Doma 16:2 - El Nuevo Testamento en matsés

² Aidi Nuquin Icbo Esuquidistun namiaid yec mibi yacno nidsho bëdambuen ista. Utsibobëta bëdambuen isquin nashunoshibique. Nuquibëtan Esus tantiaquid nec, queshun bëdambuen isquin aidën: Ubi nashun, cacpadombuen nashunta.

Doma 16:2 ပူးပေါင်းရင်းမြစ်များ

Mateo 25:40

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

Hechos 9:13

Adoaquien: Cun matses dadpenshun Saudon icsambuen nabanaid chuibansho tantiombi, Icbo. Aidëmbi Edusaden yacnoshon mibi tantiaquido mëyanmiac caosh.

Hechos 9:15

Adoaquien aton Icbon: Aidi ubi chuibennequid icmequin umbi bëdambuen isaid neque. Aid dacuëdënenquio yec nidshun istan. Aidëmbi isadaidbobëta isadaidpembo aton chuiquidobëtabi ubi chuibennec capuendac.

Hechos 9:36

Adnubien Dida caid udictsëc shubu dadpen icquid Ope caid yacnocquid Esus tantiaquid chido Tabita cuënshumbic quidiecon onqueten Dodcas cain cuënaid icpanëdash. Aidëmbi atona nibëdquido nashundednequimbi pete nibëdquido menedednepanëdash.

Hechos 9:39

aidobëd badedquio Ope yacno Petedo nidpanëdash. Adec nidec Ope yacno chosho issun abuc quënë icquidën Tabita cashumbic Dodcas uënësaid uiacno puduedmepanëdash. Ambo puduedsho issun shubiquimbi niantebon Dodcasën uënësabicquin tuscabued dashcute dadpen Petedo ismepanëdash.

Hechos 9:41

Uëtsëdtosho issun mëdinquin nidtomeshun niantebobëta Esus tantiaquido utsibo cuënquin chochomeshun ambi uincuenmebued ismepanëdash.

Doma 15:7

Esuquidistun mibitedi bëdambuen isacpadombuembidi utsibotsen bëdambuen isquin tantiata. Adoac aidon: Nuquin Papa bëdamboshë iquec, caindac.

Doma 16:15

Adoshombic nëidtedi chuita. Nëidic Pidodoco. Nëidic Udia. Nëidic Nedeobëta aton chuchu. Nëidic Odimpas. Nëidic aidobëtan Esus tantiaquidotedi chuiquin: Aidën mibitedi tantiec, cabanta.

Doma 16:23

Pabado nebi. Cayon shubu yacno iquebi. Esus tantiaquido iccuededec nëid shubu yacno pudued puduedosh. Aidontsen mibitedi tantiec. Adembidi Edaston mibitedi tantiec. Aidi nëid shubu dadpen icquidon chuiquidën chiacpadombuen piucquid bedbenneshun dayun uaquid nec. Nuquin utsibimbuecquid Cuadtontsen mibitedi tantiec.

Doma 16:6

Mibitedi nashunondaidtsen Madia chuiquin: Aidën mibi tantiec, cata.

Doma 16:9

Ubëtan Esuquidistun naid chuibanquid utsi Udbano chuiquin: Aidën mibi tantiec, cata. Adembidi umbi tantiaidquio utsi Estaquis chuiquin: Aidën mibi tantiec, cata.

Epeso 5:3

Nuquin Papa tantiaquido mibitedi neque. Bëdambuec tabadta. Adecbidi chudaiduidi chiec onquesa icta. Adecbidi natemaid utsi abi bunaiduidi naquin mëmunesa nec, quequin chiec onquesa icta. Adecbidi utsina isash dadpen bedte bunquid nec, quequin chiec onquesa icta.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Pidipos 2:29

Nuquin Icbo Esus tantiaquid yec nuquin utsi Epapadodito nidacsho isash cuishonquequin bëdambuen ista. Adquid Esus chuibanquido utsibo mibi yacno nidacsho adembidi bëdambuen ista.

Codosas 4:10

Adistadco ubëta quënën tsadunaid nec. Aidëmbi: Aido tantiec tsadebique. Chui, quesho tantiashun dada uaimbi. Adombuembidi Madcos Bednaben utsin chiaid dada uaimbi. Aidi iuecash mibi yacno nidsho issun bëdambuen isquin iuedta.

Timoteo 1 2:10

Mabi bëdapactsëcquio iquec, quequin isnu, quequin tantienquio yec: Nuquin Papa tantiaquidquio nebi, quec utsibo nashumbanec bëdambuec tabadta.

Timoteo 2 1:18

Epeso yacnoshon aidëmbidi baded badedquien nuqui nashundedniondaid mimbi tantiec. Aden ubi nashunondaid tantiaquin: Nidaidën padpidec choshon Cun Icbon ambi matses cuidte uëshë chonoc: Onesipodo bëdambuen isquin mëyadte yacno nidmenda, Papa, caimbi.

Tito 2:3

Adembidi Esuquidistu tantiaquid machobo tantiamequin naden chuibanta. Nuquin Papan bëdambocquid icmiaid nebi, quec bëdambuec tabadta. Adembidi utsin icsambuen naiduidi chiannequid iquenda. Adembidi acte paë uaid tantiadennuen acquid iquenda. Bëdambuen nabanec tabadquin buntacbo ismeta, quequin machobo chuibanta, Tito.

Pidemon 1:12

Aidi umbi tantiaidquio yec cun madobimbuecshobi mibi yacno nidmeuaimbique. Ubi chosho issun iuedacbimbuen bëdambuen isquin iuedta.

Pidemon 1:17

Esus tantiaquid yec cun buchibimbuecquid nec, queshun mimbi ubi iuedondacpadomboembidi Onesimo iuedta, Pidemon.

Uan 2 1:10

Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda.