Doma 16:7 - El Nuevo Testamento en matsés

⁷ Adembidi cun matses isadaidbo Andedonicobëta Unias chuita. Aido ubëtan Esusën naid chuibennesho chieshëmënquidon bedshun quënën tsadunondashi. Aidombien ambia Esuquidistu tantiabempanëdash umbi padabi icnubi. Adsho aidoba Esusën: Ubi chuibenneta, cac chieshtoenquio icquin chuibennequido nec, queshun Esus chuibennequid utsibon: Bëdambo iquec, caido nec.

Doma 16:7 ပူးပေါင်းရင်းမြစ်များ

Uanën dada uaid 14:20

Ubi uincuenaid uëshëmbi mimbi naden tantiendac: Aton Papabëd abentsëc yacbimbuec tabadec, quequin ubi mimbi tantiendac. Adembidi: Esusbëd abentsëc yacbimbuec tabadebi, quequin mibitedishun tantiendac.

Uanën dada uaid 15:2

Uba taneshcaquidën cuidi utsiuc bacuëesa icsho pateshunnequid. Adotanquin bëdambuen bacuëmenuen cuidi dadpen icquid utsi utsien pateshun secaquid. Ma dadpen bacuënu, queshun aden nacnenquid.

Uanën dada uaid 6:56

Aden cun nami pequinc cun intac acquinc caquid yec ubëd abentsëc yacbimbuec tabadtequid nendac. Adecbidi aidbëd abentsëc yacbimbuec iquendabi.

Doma 16:10

Adembidi Apedes chuiquin: Aidën mibi tantiec, cata. Aidi utsibon chieshënaqui chieshtoenquio icquin Esuquidistu tantiaquidquio nec. Adembidi Adistobudon shubun icquidotedi chuiquin: Aidën mibitedi tantiec, cata.

Doma 16:11

Adembidi cun matses isadaidbo Edodion chuiquin: Aidën mibi tantiec, cata. Utsitsen Nadsison shubun icquido Esus tantiaquidtedi chuiquin: Aidën mibitedi tantiec, cata.

Doma 16:21

Ubëtan Esusën naid chuibennequid Timoteon mibitedi tantiec. Adembidi Dusio yec Ason yec Sosipatodo yec quequin cun matses isadaidbon mibitedi tantiec.

Doma 16:3

Aquidabëta aton chido Pisida chuiquin: Mibi tantiembi, quiosh Pabado, cata. Aido ubëtan Esuquidistun naid chuibennequid niondashe.

Doma 16:6

Mibitedi nashunondaidtsen Madia chuiquin: Aidën mibi tantiec, cata.

Doma 16:8

Umbi tantiaidquio Esus tantiaquid Ampidiatotsen chuiquin: Aidën mibi tantiec, cata.

Doma 16:9

Ubëtan Esuquidistun naid chuibanquid utsi Udbano chuiquin: Aidën mibi tantiec, cata. Adembidi umbi tantiaidquio utsi Estaquis chuiquin: Aidën mibi tantiec, cata.

Doma 8:1

Nëbi Esuquidistubëd abentsëc yacbimbuec tabadquid icsho Nuquin Papan nuqui cuidenquio iquendac.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Doma 9:3

Cun matses isadaidbo tantiec uënësquio yec tsadebi. Nuquin Papan: Min matses abitedi cuidmenquio icnuen mibiuidtsëqui Esuquidistubëd tabadmenquio icquin mëyadtequid yacno nidmequin cuidnu, capatecnëdani. Adoac: Ai, cun matses isadaidbo cuidenquio icnuen ubided cuid, quetsenondabi.

Codinto 1 1:30

Adquid icnuc Nuquin Papanuidtsëqui tantiamiac mibitedi Esuquidistubëd abentsëc yacbimbuec tabadquido nec. Adembidi aidëmbi nuquitedi bëdambuenshë tantiaquid icmequin abimbo chuiquid icmec. Adoshon icsambuen naisabimbuecnuc Esusën Nuquin Papa nuqui bëdambuen ismec. Adoaid yec Esuquidistubëd bëdambocquid icsho cuidenquio ictequid Nuquin Papa yacno tabadtequido nuqui nendac. Esus abided cuidadaid icnuc Nuquin Papan nuqui cuidenquio iquendac,

Codinto 2 11:23

¿Esuquidistu chuibanquid nebi, quepecta aido iquec? Ubien Esuquidistun: Ubi chuibenneta, caidquio nec. Adquid icquin aidquio chuibanquidquio nebi. Aden chiec tantiesabimbuec onquec nebi. Utsi bëdiactsëc chonoadnuc ubien cumapenec chonoadquid nec. Adecbidi quënën tsadunaid utsi icnubi quënë utsin utsinquien tsaduntedniaid nebi. Adecbidi utsi bëdiactsëc cacuesaid icnubi iuen cacuesto cacuestoaid nebi. Mëyanac uënëstsenobi, utsi quenubi iuenquio mëyanac uënëstsen uënëstsenondaid nebi.

