Doma 16:25 - El Nuevo Testamento en matsés

²⁵ Nuquin Papa Bëdamboshë iquec, canuna. Umbi Esuquidistu chuibanac tantiabensho Nuquin Papan mibitedi chieshtoenquio icmiac umbi chuibambued Esus tantiec tabadta. Nuquin Papa ëndenquimboshë abitedi uabi yec: Iuecshun naindambi, quequin ambi matses tantiamenquio icpampidi mibi Esus tantiamiac.

Doma 16:25 ပူးပေါင်းရင်းမြစ်များ

Mateo 13:17

Mibi abimbo caimbique. Tantia. Nuquin Papan oncamiaidobëtan Nuquin Papa tantiec bëdambuec tabadquido dadpenshun mibitedishun ubi isacpadombuen ubi iste bunequi ubi chosho isambobi uënësbudnepampic. Mibitedishun umbi chuibansho tantiacpadombuen tantiate bunequi tantiambobi uënësbudnepampic, quepondash Esus.

Mateo 13:35

Aden Esusën chuite chuiquin ambi oncamiaido Nuquin Papan dada uamiampicpadombuen nanuen adopondash. Nuquin Papan dada uamiampid nad iquec: Cuembo chienquio icquin utsi chiacbimbuenuidi chuibanendambi. Ëndenquimboshë nidaid uashun aidën icquido uashumbi Nuquin Papan ambi tantiaidi ambi uaido chiambo iquec. Adembidi aidon tsiuecquidotedi chiambobidi iquec, quequin Esusën chuite chuipampic.

Mateo 20:7

tabadquido: Chonouanquid nibëdec, quesho tantiashun tied icbon: Mibitsen cun tied neshcaic nidta. Mibi piucquid menenu, cac tied neshcaic nidanneuaposh.

Hechos 20:32

Bëdambuen chuibanombi, quequin tantiaquin mibi nianembi. Esus tantiaquid nec, quequin Ambi Chiaid Nuquin Papan mibi bëdambuen tantiamendac. Aden tantiamequin mibi tantiaquioquin ambi chiampicpadombuen mibitedi bëdambo icmendac.

Hechos 9:20

Adec Damasco yacno tabadquin Nuquin Papan Chiaid chuibante shubun shubunquiec puduedcuennequin isadaidbo chiec: Esus Nuquin Papan Madombo nec, quequin chuibennequin Saudon tauapanëdash.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Doma 14:4

¿Icbompenquioda utsin iua chushcaquin: Icsambo iquec, capadic? Padenquio. Aton Icbonuidtsëquien: Mibi bëdambo iquec. Mibi icsambo iquec, caquid. Adembidi abi nashunquid icsho Nuquin Papa nadatiambocquidën bëdambo icmendac.

Doma 16:24

Doma yacnocquido icsho mibitedi tantiaquin ma Nuquin Icbo Esuquidistun bëdambuen isquin mibitedi bëdambuen tabadmepanuna. Amen.

Doma 2:16

Nuquin Papan abitedimbo cuidte uëshëmbi aidën chiacpadombuen Esuquidistun matsesën otacquio tantiaidbëta ompodshon naidtedi tantiashun matses cuidendac. Aden umbi Chiaid Bëda chuibanquin chuibocpadombuen naindac.

Codinto 1 1:23

Aden tantiec tabadnubi nuquitedi: Nuquin Papan Chomiaid Mesias caid yec Esuquidistu abided cuidadec cueste napotiaidën dectanac uënëspanëdash, quequin chuibanec. Adoaquien: Nuquin Papa icsambuen chuishunec, quequin tantiec isadaidbo tabadec. Adnubi matses utsibo: Ambembi chiec tantiadenash onquequid nec, quequin tantiec tabadec.

Codinto 1 2:7

Umbi tantiaid chienquio icquin Nuquin Papan bëdambuen tantiamiac ambi matses tantiamenquio icpampidi chuibanec nebi. Nidaid uabi yec ëndenquimboshë: Umbi tantiacpadënquio Esus tantiaquido bëdamboshë yacno ubëdi tabadmendambi, quequin chiampidquio chuibanec nebi.

Codinto 1 4:1

Esuquidistu nashunquin chuibennequido nec, quequin ubitedi tantiata. Adquid icquin Nuquin Papan ambi matses tantiamenquio icpampidi tantiamequin chuibanquid icmiaido nec, quequintsen ubitedi tantiata.

Codinto 2 4:3

Esuquidistu chuibansho utsin utsinquien pamunacbimbuen tantiatiapimbo iquec. Adquido Nuquin Papabëd tabadtiapimbo iquendac.

Codinto 2 4:5

Umbi naid tantiamenuen chuibanesa nebi. Esuquidistu Nuquin Icbo nec, quequin chuibanquidquio nebi. Aid tantiaquid icquin mibitedi tantiamenuen chuiquin mibi nashunquid ubitedi nec.

Cadasia 2:2

Adec Nuquin Papan tantiamiacpadec ambo nidshun Esus tantiaquido iccuededacno puduedshun umbi isadaidpembo Esusën naid Chiaid Bëda chuibennebued chuibanondambi. Adshumbic aidon chuiquid tapabo caidouidtsëqui umbi nabambuedtedimbo chuibanondambi. Aden chiambo icnuc utsibon: Pabadon icsambuen chieque. Tantienda, cac tantiashun Esus tantienquio yannushe, queshun chuibanondambi.

Epeso 1:9

Aden Nuquin Papan ambi matses tantiamenquio icpampidi nëbi nuqui tantiamec. Abi bunacpadombuen abi matses bëdambuen ismequid Esuquidistu nuqui tantiamiac.

