Doma 2:17 - El Nuevo Testamento en matsés

¹⁷ Tantia. Chuinu. Udiubo nebi, mibi quepec. Nuquin Papan: Naden nata, quequin chiaid cun tsusedpa Moises dada uamiampid tantiaquidquio nebi. Umbi tantiaid Nuquin Papa bëdamboshë iquec, mibi quepec.

Doma 2:17 ပူးပေါင်းရင်းမြစ်များ

Mateo 3:9

Ubipadquid Abadauanën tsiuecquidouidtsëqui icsho Nuquin Papan ubi bëdambuen isec, quequin tantienda. Abadauanën nampicpaden abi tantiaquidien Nuquin Papan bëdambuen isec. Mimbi bëdambuen tantiatiapimbo icsho issun nëid cuënotebi matses uashun Nuquin Papan Abadauampadquid icmetsiashe. Nuquin Papambo tantiata, quepanëdash Uan.

Ducas 10:28

Adoaquien Esusën: Bëdambuen mimbi chioque. Aden chiacpadombuen nabanec Nuquin Papa yacno mibi tabadendac, capanëdash.

Uanën dada uaid 5:39

Mibitedi nadpec. Nuquin Papan Chiaid nuquin tsusedpabon dada uampid tantiaquidquio nebi. Aid isbanquid yec Nuquin Papabëd ënëdenquio yec tabadtequid nebi, mibi quepec. Ma ubimbo chuiquin Nuquin Papan dada uamiampid neyoc.

Uanën dada uaid 5:45

Adashic padpidec: ¿Umbentsëquidambi: Ubi tantiesabo neque. Cuidnuna, quequin mimbi naid Cun Pa chuipe? Padenquio. Mimbi tantiaidënquio Moisesëntsen: Nëido icsambo iquec, mibi caindac.

Uanën dada uaid 7:19

Mimbien adoenquio iquec. Mimbi tantiaid nuquin tsusedpa Moisesën: Cuessunnenda, quequin Nuquin Papan Chiaidquio dada uapampic. Adquid icnubi ¿atotsi quiash ubi cuessunnete bumpe? quepondash Esus.

Uanën dada uaid 8:33

Adsho tantiashumbien: Ubitedi Abadauanën tsiuecquido yec utsin iuacmaido nebi. Tantiadenquiocnoc mimbi chiec. ¿Atotsi quequin: Iuapenquio mibi icmendambi, quequin mimbi ubi chuipe? capondash abi tantiabentsëcquidon.

Uanën dada uaid 8:41

Min papabimbuecquidën nacpadombuembidi naquidien mibitedi nec, capondash Esusën. Adoaquien cun matses isadaidbon: Mambi ubitedishun Nuquin Papauidtsëqui tantieyoc. Utsi tantiatiapimbo icquin Nuquin Papa abentsëqui Papa caimbi, quepondash.

Doma 2:23

Nuquin Papan: Naden nata, quequin Moises dada uamiampid chuibanec bëdambocquid nebi, quebuedëmbi aidën chiaid niac niaquec: Nuquin Papa icsambocquid nec, utsibo camec mibi icsambuec tabadec.

Doma 3:27

Umbi aden chuisho tantiash: Ambi chiacpadombuenuidi umbimbo nasho Nuquin Papan ubi bëdambuen isec, quequin mimbi abimbo chuitiapimbo iquec. Nuquin Papan: Naden nata, quequin Moises chiampicpadombuenuidi matsesën natiapimbo icsho bëdambuen istiapimbo icbuedi nëbi Esus tantiasho Nuquin Papan nuqui bëdambuen isec, quequin nuqui tantiec.

Doma 9:32

¿Atotsi queshun Nuquin Papan isadaidbo bëdambuen istiapimbo icpec? Ambi chiacpadombuenuidi naquin bëdambuen ismembi, quebuedombi abi bunacpadec tabadquin Nuquin Papa bëdambuen ismequidquio tantienquio iquec. Adquid yec cuënoten tocoshquetanec uebudacbimbuecquido nec.

Codinto 2 11:22

¿Mimbi: Bëdambuen chuiquid nec, caid: Ebedeo cashumbic isadaidbo nebi, quepecta iquec? Aidbidi nebi, caimbi. ¿Abadauanën tsiuecquid nebi, quepecta aido iquec? Adembidi: Aidbidi nebi, cauaimbi.

Cadasia 2:15

Nuquitedi isadaidbon tishaid yec isadaidbo icnubi Moisesën chiampid chiacmaido yec isadaidpembo icsambuen naquido nec.

Epeso 2:11

Mibitedi isadaidpembo icsho: Shui dëbid dëtemesa nec, quequin isadaidbo shui dëbid dëtemequidon mibi icsambuen chuishumpondash. Nuquin Papan matses nebi, quequin shui dëbid dëtemequid isadaidbo nec.

Esusën Uan ismiaid 2:9

Ubi tantiaquido icsho utsibon chieshënaido yec mitsana nibëdquid mibi nec. Nëbi mitsana nibëdquid iquequi ubi tantiaquid yec dadpenquio dayun uaquidbimbuec mibi bëdambo iquendac. Chieshëmënquidon mibi icsambuen chuishumbuedtsen tantiembi. Mibi yacnoshon Mayan Icsa Satanasën tantiamiac: Isadaidbo nebi, quequin mibi icsambuen chuishunquido yec Mayan Icsa Satanasën iuabo nendac.

Esusën Uan ismiaid 3:1

Naden padpiden chuiuaposhi: Saddes yacnoshon ubi chuibanquidën iste chuinu. Dada uata. Nuquin Papan mayan 7tedbëta uispa 7tedbidi sananquin ismebuedën naden chioshibique. Tantia, Saddes yacnocquido. Mibitedi chuinu: Mimbi naidtedi tantiembi. Uënësacbimbuen mimbi ubi bëdambuen tantienquio iquec. Matsesën: Bëdambuen tantiaquidquio nec, mibi canubi umbien padenquio iquec.

Esusën Uan ismiaid 3:9

Tantia. Mibi yacnoshon Mayan Icsa Satanasën tantiamiac: Isadaidbo nebi, quequin mibi mua uaquido yec Mayan Icsa Satanasën iuabo nendac. Umbimbo namiac mibi yacno chochosho mimbi chuibanendac. Adoac dannëshën tinquebudshun mibi chuiquin: Esusën tantiaidombo mibi nec, caindac.