Doma 16:4 - El Nuevo Testamento en matsés

⁴ Esusën naid chuibennesho: Cueschitomane. Esusën naid chienda, chieshëmënquidon ubi casho aidon ubi nashunquin cuenmesho issun aidtsen cuessunetsempaccondash. Adsho issun: Mibitedishun bëdambuen naoc, caondambi. Adembidi aidon chiondaidon isadaidpembo matses utsibon: Mibitedishun bëdambuen naoc, quequin chuiuapondash.

Doma 16:4 ပူးပေါင်းရင်းမြစ်များ

Uanën dada uaid 15:13

Nadec tantiananta. Cuesanquidën mibëd icquid: Cuesnu, cashunac: Padi. Ubien natiad, quiacbimbuec tantiananta.

Hechos 15:26

Aid daëdi Nuquin Icbo Esuquidistu chuibansho utsibon cuessunnetsenaqui: Uënësmane, quenquio yec capucuennequin chuibennequidquio nec.

Hechos 15:41

Adec nidec nidaid Sidia caid yacno nidash capucuennequin Esus tantiaquido bëdambuen tantiamenuen chuibampanëdash. Aden chuibenneshumbic nidaid Sidisia yacnotsen nidshun Esus tantiaquido chuiquin: Adembidi Esus tantianuna, quequin Pabadon chuibanuapanëdash.

Hechos 16:5

Aden chuibanac ambia tantiabenquidon Esus udictsëc tantiabenquionobi utsibo Esus tantiaquid dadpen yanuapanëdash.

Hechos 9:31

Aden Saudo nidmian Esus tantiaquido nidaid Udea yacnocquido yec nidaid Cadidea caid yacnocquido yec nidaid Samadia caid yacnocquido yec quec dacuëdenquio yec tabadpanëdash. Adec tabadec: Nuquin Papan Chiaid tantiabennu, quesho Nuquin Papan Mayan Bëdan tantiamiac bëdambuec tabadpanëdash. Adec tabadquin Esus chuibansho tantiash tantiesa icbuedi Esus tantiaquid dadpenquio yampanëdash.

Doma 16:3

Aquidabëta aton chido Pisida chuiquin: Mibi tantiembi, quiosh Pabado, cata. Aido ubëtan Esuquidistun naid chuibennequid niondashe.

Doma 16:5

Aquidabëtan Pidisidan shubuno Esus tantiec cuëdënec chochoquidotsen chuiquin: Mibitedi tantiembi, quiosh, cata. Adembidi nidaid cuëshë utsi Asia caid yacnoshon ambia Esuquidistu tantiabenondaid umbi tantiaidquio Epenetotsen chuita.

Doma 5:7

Matses bëdambocquid icsho ¿cuesanquidën: Cuessunnenu, casho tantiashunda dadpenshun: Padi. Ubiquien cuessunne, capatsiash? Padenquio. Utsin abi nashunquidquio icsho cuessunnemenquio icnuen: Nëid cuessunnenquio icquin ubi na, cachitembien ictsiash abentsëcshun.

Codinto 1 16:1

Edusaden yacnocquido Nuquin Papa tantiaquido menenun mimbi piucquid sambededaid chuinu. Nidaid cuëshë Cadasia caid yacnocquid Esus tantiaquido umbi dada uaquin chuibanondacpadombuen mimbitsen nabanta.

Codinto 1 7:17

Nuquin Icbon ambi tantiamiacpadombuen dadabëta chido: Esus tantiaquid icta, caid icquin bëdambuen nabanec tabadta. Adembidi Esus tantiaquidotedi chiembi.

Pidipos 2:30

Esuquidistun chiacpadombuen naic ubëdi tabadec choash ubi nashunec nëncuenash Epapadodito uënëstsenosh. Chotiapimbo icquin mimbi: Nashuntan, cac choash nibëdantsenoshe. Mibi yacno nidacsho bëdambuen ista.

Tesadonica 1 2:14

Cun utsibo, nidaid Udea caid yacnocquido yacpadquiec chieshtoenquio icquin mimbi Esus tantiec. Udea yacnoshon Esus tantiaquido icsho aton matses isadaidbon cuestiadquio icquin chieshënac chieshtoenquio iccondash. Adombuembidi min matsesën chieshënac mibitedi chieshtoenquio iccondac.

Uan 1 3:16

Adquid icnuc utsibobëd tantiananec tabadte nuqui tantiec. Esuquidistu nuquitedi tantiaquiec abided cuidadec uënëspanëdash. Adecbidi nuquibëtan Esus tantiaquido caic: Cuessunnenu, casho issun: Padi, ubiquien cuessunne, canuna.

Esusën Uan ismiaid 1:4

Nidaid cuëshë utsi Asia caid yacno tabadquin Esus tantiec iccuededquidon iste dada uaic nebi. 7tedi shubu dadpen icquid yacno yacnombuec Esus tantiec iccuededquido icsho mibi tantiembi, quequin chuiquin dada uaic nebi. Ambi chiampicpadombuen Nuquin Papan bëdambuen isquin mibi bëdambo icmendac. Nidaid uabi iquequi ëndenquimboshë icpampidi nëbi abi icquid yec nibëdantiapimbo icquid Nuquin Papa nec. Nëbi adquid iquequi choendac. Adembidi aton Mayan 7tedshun aton tsadte dapan tsadsho abi bëisec tabadquidën ma mibitedi bëdambo icmepanuna, quequin tantiembi.