Doma 16:18 - El Nuevo Testamento en matsés

¹⁸ Nuquin Icbo Esuquidistun chiacpadombuen nainquio icquin aidon: Umbi chiaid tantiata, quequin abi bunaidquio namequin muaquin Esus tantiabentsëcquid icsambuen namec.

Doma 16:18 ပူးပေါင်းရင်းမြစ်များ

Mateo 24:11

Adnubien muaquido dadpen yanash: Nuquin Papan oncamiaidquio nebique. Tantia. Chuinu, quependac. Adsho tantiashun dadpenshun: Ai, abimbo mimbi chiec, caindac.

Mateo 24:24

Adquid uëshë icnuc: Nuquin Papan Chomiaid Quidistu nebi, quec muaquid utsi utsiec yanendac. Adecbidi: Nuquin Papan oncamiaid nebi, quec muaquid utsi utsiec iquendac. Aidon: Ubi tantiaquid icmenu, quequin ubi chieshënquidombi nadatiambocquin nabanquin ismendac. Adosho issun Nuquin Papan tantiamiaidonquiobi utsin utsinquien ubi tantienquio ictsenendac.

Mateo 6:24

Adshumbic naden Esusën chuipanëdash: Adecbidi chuiquid daëd icnuc aid daëdshun namiaid mibi ictiapimbo iquec. Abentsëcshun chiaiduidi tantiaquin utsin chiaid nainquiocquin mimbi aid chieshënec. Adquiobidi piucquid bedteuidi tantiaquid icquin Nuquin Papan chiacpadombuen mimbi natiapimbo iquec, quequin Esusën chuipanëdash.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Uanën dada uaid 12:26

Ubi nashunte bunquidën umbi chiacpadombuen natsiash. Adquid ubi tantiaquid icsho Cun Pan utsibo dadpen chuiquin: Nëid bëdambocquid nec, caindac, quepondash Esus.

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Doma 16:19

Mibitedi caic: Esus tantiec aidën chiacpadec bëdambuec tabadosh, quequin mimbi naid chuibededsho dadpenshun tantiac caosh. Adsho tantiash bëdambo yec cuishonquebi. Aden tantiaquidquio yanash icsambuen nainquio yec bëdambuec ma mibitedi tabadpanuna.

Codinto 2 11:3

Umbi chuibanac Esuquidistu tantiabuedombi nisi bëdambo isadacbimbuecquidën muaquin chiac Eban Nuquin Papan Chiaid niacquin tantienquio icpampicpaden muaquin chuibanac mimbi Esuquidistu tantienquio yampanundac, quec natiec tsadebi.

Codinto 2 2:17

Utsibombien dadpenshun piucquid bedteuidi bunquin Esus chuibennec. Piucquid bednu, quequin ubi yacpadquidon Esuquidistu chuibanenquio iquec. Padnuembi Nuquin Papan: Esuquidistu chuibenneta, caid icquin piucquid bedte bunenquio icquin Nuquin Papan isquin tantianubi muainquiocquin aidquio chuibennec nebi. Nuquin Papan namiaido yec Esuquidistubëd abentsëc yacbimbuec tabadquido ubitedi nec.

Codinto 2 4:2

Icsambuen nash dacuëdec ompodquidën nacbimbuen nainquio iquembi. Bëdambocquid danmianenquio icquin Nuquin Papan Chiaid utsi uaquin chuibanquin matses mua uainquiocquin abimbo chuibanembi. Aden umbi abimbo chiac tantiaquido yec: Pabado icsambuen naquid nec, quetiapimbo icnubi adembi bëdambuen chuibanembi. Nuquin Papan nuquitedi isec, quequin adembi abimbo chuibanembi.

Cadasia 1:10

¿Mabi matsesën: Mibi bëdambo iquec, canu, quequindambi aden chuibampadi? Padenquio. Nuquin Papambien: Mibi bëdambo iquec, ubi caindac. Matsesën tantiaiduidi chuibanec Esuquidistun iuapenquio ictsiabi.

Pidipos 2:21

Utsibombien atonauidtsëqui tantiaquin Esuquidistun chiacpadombuen natiapimbo iquec.

