Doma 2:13 - El Nuevo Testamento en matsés

¹³ Ambi: Naden nata, quequin Moises chiampid tantiashumbi adombuen naisa bëdambuen istiapimbo icquimbic ambi chiacpadec tabadquid Nuquin Papan bëdambuen istsiash.

Doma 2:13 ပူးပေါင်းရင်းမြစ်များ

Ducas 18:14

Aden chiashic: Tantia. Chuinu. Aton matsesën piucquid bedshunquid Nuquin Papan bëdambuen isaidquio icnubien padiseobo ambi icsambuen isaidquio icposh. Aidi icsambuen naisabimbuec: Bëdambocquid nebi, quequid Nuquin Papan bëdambuen istiapimbo iquendac. Padnuen: Icsambocquid nebi, quequid Nuquin Papan bëdambuen isaid iquendac, quepanëdash Esus.

Ducas 8:21

Adoaquien: Nuquin Papan Chiaid tantiashun aidën chiacpaden nabanec tabadquid icsho dada cun utsi catanquimbi chido cun ta caimbi, quepanëdash Esus.

Uanën dada uaid 13:17

Umbi aden chuibued tantiaquin nabansho Nuquin Papan mibi bëdambo icmendac, quepondash Esus.

Doma 10:5

Nuquin Papan: Naden nata, quequin Chiaid tantiaquin Moisesën naden chuiquin dada uapampic: Ambi chiacpadombuenuidi naquid icsho Nuquin Papan bëdambuen isquin abëdi tabadmendac, quequin chuipampic.

Doma 2:25

Tantia. Abimbo chuinu. Nuquin Papan: Naden nata, quequin Moises dada uamequin chiampicpadombuen isadaidbon shui dëbid dëtemebanec. Adoaid yec Ambi Chiaid niaquenquio yec bëdambuec tabadsho Nuquin Papan bëdambuen istsiash. Padnuen isadaidbo utsibon Ambi Chiaid niac niacsho Nuquin Papan bëdambuen istiapimbo iquec shui dëbid dëtemesabimbuecnuc.

Doma 3:20

Aden Ambi Chiaid niaquesambo nibëdnuc: Ambi Chiaidtedi naquidquio nebi, quesho Nuquin Papan ubi bëdambuen isec, quequin nuquitedi abimbo chuitiapimbo iquec. Nuquin Papan Chiaid issun: Ambi Chiaid niac niaquec icsambuen naiquien nuquitedi tabadchitec, quequin tantiamenuen Nuquin Papan: Naden nata, quequin chuiquin Moises dada uamiampid nec.

Doma 3:23

Matses abitedi icsambuen naquido yec Nuquin Papa bëdamboshëcquidbëd ictiapimbo yec uannombo iquec.

Doma 3:30

Abipadquid utsi nibëdnuc Nuquin Papa abentsëcquiobi iquec. Adquid icquin ambi chiacpadombuen isadaidbon Esus tantiasho: Nëid shui dëbid dëtemequid nec, quenquio icquin Nuquin Papan bëdambuen isec. Adembidi: Nëid shui dëbid dëtiacmaid nec, quenquio icquin Esus tantiasho bëdambuen isec.

Codinto 1 4:4

Nëbi umbi icsambuen naid tantienquio iquembi. Aden tantiequi: Icsambuen naisambo nebi, quetiapimbo iquebi. Nuquin Icbombien umbi naidtedi tantiaquin abimbo chiendac.

Cadasia 2:16

Adquid icnuc Nuquin Papan: Naden nata, quequin chuiquin Moises dada uamiampid tantiaquin nabansho Nuquin Papan icsaisabimbuecnuc nuqui bëdambuen isec, quetiapimbo nuquitedi iquec. Esuquidistu tantiashouidtsëqui Nuquin Papan nuqui bëdambuen isec, queshun nuqui Esuquidistu tantiabenondac. Adshun ambi: Naden nata, quequin chiampiduidi nainquio icsho icsaisabimbuecnuc Nuquin Papan bëdambuen istiapimbo iquec, quequin nuqui tantiec.

Cadasia 5:4

Mibitedi Nuquin Papan: Naden nata, quequin Moises chiampid tantiaquin nasho Nuquin Papan ubitedi bëdambuen isec, quebuedi Esuquidistubëd cuëshëdsho Nuquin Papan mibi bëdambuen istiapimbo iquendac.

Santiaco 1:27

Nuquin Papan Chiaid bëdambuen tantiaquid nebi, quequid icquin utsi tantiaquin nëidtedi mëyadsho nashunquid. Nëidic menabo. Nëidic shiadibo. Nëidic niantebo. Aidtedi nashunquido icquin Nuquin Papa tantiesabon nabanacpaden icsambuen nabanenda.

Uan 1 2:29

Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.

Uan 1 3:7

Cun bacuëbobimbuecquido icsho umbi tantiaido mibi neque. Utsibon mibitedi muaquin chienquio icpashun. Naden tantiata. Nuquin Papan: Naden nac bëdambo ictsiash, caid tantiaquin nabanec bëdambocquid iquec Esuspadquid mibi iquendac.