Doma 16:17 - El Nuevo Testamento en matsés

¹⁷ Tantia. Chuinu, cun utsibo. Mibëtan Esus tantiaquido chieshënmequin cuëshëdmequido iquec. Aidon Nuquin Papan Chiaid mimbi tantiaidquio chienquio icquin mibitedi icsambuen namenuen muaquin chuibampec. Adquidobëd onquec tabadenda.

Doma 16:17 ပူးပေါင်းရင်းမြစ်များ

Mateo 18:17

Mimbi buanaidontsen: Aden icsambuen nainda, caqui: Adequi icsaibi, quesho tantiatanec choshon mibëtan ubi tantiec iccuededquidon chuiquido chuituidta. Mimbitsen chuitanta, cac aidontsen chiaqui tantienquio icsho issun: Nuquin Papan Chiaid niac niacquid yec Esus tantiesa nec. Doma yacnocquidon chuiquid dapanquio chiacted piucquid bedquidbimbuec icsaquid nec, queshun ubi tantiaquido cuëdënacno chomenda.

Mateo 18:7

Aden ubi tantiactsëcquido utsibon icsambuen namiac icsamboshë iquendac. Ai, adquid iquendac. Adec icsambuen namianquid icsho Nuquin Papan cuidquiendac.

Mateo 7:15

Adshumbic abi macuësh tapa poctse tsadquin naden Esusën chuipanëdash: Utsibo: Nuquin Papan Chiaidquio chuibanquid nebi, quec bëdambocquid danmianec muaquidombo iquendac. Adquido choshon Nuquin Papan Chiaid niac niacmequin mibitedi icsamete bunendac. Aido bëdi dapa nëish iua pete bunquiacbimbuec mibitedi icsamete bunquieque. Icsamenda.

Ducas 17:1

Aden chuishumbic Esusën abëd icquido naden chuipanëdash: Icsambuen namianquid ënëdenquio iquendac. Adquid icnuc aton matses icsambuen namequid icsho Nuquin Papan cumapenquien cuidendac.

Hechos 15:24

Umbi: Nidtan, cacmaidobi nëuëshquio nidash mibi yacno puduedshun: Isadaidbon: Naden nata, quequin chiaidtedi natiadquidi mibi nec, quequin mibi icsambuen chiac caosh. Adoac mimbi Esusquio tantienquio ictsenash, quequin tantiombi.

Codinto 1 11:18

Mibitedi caic: Esus tantiaquidobëd iccuedednu, quiashi cuësh cuëshëdosh, quequin chiaid tantiashun: Abimbuen cachitec, quequin tantiombi.

Codinto 1 3:3

Esus tantiesa tabadacpadec chushcananquido yec Esus bëdambuen tantiabenabictsëcquido mibitedi nec. Adquido iquec Nuquin Papa tantiesabon tantiacpaden tantiaquido mibitedi nec.

Cadasia 2:4

Esus tantiaquid danmianquiec muaquido ubitedi tabadacno ompodash puduedpaccondash. Esuquidistu tantiasho Nuquin Papan nuquitedi bëdambuen isec, quequin cun tsusedpan chiaid niacsho tantianu, quiash umbi chuibanacno puduedpaccondash. Adec puduedshun tantiashic: Mimbi icsambuen chiec. Nuquin tsusedpa Moisesën chiampidtedi nasho Nuquin Papan bëdambuen istsiash, quenuen tantiec tabadpaccondash.

Pidipos 3:17

Tantia, cun utsibo, ubi yacpadquiec bëdambuec tabadta. Umbi chuibambocpadombuen utsibon nasho issun adombuembidi bëdambuen nata.

Codosas 2:8

Naden muaquidon icsambuen tantiamenushe. Abimbo tantiaquiec tabadta. Ëndenquio ambibi tantiaquin matsesën chiaid ambembi chiec onquiampicpaden nëbi icquidën Esuquidistu chuibanenquio icquin chuisho tantiashun: Nuquin Papan Chiaidpenquio chiec nec, quequin tantiata. Adembidi Mayan Icsa Satanasën icsambuen namenuen tantiamiacpadombuen aidon muaquin chiaid tantienda.

Tesadonica 2 3:6

Tantia, cun utsibo. Nuquin Icbo Esuquidistun: Ubi chuibenneta, caidquio icquin mibitedi chuinu. Esus tantiaquido utsi utsiec umbi mibi chiondaid niacniaquec chieshuidequi icsho isash aidbëd tabadenda.

Timoteo 1 1:3

Tantia. Mibi chuinu, mado. Nidaid cuëshë utsi Masedonia caid yacno nidquin umbi chiondacpadquiec Epeso yacno icta. Mibi yacnocquidon: Nuquin Papan Chiaidquio chuinu, quebuedombi aid abimbo chienquio icsho tantiashun naden chuita: Nuquin Papan Chiaid chuiquimbi muaquin ambembi chiaid utsibëta natsusuaquin chuibanenda, cata.

Timoteo 2 3:5

Nëidic: Nuquin Papa tantiaquid nebi, quec muaquin aidën chiaid niac niacquido. Adquidtedi: Icsambuen naic tabadquido neque. Adquidobëd onquec tabadenda, caimbi.

Tito 3:10

Aden icsambuen chuiquin Esus tantiaquido cuëshëdmete bunquid icsho bëdambuen tantiamenu, quequin chomeshun chuita. Aden chiaqui niacbidanquin adombuembidi padpiden chuiuasho tantiashun aidi bëdambuen chuibanquin tantiameuata. Aden chiaqui padpidembuen niacbidanquin adombuembidi chuiuasho tantiashun Esus tantiaquido iccuededacno puduedmenda, Tito.

Uan 1 2:19

Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.

Udas 1:19

Adquido yec chieshëmënec cuësh cuëshëdmianquido nec. Adec abi bunacpadec tabadquid icnuc Nuquin Papan Mayan aidobëd tabadenquio iquendac.