Doma 2:18 - El Nuevo Testamento en matsés

¹⁸ Nuquin Papan chiacpadombuen tantiembi, mibi quepec. Adembidi Nuquin Papan: Naden nata, quequin Moises dada uamiampid chuibanac mimbi bëdambuen nabante tantiec.

Doma 2:18 ပူးပေါင်းရင်းမြစ်များ

Ducas 1:4

Utsibon mibi Esus chuiquin tantiamenëdaid abimbo chiaid nec, quequin ma mimbi tantianu, queshun mibi chuiquin dada uaimbi.

Ducas 12:47

Adembidi aton icbon chiaid tantiaquimbi ambi chiacpaden nabanesa icsho issun: Cumapenen cuesta, cac iuen cuesendac.

Uanën dada uaid 13:17

Umbi aden chuibued tantiaquin nabansho Nuquin Papan mibi bëdambo icmendac, quepondash Esus.

Doma 15:4

Nuquitedi bëdambuec tabadte tantiamenuen Nuquin Papan Ambi Chiaid dada uamepampic. Aid isban isbanquin ma utsi uainquio icquin ubëta Esus ënenquio icquin tantiec tabadnu, queshun bëdambo icmequin dayacquio icmiac: Esusbëdi Nuquin Papa yacno tabadendabi, quequin tantiaquin cainec nuqui tabadec.

Doma 2:19

Adembidi pashuacbimbuec tabadquidobëta inchëshën istiapimbo icquin tantiatiapimbocquido bëdambuen tantiamequin Nuquin Papan Chiaid chuibanquidquio nebi, mibi quepec.

Pidipos 1:10

Aden tantiamiac: Nadec tabadec bëdambo ictsiabi. Adec tabadenquio yec icsambo ictsiabi, quequin bëdambuen tantiendac. Aden tantiaquid yec chieshtoenquio icquin Esus tantiec bëdambuec tabadendac. Adec tabadnubi abi chote uëshën choshon Esuquidistun: Bëdambuec mibi tabadoc, mibi caindac.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Santiaco 4:17

Bëdambuen nabanquin tantiembi, queshun adombuen nabanenquio icquid icsambuen naquid iquendac.