Doma 3:19 - El Nuevo Testamento en matsés

¹⁹ Naden nuquitedi tantiec. Nuquin Papan: Naden nata, quequin chuiquin Moises dada uamiampid tantiaquido yec isadaidbo: Aidën chiaid tantiaquin: Aiduidi naquidquio nebi, quequin abimbo chuitiapimbo iquec. Adenquio yec matses abitedi: Ambi Chiaid niac niacquin tantienquio yanquimbimbi icsambuen nachitoc, quesho Nuquin Papan cuidtequido yec matses abitedimbo otacquio tabadendac.

Doma 3:19 ပူးပေါင်းရင်းမြစ်များ

Uanën dada uaid 15:25

Aden ubi chieshënte chuiquin nuquin tsusedpa Nuquin Papan naden dada uamiampid iquec: Ambembi matsesën ubi chieshënec, quequin chiampicpadombuen ubi chieshënec, quepondash Esus.

Uanën dada uaid 8:9

Aden Esusën chuisho tantiatanequien: Nuquin Papan Chiaid niaquesambuen nibëdchitec. Sesetiapimbo iquebi, quetanec nidannepondash. Tsësioboba nidannebon caniabotsen tsiuec nidannepondash Esusbëd chidouidtsëqui icnuc.

Doma 1:20

Adec Nuquin Papa isadesa icnubi ambi uaidtedi isquin tantiaquin: Nëid uaquidien abitedi uaquidquio Nuquin Papa nadatiambocquin nabanquidquio yec nibëdantiapimbo icquidien nechitec, quetiadquidi adenquio matses iquec. Aden tantienquio icquin icsambuen naquido icsho Nuquin Papan: Aido icsambo iquec, caindac.

Doma 3:2

Ai, bëdambo iquec, caimbi. Nuquin Papan: Naden nata, quequin Umbi Chiaid ma isadaidbomba tantianu, quequin Ambi Chiaid dada uamepampic.

Doma 3:23

Matses abitedi icsambuen naquido yec Nuquin Papa bëdamboshëcquidbëd ictiapimbo yec uannombo iquec.

Doma 3:4

Natsiash, caimbi. Aden ambi chiacpadombuen naquidquio Nuquin Papa nec. Matses abitedimbo muaquido icnuc Nuquin Papan naden chuiquin dada uamiampid iquec: Abimbo chuiquidquio icquin ambi chiacpadombuen naquidquio nec. Adquid icquin: Icsambocquid cuidquid nebi, quequin mibi icsambuen chuishunquido dëniacquin cuidquidquio nec, quequin dada uamepampic.

Doma 3:9

Tantia. Chuinu. ¿Atotsibi quio? Nuquitedi isadaidbo yec bëdambuec tabadnubi matses utsibo icsambuen naquido nec ¿quectabi icpe? Padenquio. Isadaidbo yec Isadaidpembo yec matses utsibo yec quec abitedimbo icsambuen naquido nec, quequin mibitedi chiombi.

Codinto 1 1:29

Nuquin Papan adotequid icnuc: Ubiuidtsëqui cumapenen tantiaquidquio nebi, quequin matsesën chuitiapimbo iquec.

Cadasia 3:10

Utsiboen: Moisesën chiampicpadombuenuidi nasho Nuquin Papan bëdambuen istsiashi, quequidëmbi abitedimbo nainquio icsho Nuquin Papan cuidtequido nendac. Naden Nuquin Papan Chiampid iquec: Umbi: Naden nata, quequin Moises chuiquin dada uamiampidtedi nainquio icsho cuidendambi, quepampic Nuquin Papa.

Cadasia 4:21

Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique?

Cadasia 4:5

Adquid icnuc cun matses Moises chuiquin dada uamiampid naquidquio icsho Nuquin Papan Esus tantiamequin Aidën chiampid namenquio icquin cuishoncamendac: Cun bacuëbo nec, queshun.

Cadasia 5:18

Nuquin Papan Mayanën tantiamiacpadombuen nabanquid yec: Moisesën chiactedimbo naquin umbimbo Nuquin Papa bëdambuen ismembi, quenquio mibitedi iquendac.