Doma 16:10 - El Nuevo Testamento en matsés

¹⁰ Adembidi Apedes chuiquin: Aidën mibi tantiec, cata. Aidi utsibon chieshënaqui chieshtoenquio icquin Esuquidistu tantiaquidquio nec. Adembidi Adistobudon shubun icquidotedi chuiquin: Aidën mibitedi tantiec, cata.

Doma 16:10 ပူးပေါင်းရင်းမြစ်များ

Doma 14:18

Adec Esuquidistun chiacpadec tabadsho issun Nuquin Papan: Bëdambo iquec, canubi matsesëntsen: Aido bëdambo iquec, cauaindac.

Doma 16:3

Aquidabëta aton chido Pisida chuiquin: Mibi tantiembi, quiosh Pabado, cata. Aido ubëtan Esuquidistun naid chuibennequid niondashe.

Doma 16:7

Adembidi cun matses isadaidbo Andedonicobëta Unias chuita. Aido ubëtan Esusën naid chuibennesho chieshëmënquidon bedshun quënën tsadunondashi. Aidombien ambia Esuquidistu tantiabempanëdash umbi padabi icnubi. Adsho aidoba Esusën: Ubi chuibenneta, cac chieshtoenquio icquin chuibennequido nec, queshun Esus chuibennequid utsibon: Bëdambo iquec, caido nec.

Doma 8:11

Nuquin Papan Esus uincuenmepanëdash. Aidëmbi aton Mayambëd tabadquid yec uënësacsho uincuenmequin mibitedi dada chuca uaindac.

Codinto 1 11:19

Adec cuësh cuëshëdquid mibi yacno icac bëdambo ictsiash. Adec utsi utsiec cuëshëdsho issun mimbi naden tantiatsiac. Cuësh cuëshëdenquiocquid icsho issun: Chieshtoenquio icquin Esus tantiaquidombo nec, quequin mimbi tantiatsiac.

Codinto 2 12:2

Ënden seta 14ted matanmiash Nuquin Papan abucquio abi yacno indoac isondambi. Nuquin Papan dadachobi abuc indopondashi, quetiapimbo iquebi. Tantienquio iquembi. Adecbidi cun mayanuidtsëqui indondash, quetiapimbo icuaibi. Tsaun. Tantienquio iquembi. Nuquin Papambien tantiec.

Codinto 2 2:9

¿Umbi chiacpadombuen nabanquidombobida neque? Isnu, quequin: Icsambuen naquid puduedmenda, quequin mibitedi chuiquin dada uaondambi.

Codinto 2 5:17

Adquid icnuc Esuquidistubëd abentsëc yacbimbuec tabadquid yanash matses utsibimbuec chucambo yanec. Ënden Esus tantiesabon tantiacpaden ambibi tantiaquin icsambuen nabuedi Esuquidistun tantiamiac aid tantiaquid yanash bëdambuec tabadcuenec.

Codinto 2 8:22

Titobëd nidquidbëta utsi mibi yacno nidmembi. Umbi: Nata, cac bëdambuen nabanquid aidi nec. Utsibo nashunquido nec, cac aidi mibi yacno nidte bunec.

Cadasia 1:22

Ambo nidacsho nidaid cuëshë utsi Udea yacnocquid Esuquidistu tantiaquidon isambo iccondashi.

Pidipos 2:22

Timoteon bëdambuen naondash, quequin mimbi tantiec. Mimbi aden tantianubi ubëtan Esusën naid chuibanondash. Adquid yec cun madobimbuecquid nec.

Timoteo 1 3:10

Esus tantiaquido nashunquid icmenuen: Nëidtedec ushquin: ¿Ada bëdambuen naique? Isnu, queshun istedneta. Adshumbic: ¿Ada bëdambo iccosh? quequin chiac utsibo: Ai, bëdambocquid nec, abitedi quesho tantiashun: Esus tantiaquido nashunquid icta, cac bëdambo ictsiash.

Timoteo 2 4:19

Mibi yacnocquido chuiquin: Mibi tantiembi, quiosh Pabado, quequin nëidted chuibanta mado. Nëidic Aquida. Nëidic aton chido Pisida. Adshumbic Onesipodobëta aton shubun icquidotedi aden chuibanta.

Petedo 1 1:7

Esus tantiaquid nebi, quequin mimbi tantiaid matses bedte bunaidquio odo caid shocosh bëshpiu bëshpiucquidbimbuecquid nec. Aidquiobida neque. Isnu, queshun icbon cute nëdëncadoshon pichicaquin aid shocosh tauiquin tanec. Adembidi: Esus tantiaquidquiobida neque. Isnu, queshun Nuquin Papan utsi utsien natiamendac. Aden natiamiaqui chieshtoenquio icquin tantiaquid icsho Esuquidistun padpidec choshon: Mibi bëdambocquid neque. Ubëdi tabadec cho, quequin utsibo tantiamequin chuishun abi yacno buanendac.