Epeso 3:11

Aden ambi Esus tantiamete iquendac, quequin ambi ëndenquimbo tantiampicpadombuen Nuquin Papan Esuquidistu Nuquin Icbo icmepanëdash.

Epeso 3:9

Ëndenquimboshë abitedi uaquidquio icquin Nuquin Papan ambi matses tantiamenquio icpampidi chuiquin: Aid tantiamequin chuibanta, caidquio nebi.

Epeso 6:19

Ubitsen tantiaquin Nuquin Papa chianneta. Dacuëdmenquio icquin mimbi tantiamiacpadombuen chuibanquidquio icme, quequin chuita. Adoac ambi oncamiacpadombuen ambi matses tantiamenquio icpampidi nëbi Nuquin Papan tantiamec, quequin tantiabicquido Esus chuibanendambi.

Codosas 2:2

Ma ënenquio icquin Esuquidistu tantiaquidombo yampanu, queshun dayacquiocquin chiannec nebi. Abentsëc yacbimbuec tantiananquido ma yampanu, queshun adembidi chiannembi. Adquido yanshun ma bëdambuen tantiapanu. Adembidi: Ëndenquimbo Nuquin Papan matses tantiamenquio icpampidi Esuquidistu nec, quequin ma tantianu.

Codosas 4:3

Adembidi ubitedi tantiaquin Nuquin Papa chianneta. Ënden mimbi matses tantiamenquiocnëdaidi Esuquidistu chuibanquin ma utsibo tantiamequin bëdambuen chuibennenu, quequin Nuquin Papa chianneta. Aden chuibennesho bedshun quënën tsadunaid nebi.

Tesadonica 1 3:13

Adembidi mibi bëdambuen tantiamequioquin chieshtoenquio icmeta. Adsho mibi tantiaquido mimbi bëdamboshëcquid icmequin icsaisa icmiaidobëd nidaidën padpidec choshon cun Icbo Esusën: Tesadonica yacnocquido icsambo iqueque. Cuidnu, catiapimbo ictsiash, Papa, quequin mibitedi tantiaquin Nuquin Papa chiannembi.

Tesadonica 2 2:14

Nuquin Papan Chiaid Bëda Esusën naid umbi chuibansho tantiashun mimbi Esus tantiabenondac. Abi yacnoshon Nuquin Icbo Esuquidistupadquid bëdamboshëcquid icmenuen Nuquin Papan mibi Esus tantiamiac.

Tesadonica 2 3:3

Nuquin Icbo bëdamboshë icquid nec. Muesambo icquin ambi chiacpadombuen naquid icquin nuquitedi bëdambuen dayun uaindac. Ubi tantienquio yannushe, queshun nuqui chieshtomenquio icquin Mayan Icsa Satanas nuqui iuametiapimbo iquendac.

Timoteo 2 1:9

Nuquin Papan: Cuna nec, quequin aton Mado Esus tantiamiaido icquin adonona. ¿Nuqui bëdambuec tabadshoda Nuquin Papan nuqui bëdambuen isbempondash? Padenquio. Ëndenquimboshë nidaidbëta matses uabi yequi Nuquin Papa: Umbi chiaid niac niacquin icsambuen naquidëmbi cun Mado Esuquidistu tantiasho cuidenquio iquendambi, quequin ambi chiampicpadombuen nuqui Esus tantiaquid icmiac.

Timoteo 2 2:8

Esuquidistu tantiata. Aidi matsesash isadaidbo tsusedpa Dabidën tsiuecquid nepanëdash. Aidi uënës uacsho Nuquin Papan uincuenmepanëdash, quequin Chiaid Bëda Esusën naid umbi chuibambuedquio abi iqueque. Aidquio tantiaquiota.

Tito 1:2

Nuquin Papa muesambo nec. Adquid yec ëndenquimboshë nidaid uabi yequi onquec: Umbi chiacpadombuen Esuquidistu tantiaquido icsho ënenquiocquin ubëdi tabadmendambi, quequin ambi chiampicpadombuen ma nëidon tantianu, queshun Esuquidistu chuibennequidquio icmiondashi.

Ebedeo 7:25

Adec uënësesambo yec Nuquin Papa yacno ënëdenquio yec tabadquin abi tantiaquido Nuquin Papa yacnobidi tabadmendac. Adquid icquin: Ubi tantiaquido bëdambuen ista, quequin aton Papa chiannequid nec.

Petedo 1 1:20

Ëndenquimboshë abitedi uabi yequi Nuquin Papa nadpampic: Umbi tantiacpadën matsesash matses cuidmenquio icnuec mibided cuidadec mibi uënësendac, quequin Esuquidistu chuipampic. Aden ambi chiampicpadombuen cuidadmeshun nëbi Esus tantiasho mibitedi bëdambuen isec.

Petedo 1 5:10

Aden utsibon chieshënquin natiamiaido yec iuec iuecpactsëc mibitedi mëyadec tabadendac. Adec tabadsho Nuquin Papan bëdamboshëcquid icmequin dayacquiocquid yacbimbuecnuc chieshtoenquio icquid mibi icmendac. Adembidi nuqui tantiaquidquio icquin ambi Esus tantiamiaido icsho abi yacno buanshun nuqui bëdamboshëcquid icmiac ënëdenquio yec Esuquidistubëd daëdash abentsëc yacbimbuecnuc tabadmendac.

Esusën Uan ismiaid 10:7

Ubipadquid Nuquin Papabëd icquid utsintsen shoncate sanambuedën: Nëbi ënquin shoncanubi Nuquin Papan ambi chiampicpadombuen naindac. Adnubi Nuquin Papan ambi matses tantiamenquio icpampid tantiamendac. Ambi oncamiaido chiampicpadombuen nainquin naindac, queposh Nuquin Papabëd icquid.