Codinto 2 12:2

Ënden seta 14ted matanmiash Nuquin Papan abucquio abi yacno indoac isondambi. Nuquin Papan dadachobi abuc indopondashi, quetiapimbo iquebi. Tantienquio iquembi. Adecbidi cun mayanuidtsëqui indondash, quetiapimbo icuaibi. Tsaun. Tantienquio iquembi. Nuquin Papambien tantiec.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codinto 2 5:21

Ambi cuidtiadquidi nuqui icnubi Esuquidistu icsambuen naisa icshobi Nuquin Papan abided cuidmepanëdash: Cun Mado tantiaquidotedi icsambuen naisabimbuecnuc bëdambuen isembi, queshun.

Cadasia 1:22

Ambo nidacsho nidaid cuëshë utsi Udea yacnocquid Esuquidistu tantiaquidon isambo iccondashi.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Cadasia 2:6

Adquid icnuc Esus tantiaquidon chuiquid tapa caidon Esus tantiaquidën natequid utsi chienquio iccondashi. Aid chuiquid tapabo icsho dacuëdënenquio iccondambi. ¿Chuiquid tapa nec, queshunda Nuquin Papan aido bëdambuen ispec?

Cadasia 5:6

Esuquidistunuidtsëqui shui dëbid dëtemiaidobëtambi dëtemiacmaidontsen abi tantiasho bëdambuen isec. Adoac aid tantiaquido yec utsibobëd tantiananquid nuquitedi nendac.

Cadasia 6:15

Shui dëbid dëtemiaidobëta shui dëbid dëtemiacmaido Nuquin Papan bëdambuen istiapimbo iquec. Abi tantiasho Esusën chuca uaidien Nuquin Papan bëdambuen isendac.

Epeso 2:10

Nuquin Papan uaido nuqui nec. Adoshon Aidënquiobi nuquitedi Esus tantiaquido icmiac. Aden chucauaido yec bëdambuec tabadquin utsibo tantiaquin nashunquid nuquitedi nec. Nuquin Papa ëndenquimbo: Ma utsibo nashunnu. Esuquidistu tantiaquido icmendambi, quepampic.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Pidemon 1:23

Epapadas ubëd iquec. Aidbidi Esuquidistu chuibansho bedshun quënën ubëta tsadunondash. Aidëmbi: Mibëd icquidotedi tantiec tsadebi, quequin chuita, cac dada uaimbi.

Uan 1 4:13

Abi tantiaquid icsho aton Mayan meniaid icquin nuquitedi naden tantiec: Nuquin Papabëd abentsëc yacbimbuec nuqui icnuc nuquibëd abentsëc yacbimbuec Nuquin Papa iquec, quequin nuqui tantiec.

Uan 1 5:20

Nadembidi nuqui tantiec. Nuquin Papan Madombo choshon chuibanec: Nuquin Papambo nadquio iquec, quequin tantiamepondash. Adash: Esuquidistu Nuquin Papan mado Nuquin Papapadquidbëd abentsëc yacbimbuec nuquitedi iquec. Aidi Aton Papapadquid icquin abi tantiaquido icsho Nuquin Papa yacno ënëdenquiocnoc tabadmendac, quequimbidi nuqui tantiec.

Esusën Uan ismiaid 1:9

Esusbëd iccondaidquio Uan nebi. Mibëtan Esus tantiaquid yec min utsi nebi. Esus tantiaquid icsho Nuquin Papan namiaido yec aidbëd tabadtequido nuqui nec. Esus tantiasho mibi natiamequin chieshënacpadembidi Esus tantiesabon chieshëmpondashi. Adoaqui Esusën namiacpadec chieshtoenquio icquin abi Esus chuibenniondambi. Adsho issun Esus chieshënquidon quënën tsadunacbimbuen cuenmenquio icnuen acte dapa mad caid nidaid nacnëdquid tapa Padmos caidën tsadunondac abi tsadec nebi.