo aido nendac. Adquido icquin: Esuquidistu Nuquin Icbopenquio neque. Aidën chiaid nainquio icnuna. Nuquin Papan bëdambuen isaidombi Ambi Chiaid niacniacquin abi bunaiduidi naquin ambi natemaidi nasho issun nuqui cuidenquio iquec, quequin chiec cumapenec muaique. Aden chiec muasho tantienda.