Doma 14:1 - El Nuevo Testamento en matsés

¹ Mibëd iccuededquid Esus tantiabentsëcquido bëdambuen ista. Aidobëd icsambuec chushcananec tabadenda.

Doma 14:1 ပူးပေါင်းရင်းမြစ်များ

Mateo 12:20

Acte pia abentsëc podquëdaid teshunnenquio yacbimbuen matses ambi icsambuen naid tantiec uënësquio icsho shubimenquio iquendac. Tabote uënëstiadtsëcquio icquid dëbedquin uënësmenquio yacbimbuen matsesën ambi icsambuen naid ënte bunsho mëyadmenquio icquin bëdambuen isendac.

Mateo 14:31

Esusën badedquio mëdintanquin indopondash. Aden indoequi: Cun icbon ubi bëdambuen nametsiash, quebuedi ¿atotsi quiash dacuëdtano? Ubi bëdiactsëc tantiactsëcquid mibi nec, capondash Esusën.

Mateo 18:10

Adashic padpidec: Nadquid bacuëmpin ubi tantiactsëcsho issun: ¿Adtsëcquidëmpinquioda bëdambuen tantiapaid? cainda. Nuquin Papabëd icquidon aid bacuëbo dayun uaquid icquin Nuquin Papa yacno puduedshun mimbi mamënshumbued tantiaquin Nuquin Papa ënenquio icquin bëisquin chiendac. Adtsëcquidëmpi mamënshunenda.

Madcos 7:19

¿Aton tantiate yacnoda pete piaid nidpadic? Padenquio. Pete piaidien pucu yacno budbudec. Adashic iuecpactsëc yash aton dadanouësh puduenuaic. Adquid icnuc pete abitedi bëdambocquid nec, quepanëdash.

Ducas 17:2

Adquid icnuc ubi tantiabentsëcquid icsambuen namequin cuëshëdmesho issun cuënote iuëmbocquid tëdectanquin tëtanetanquin acte ëquëducquioshë yacno nënepatecnëdan.

Uanën dada uaid 13:20

Tantia. Mibitedi abimbo chuinu. Mibi padquid umbi nidmiaidën umbi naid chuibansho tantiash: Ai, abimbo caic, queshun ubi tantiabenquimbi ubi chomequidtsen tantiabenendac, quepondash Esus.

Hechos 28:2

Ambo icquidon ubitedi bëdambuen ispondash. Iquenuampambuec ue sequenubi Madta caid yacnocquido cute cuëtsiadoash: Cuëec cho, quequin ubitedi chuipondash.

Doma 11:15

Aden isadaidbon Esus chieshënsho issun Nuquin Papan matses utsibo Esus tantiamequin bëdambuen isbenac. Ambi tantiacpadëmbien isadaidbon uënësacbimbuen tantienquio icbuedombi Esus tantiasho Nuquin Papan bëdambuen isquin abi yacno tabadtequido icmendac.

Doma 14:2

Adquid chuinu. Tantia. Esus tantiaquidquio: Pete abitedi pambidbëta pequid Nuquin Papan: Icsambo iquec, cainquio iquec, quenubien utsi Esus tantiabentsëcquid: Padenquio. Pambid pesho issun Nuquin Papan: Icsambo iquec, canushe, quequin pete utsi pequin pambid isuidquid iquec, quepec.

Doma 14:21

Ubëtan Esus tantiaquido chieshtonoshe, queshun ambi petemaid pambid penquio icquinc ambi actemaid acte paë uaid aquenquio icquinc ambi natemaid utsi nainquio icquinc cac bëdambo ictsiash.

Doma 14:3

Pambid pequidobëtan pambid isuidquidombi Esus tantiasho Nuquin Papan aid daëdi bëdambuen isec. Padnuen pambidbëta pete utsi abitedi pequidën pambid isuidquid chieshënac icsambo iquec. Adembidi pambid isuidquidën: Pambid pequid icsambo iquec, quequin chieshënac icsambo iquec.

Doma 15:1

Tantia. Chuinu. Esus tantiaquidquio icquin Esus tantiabentsëcquid chieshënenquio icquin bëdambuen isnuna. Aid tantiaquin nashunquin nuqui bunaiduidi nainquio icnuna.

Doma 15:7

Esuquidistun mibitedi bëdambuen isacpadombuembidi utsibotsen bëdambuen isquin tantiata. Adoac aidon: Nuquin Papa bëdamboshë iquec, caindac.

Doma 4:19

Aton seta 100ted yantiadtsëcquio yanec tsësiobudtsëcquimbi chieshtoenquio icquin Nuquin Papa tantiapampic: Umbimbo bacuë tishmetiapimbo iquebi. Adecbidi cun chido Sada machobudtsash uënëstiadtsëcquio yanec. Adquidën bacuë usundoshon tishtiapictsëcquio iquec, quequin tantiequi: Nuquin Papan abimbuen caosh, quequin ënenquio icquin tantiapampic.

Codinto 1 9:22

Adecbidi Esus bëdambuen tantiabenabictsëcquido yacno nidash aido tabadacpadecbidi tabadobi: Ma Esus tantiabenquiono, quiash. Adecbidi matses utsi utsiec yacnouësh aido tabadacpadecbidi tabadobi: Ma Esuquidistu tantiaquido utsi utsiec yampanu, quiash.

Pidipos 2:29

Nuquin Icbo Esus tantiaquid yec nuquin utsi Epapadodito nidacsho isash cuishonquequin bëdambuen ista. Adquid Esus chuibanquido utsibo mibi yacno nidacsho adembidi bëdambuen ista.

Tesadonica 1 5:14

Cun utsibo, mibitedishun nabante chuinu. Chieshquid icsho: Mibitsen chonoadta, cata. Utsibo chieshtotiadquio icsho: Esus tantiec bëdambo icnuna, cata. Esus bëdiactsëc tantiactsëcsho bëdambuen chuiquin Esus tantiamequiota. Dada padishquio icquid icsho nashunta. Badedquio chieshtoenquiocquin abitedi bëdambuen ista.

Ebedeo 5:14

Padnuen caniaidën petembo piacbimbuen bëdambuen tantiendac. Adquidën: Naden nac bëdambo ictsiash. Naden nac icsambo ictsiash, quequin tantiaquidquio nendac.

Uan 2 1:10

Mibi yacno nidshun Esusën chiaidpenquio chuibanquid icsho tantiashun min shubun iuedenda. Mibi yacno chosho isash bëdambo iquebi, cainda.