Doma 2:15 - El Nuevo Testamento en matsés

¹⁵ Adec tabadquin: Bëdambuen naimbi, quequin ambibi: Naden nata, quequin Moisesën chiampid tantiaquimbimbuen nabanec. Adembidi: Icsambuen naic tabadquin: Icsambuen naombi, quequin adembidi ambibi tantiec.

Doma 2:15 ပူးပေါင်းရင်းမြစ်များ

Uanën dada uaid 8:9

Aden Esusën chuisho tantiatanequien: Nuquin Papan Chiaid niaquesambuen nibëdchitec. Sesetiapimbo iquebi, quetanec nidannepondash. Tsësioboba nidannebon caniabotsen tsiuec nidannepondash Esusbëd chidouidtsëqui icnuc.

Hechos 23:1

Adoaquien isadaidbon chuiquid tapabo iccuededsho isquin naden Pabadon chuipanëdash: Cun utsibo, umbi naid chuibannu. Tantiata. Nuquin Papan isquin tantianubi ambi: Naden nata, quequin chiaid nabanquidquio nebi, quepanëdash.

Hechos 24:16

Aden tantiaquin Nuquin Papan: Bëdambuen mimbi naic, ma ubi canu, queshun bëdambuen nabanec tabadebi. Adembidi matsestedishun: Bëdambuen mimbi naic, ma ubi canu, queshun adombuembidi bëdambuen nabanec tabadebi.

Doma 2:14

Nuquin Papan: Naden nata, quequin chiampid tantiamiacmaidon matses utsibon bëdambuec tabadte ¿ada tantienquio iccuededpec? Ma aidon bëdambuec tabadte abentse abentsen: Naden nac icsambo iquec. Naden nac bëdambo iquec, quequin ambembi tantieyoc. Aden tantiaquin Nuquin Papan chiacpadombuen abentse abentsen bëdambuen naic Nuquin Papan Chiampid tantiashumbimbuen.

Doma 2:27

Adec matses utsibo shui dëbid dëtiacmaido Nuquin Papan chiacpadec bëdambuec tabadnubi Nuquin Papan: Naden nata, quequin Moises dada uamiampid isban isbanshumbi shui dëbid dëtemiaidombi isadaidbon aidën chiaid niac niacpec. Adsho issun: Aido icsambo iquec, caindac utsibon.

Doma 9:1

Cun matses isadaidbo tantiaquid Nuquin Papa nec. Aden abi tantiaquid cun matsesën bëdambuen tantienquio iquec, quiash uënësquio yec shubitiadquio iquebi. Muainquio iquebi. Esuquidistu tantiaquid icsho Nuquin Papan Mayan Bëdan tantiamiaid icquin abimbo chiec nebi.

Codinto 2 1:12

Ubitedi bëdambuec tabadquin ismequid nebi, quequin tantiec bëdambo iquebi. Matsesën tantiamiacpadpenquio yec utsibobëd bëdambuec tabadobi. Nuquin Papanquio tantiamiacpaden ismec utsibobëd bëdambuec tabadobi. Adquiecbidi mibitedibëd tabadobi.

Codinto 2 5:11

Adec Nuquin Icbo dacuëdampambocquid icsho ma aidën chiacpadec tabadquin ma tantianu, queshun matses tantiamequin chuibante bunebi. Adosho umbi naidtedi Nuquin Papan tantiec. Adembidi ma mimbitsen umbi naid tantiapanu, quec tsadebi.

Timoteo 1 4:2

Aden podobitsi icsabon tantiamiac muaquidon: Abimbo caimbi, quequin bëdambocquid danmianquien muaquin chiendac. Aidon: Naden nac bëdambo ictsiash. Naden nac icsambo ictsiash, quequin bëdambuen tantienquio icquimbi icsambuen chuibansho matsesën tantiashunendac.

Tito 1:15

Bëdambuen tantiaquid yec bëdambuec tabadquin nabanquid nendac. Icsambuen tantiaquidien bëdambuen nate tantienquio icquin Nuquin Papa tantiesabo nendac. Icsambo iquec, quenquio icquin icsambuenuidi nate bunquin aiduidi tantiaquid nendac.