Doma 14:11 - El Nuevo Testamento en matsés

¹¹ Adembidi naden chuiquin Nuquin Papan Ambi Chiaid dada uamiampid nad iquec: Uënëstiapimbocquid icquin abimbo caimbi. Matses abitedishun dannëshën tinquebudcuededshun ubi naden chiendac: Abitedishun Icbombo yec bëdamboshëcquidquio mibi nec, quequin ubi ismequin dannëshën sebudendac, quequin chuipampic.

Doma 14:11 ပူးပေါင်းရင်းမြစ်များ

Mateo 10:32

Adshumbic padpiden chuiuaic: Utsibon tantianubi: Esus tantiaquid nebi, quequin abimbo chuiquid icsho issun adombuembidi Nuquin Papa yacno chosho: Nëid ubi tantiaquid neque. Puduedmeta, Papa, quequin Nuquin Papambo chiendambi.

Doma 10:9

Nuquin Papan uincuenmenëdaid Esus nec, quequin tantiaquin: Esus Cun Icbo nec, quequin abimbo chuisho Nuquin Papan mibi bëdambuen isquin abi yacno tabadmendac.

Doma 15:9

Adecbidi matses utsibo Nuquin Papan cuidte bunenquio icquin bëdambuen isaido yec ma aido tantiec tabadnu, quiash Esus chopanëdash. Nuquin Papan naden chuiquin dada uamepampic: Adquid icsho nidaid utsi utsiec yacno tabadquid matses utsibobëtan: Nuquin Papa bëdambo iquec, quequin mibi chiendambi. Adecbidi mibi tantiec cuëdënendabi, quequin chuipampic.

Uan 1 4:15

Esuquidistu Nuquin Papan Madombo nec, quequin tantiaquidbëd abentsëc yacbimbuec Nuquin Papa iquec. Adecbidi aidbëd abentsëc yacbimbuec abi tantiaquid iquec.

Uan 2 1:7

Muaquin chuibanquido dadpen choac. Aidon: Esuquidistu Nuquin Papan Chomiaid yec matsespenquio nepanëdash, quequin muaquin chuibanendac. Aido Esuquidistu chieshënquidombo nec.

Esusën Uan ismiaid 5:14

Adsho tantiashien 4ted dadanobi ëshëcquido: Ai, abimbo caic, quec Amen, quenubi tsësiobo 24ted icquido: Nuquin Icbo bëdamboshë iqueque. Ismenuna, quetanec Nuquin Papabëta Obecabimbuecquid ismec dannëshën tinquebudcuededposh.