Doma 16:20 - El Nuevo Testamento en matsés

²⁰ Mibitedi bëdambuec tabadmequid icquin mibi dëniacmequin Nuquin Papan matses icsambuen namequidquio Mayan Icsa Satanas cuenmendac. Ma Nuquin Icbo Esusën: Mibitedi tantiaquiembi, quequin mibitedi ismendac.

Doma 16:20 ပူးပေါင်းရင်းမြစ်များ

Mateo 4:10

Esusën: Padi. Baded cuenta, Satanas. Nuquin Papan Chiaidquio chuiquin naden dada uampid iquec: Min Icbo Nuquin Papauidtsëqui bëdambuen tantiaquin aidën chiacpadombuenuidi nabanta, quequin dada uampid iqueque. Cuenta, capanëdash Esusën.

Ducas 10:19

Umbi nadatiambocquin nabanquid mibitedi icmebanombi. Adquid icmiac nisibëta chichun tincac mibi icsa uatiapimbo iquendac. Adembidi Mayan Icsa Satanasën namiaidon mibi chieshënquin icsa uatiapimbo iquendac.

Doma 15:33

Aden mibitedi tantiaquin nuqui bëdambo icmequid ma Nuquin Papa mibitedbëd icpanuna. Amen.

Doma 16:23

Pabado nebi. Cayon shubu yacno iquebi. Esus tantiaquido iccuededec nëid shubu yacno pudued puduedosh. Aidontsen mibitedi tantiec. Adembidi Edaston mibitedi tantiec. Aidi nëid shubu dadpen icquidon chuiquidën chiacpadombuen piucquid bedbenneshun dayun uaquid nec. Nuquin utsibimbuecquid Cuadtontsen mibitedi tantiec.

Doma 16:24

Doma yacnocquido icsho mibitedi tantiaquin ma Nuquin Icbo Esuquidistun bëdambuen isquin mibitedi bëdambuen tabadmepanuna. Amen.

Doma 8:37

Aden natiamiaid icshobi nuqui tantiaquidquio icquin Esuquidistunuidtsëqui chieshtoenquiocquid nuquitedi icmendac chieshëmënquido dëniacquin cuesacbimbuen.

Codinto 1 16:23

Ma Nuquin Icbo Esusën mibitedi bëdambuen isquin bëdambo icmepanuna.

Codinto 2 13:14

Adembidi: Nuquin Papan tantiaidquio nebi, quequin tantiaquiota. Adembidi: Aton Mayan Bëda ubëd iquec, quequin tantiec mibitedi tantiananquiota. Amen. Aidted chuiquin dada uaombi.

Cadasia 6:18

Cun utsibo, ma Nuquin Icbo Esuquidistun mibitedi bëdambuen isquin bëdambo icmepanuna. Amen. Aidtedi chuiquin dada uaombi.

Pidipos 4:23

Ma Nuquin Icbo Esuquidistun mibitedi bëdambuen isquin bëdambo icmepanuna. Amen.

Tesadonica 1 5:28

Nuquin Icbo Esuquidistun ma mibitedi bëdambuen ispanu, quequin tantiembi. Amen. Aidted chuiquin dada uaombi.

Tesadonica 2 3:18

Nuquin Icbo Esuquidistun ma mibitedi tantiaquin bëdambuen ispanuna, caimbi. Amen. Aidted chuiquin dada uaombi.

Timoteo 2 4:22

Nuquin Icbo Esuquidistu ma mibëd icpanuna, mado. Nuquin Papantsen mibëta Esus tantiaquido ma bëdambuen ispanuna, quequin mibitedi tantiaquin Nuquin Papa chiannembi. Amen. Aidted chuiquin dada uaombi.

Pidemon 1:25

Ma Nuquin Icbo Esuquidistun mibitedi bëdambuen isquin bëdambo icmepanuna. Aidted chuiquin dada uaombi.

Uan 1 3:8

Padnuen ënenquiocquin icsambuen nabanquido Mayan Icsa Satanasën namiaido nec. Ënden Nuquin Papan abitedi uabi icnubi Mayan Icsa Satanasën tauaquin icsambuen nampid yequi abi icsambuen namequid nec. Aidën namiaido matses icsho isash Nuquin Papan iuabo icmequin Mayan Icsa Satanas bedshunnuec Nuquin Papan Madombo Esus chopanëdash.

Esusën Uan ismiaid 12:10

Adnubien Nuquin Papa yacnouësh cumapenec onquequin naden chuiposh: Nëbi Nuquin Papan nadatiambocquid icquin abi tantiaquido bëdambuen isquin abi dëniacnuequido mënchicshun abi yacno tabadmendac. Abitedishun Icbombo yanshun nidaidën icquidtedishun chuiquid tapa Mesias caid icquin Esuquidistun matses abitedimbo namendac. Nuquin Papan abi chieshënquidquio icsho cuenmiaid icquin Esus tantiaquido chieshënquin badiadquidën badiadquidënquien Nuquin Papa tantiaquido icsambuen chuishunquid Mayan Icsa Satanas nec. Adembidi inchëshquidën inchëshquidënquien icsambuen chuishundednequid nec.

Esusën Uan ismiaid 22:21

Ma Nuquin Icbo Esusën abitedi bëdambuen isquin bëdambo icmepanuna. Aidted chuiquin dada uaombi.