Doma 3:5 - El Nuevo Testamento en matsés

⁵ Matsesën icsambuen naquid icquimbi: Nuquin Papa tantiamequid nebi. Ubi icsambuec tabadsho issun naden tantiatsiash: Icsambocquidpenquio Nuquin Papa nec. Icsaisambo yec bëdamboshëcquid nec. Aidëmbi matsesën icsambuen nasho issun cuidendac, quequin chiaid icnuc abi tantiamequid icshobi Nuquin Papan ubi cuidac icsambo iquec, quequin tantiacbimbuen tantienquio icnuna.

Doma 3:5 ပူးပေါင်းရင်းမြစ်များ

Doma 12:19

Cun utsibo, umbi tantiaido mibitedi neque. Tantia, chuinu. Chieshëmënquidobëd cuidnanenquio icta. Adenquio icquin: Nuquin Papanuidtsëquien aid cuidec, quequin tantiata. Naden Nuquin Papan chuiquin Ambi Chiaid dada uamiampid iquec: Ubentsëcquiobi icsaquido cuidquid nec, quec Icbo, quequin chuipampic.

Doma 2:5

Aden: Nuquin Papan Chiaid niac niacbuedëmbi ënta, caqui: Padi Umbi naiduidi naic bëdambo iquebi, queshun Nuquin Papa tantiate bunenquio icquin aidën chiaid niac niacquin icsambuenuidi naic mibi tabadec. Adquid icsho Nuquin Papan matsesën naidtedi chuibante uëshëmbi mimbi icsambuen naidtedi chuibanshun nëishënshun Nuquin Papan mibitedi cuidquiendac.

Doma 3:19

Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Doma 3:7

Nadembidi icsambuen tantienda. Ubi muaquidquio icnubi adquidpenquio Nuquin Papa nec. Bëdamboshëcquid yec muesambo nec, quequin matsesën tantiatsiash. Aden matses tantiamequid icsho ¿atotsi queshun Nuquin Papan ubi cuidpatsiash? quequin icsambuen tantienda.

Doma 4:1

¿Atotsi nuquin tsusedpa Abadauanën napampic?

Doma 5:8

Padnuen matses abitedimbo icsambuenuidi naic tabadnuc nuquitedi cuidmenquio icnuec Esuquidistu abided cuidadec uënëspanëdash. Nuquin Papan nuquitedi tantiaquiec, matses camenuen aden Esus namepanëdash.

Doma 6:1

¿Atotsimbi utsi chuipe? Adembi Icsambuen nabanembi. Mabi Nuquin Papan uditsëc bëdambuen isnu ¿queshoda nuqui bëdambuen ispec?

Doma 6:19

Matses icquin umbi chuibanac tantiadenquio iquec, nëidon canushe, queshun bëdambuen tantiamenuen cuembo mibitedi chuibanembi. Nuquin Papan Chiaid niacquin icsambuen nateuidi bunquiec mibitedi icsaded icsadedpondac. Adec tabadbuedi nëbi Nuquin Papa tantiabenshun aidën chiacpadombuen naic bëdambuec tabadta.

Doma 7:7

Nuquin Papan: Naden nata, quequin chuiquin Moises dada uamiampid icsambuen namiantequid nec ¿quectabi ique? Padenquio. Nuquin Papan: Naden nata, quequin chuiquin Moises dada uamiampid issun: Icsambuen naombi, quequin tantiondambi. Utsina isash cuna adquid nibëdec, quec chieshëmënenda, quequin Nuquin Papan Moises dada uamiampid issun: Aden icsambuen naombi, quequin tantiondambi.

Doma 8:31

Aden tantiasho ¿atotsi nuquitedi cape? Nuquin Papa tantiasho utsibon chieshënquin: Icsa uanu, cashobi Nuquin Papan nuqui cudasquin icsa uamenquio iquendac, quequin nuqui tantiec.