Pidipos 3:19

Aidotedi cumapenec mëyadtequid yacno chian annëdënquiacno nidmequin cuidendac. Peteuidtsëqui tantiec icsambo icquin ambi natemaid naic: Bëdambo iquebi, quec tabadec. Aido: Icsambuen naquido nebi, quiash dacuëdtiadquidi Nuquin Papa tantienquio icquin nidaidën icquiduidtsëqui tantiec tabadec.

Codosas 2:4

Aden umbi chianniaid icnuc utsibon abimbo chiacbimbuen chuiquin: Umbi chiaid tantiata, quequin muaquin Esuquidistupenquio chuibansho ma tantienquio mibitedishun icpanu, quequin tantiaquin aden mibitedi chiec nebi.

Codosas 3:24

Cun Icbo Esuquidistun abi yacno ubi nidacsho issun umbi bëdambuen nabanaidtedi tantiaquin bëdamboshëcquid ubi menendac, quequin tantiaquin nabanta. Nidaidënshun min Icbo Esuquidistu tantiaquin nashunquido mibitedi neque. Aden nabanta.

Tesadonica 2 2:10

Adec icsauidequi tabadquid yec cumapenec muaquin ismedednesho isash: Abimbo caic, quependac Esus tantiesabo Nuquin Papan ënenquio icquin cuidtequido yec. Aidon Esus chuibanquidën: Nuquin Papa yacno tabadte iquec, quequin abimbo chuisho pamumëdacbimbuen tantiatiapimbo icquin ambembi muaquin chiaiduidtsëqui tantiendac.

Timoteo 1 6:5

Pabiate shëcuë nibëdacbimbuen Nuquin Papan Chiaidquio bëdambuen tantienquio yec chushcananendac. Nuquin Papan Chiaid chuibanquidën piucquid dadpen bedte danec chuibanquidbidi ictiadquio iquendac.

Santiaco 1:1

Santiaco nebi. Nuquin Papan namiaidquio yec Nuquin Icbo Esuquidistun namiaidquiobidi nebi. Adquid icquin nuquin tsusedpa Acobon mado docetedshun tsiuecquido yec uanno uannuec nidanniash tabadquin Esus tantiaquido icsho mibitedi tantiembi, quequin chiec nebique. Isec onqueta.

Petedo 2 2:3

Muaquidon chuisho tantienda. Aidon piucquid cumapenec bunquin aid dadpen bedquimbi ambembi chiaidquio mibitedi chiec. Muasho tantiashun ambi ëndenquimboshë tantiampicpadombuen aido cumapenen Nuquin Papan cuidtequidombo nendac.

Udas 1:1

Esuquidistun iuambo nebi. Santiacon utsi Udas nebi. Mibitedi tantiaquioquin Nuquin Papan tantiamiaido icquin abi tantiasho: Ubi tantienquio yannushe, queshun Esuquidistun mibitedi cudasquin dayunuaic, quequin chuiquin mimbi iste dada uanu.

Udas 1:12

Esus uënësaid tantiec tabadquin actequidbëta petempi pec tantiananec tabadquin pebededacno puduedshun mibëdtambi muaquidon piac caosh. Aido: Nuquin Papa tantiesa nebi, quiash dacuëdtiadquidi padenquio yec tabadec. Adquid yec aton iua obeca bëdambuen tantienquio yacbimbuen abiuidtsëqui datantiadquin nabanquido nec. Adecbidi abu chëshë acte nibëdquid icsho cunquequidën uanno tsidunacbimbuecquido nec. Adecbidi cute ambi nitsinaid bacuëenquio yec uënësacsho istuidshun icbon chichicshunniacbimbuen Nuquin Papan cuidtequidombo nendac.

Udas 1:16

Aido cuidtequido iquec aton chuiquid tapabon chiaid tantienquio yec: Icsambo iquec, quiash icsambuen chuishunquin abitedi chieshënec tabadec. Ubiuidtsëqui bëdambuen naquidquio nebi, queuidequi iquec. Ubi bunacpadombuen ma nanu, quiash matses utsibo chiec: Umbi tantiaidquio mibi nec, quec muaic.

Esusën Uan ismiaid 1:1

Esuquidistubëd iccondaid Uan nebi. Nuquin Papan tantiamiac Esuquidistun: Nadquid iquendac, quequin abi ismebuedquio dada uaic nebi. Esus tantiaquidon ma tantianu, queshun Nuquin Papan chiac Esuquidistun: Ma ismenu, quequin abëd icquid ambi budmiaidën ismeposhi.