Doma 15:29 - El Nuevo Testamento en matsés

²⁹ Adec nidshun mibëdi tabadquin umbi Esus tantiamequin chuisho Esuquidistun nuquitedi bëdamboshë icmendac, quequin tantiembi.

Doma 15:29 ပူးပေါင်းရင်းမြစ်များ

Hechos 19:21

Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash.

Doma 15:23

Nëbi nidaid cuëshë utsi utsien umbi tantiacno nainquin chuibenniombi, quiash mibi yacnotsen nidtiadquio iquebi. Ënden nidte bunondaidi seta dadpen matanmiashi abi nëbi mibitedi isec nidte bunquiebi.

Doma 15:32

Aden Nuquin Papan tantiamiacpadombuen naquin amboba istanec mibitedi yacnotsen nidendabi. Mibi istuidash cuishonquendabi. Mibëd tabadec bëdambo yanendabi.

Codinto 2 1:15

Aden Codinto yacnocquidon ubi bëdambuec tabadaid chiendac, quequin tantiec: Mibitedi daëden isec nidnu, queuidobi.

Epeso 1:3

Nuquin Icbo Esuquidistun Papa Nuquin Papa bëdamboshëcquid nec. Adquid icquin Esus tantiaquid icsho abëd abuc bëdambuec tabadacpadquidquio nuquitedi icmiac, quequin: Nuquin Papa bëdambocquid nec, canuna.

Epeso 3:19

Adembidi ënenquio icquin matses tantiaquidquio Esus nec, quequin matsesën tantiatiapimbo iquec. Adquid icnuc ubi Esus tantiamequin mimbi nacpadombuen utsibo Esus tantiaquidquio icmeta, quequin Nuquin Papa chiannembi.

Epeso 3:8

Nuquin Papa tantiaquido utsibo bëdambocquid icnubi aidopadquidpenquio nebi. Adquid icshobini Nuquin Papan isadaidpembo Esus chuibennequid icmepondash. Esusën matses bëdamboshë icmete matsesën: Nadquio iquec, catiapimbo ictequidbidi chuibennequid icmiondashi.

Epeso 4:13

Adoaid icquin nashunac abentsëc yacbimbuec Esus tantiaquido yanendac. Adquid iquec Nuquin Papan Mado tantiaquiec Esuquidistupadquid yanec nuquitedi bëdambuec tabadquid yanendac.