Doma 9:30

Aden chiaid tantiash ¿atotsi nuqui quendac? Matses utsibon abi tantienquio icbuedombi ambi chiacpadombuen naquin tantiabensho icsaisabimbuecnuc bëdambuen isendac. Ambi chiacpadombuen naic tabadnu, quesabobi Nuquin Papan abi tantiasho icsaisabimbuecnuc isendac.

Codinto 1 15:32

Epeso yacnoshon chuibansho chieshënquin ubitedi bëdi tëbuchoquidën icsa uatsenondashi. ¿Ambembi chuibanquidtabi nedi? Adquid icquin chuiquin ëntsenondambi. Adecbidi uincuente nibëdnuc matsesën chiacpaden: Badiadash uënësash nibëdquiec iquebi, quequin tantiaquin nua peshun nua acte paë uaid aquembi, quequin chuitsenombi.

Codinto 1 9:8

Umbi chiaid tantiashun: Matsesën tantiacpaden chiaiduidi nec, quequin tantienda. Nuquin Papan Moises dada uamiampidën aden chiac.

Codinto 2 6:4

Nuquin Papan namiaido yec nadec tabadebi. Natiamiantequid icnuc chieshenquio yec dayacquiocquin Ambi Chiaid chuibanec bëdambuec tabadebi. Cuna nibëdnubi bëdambo iquebi. Chieshënquin natiamiaidquio yequi bëdambo iquebi. Piucquid nibëdsho menenquio yaqui bëdambo iquebi.

Codinto 2 7:11

Nuquin Papambi uënësquio icmiac nëbi mibitedi Ambi Chiaid tantiate bunquiec. Aden tantiaquin: Icsambuen ubitedishun nambo iccombi. Icsambuen naquidëmbien icsambuen naccosh. Mambi padambo icboc, queshumbic ubi iste bunquin mibitedishun icsambuen naquid ambi icsambuen naid ënmenuen chushcaquin cuidosh, quequin chuituidac: Icsambuen naquidbëtan mibitedishun icsambuen nambo iquec, quequin ubi mimbi tantioc.

Cadasia 2:18

Nuquin Papan: Naden nata, quequin chuiquin Moises dada uamiampicpaden nasho Nuquin Papan bëdambuen isec, quequinuidi chiondaidi Esus tantiabenshun aden chuitiapimbo yanondabi. Adbuedëmbi padpiden cun tsusedpabon chiaiduidi naquin Nuquin Papa bëdambuen ismembi, queshun abi bëdambuen ismequidquio Esus tantienquio yanquimbimbi icsambuen nachitoc, quequin tantiondambi.

Cadasia 3:15

Tantia. Chuinu, cun utsibo. Cun matsesbëtan min matsesën nadoquid: Naden naindambi, quequin dada uashun: Abimbo chiaidquio nec, ma isquidon canu, queshun abi cuëmëdquidtsen dada uaquid. Aden dada uaid utsin tsidada uaquin aid dadauaid utsi uatiapimbo ictequid nec.

Esusën Uan ismiaid 15:3

Moises Nuquin Papan namiaid yec cuëdënampicpadec cuëdënquin Obecabimbuecquid tantiaquin naden chiec cuëdëncuededposh: Mibi nadatiambocquin nabanquidquio nec. Abitedimbo uaquidquio yec abitedishun Icbombo mibi nec. Matsesën naid abitedi tantiaquin abimbo chuiquin bëdambuec tabadmetiadquio mibi nec. Nidaid utsi utsiec yacno tabadquidon Chuiquid Tapambo mibi nec.

Esusën Uan ismiaid 18:20

Mibi abuc tabadquidotedi: Shubu dadpen icquid cuidquin nëdëncaquin nibëdanmequiosh, quec cuishonqueta. Adecbidi Nuquin Papa tantiaquido yec cuishonqueta. Adecbidi Esusën: Ubi chuibenneta, caido yec cuishonqueta. Adecbidi Nuquin Papan oncamiaido yec cuishonqueta. Mibi chieshënquin natiamiacpadombuen mibi chieshënquido Nuquin Papan ambi chiacpadombuen naquin uesquin cuidquioshe, queposh abucuësh onquec.