Doma 12:9 - El Nuevo Testamento en matsés

⁹ Muainquio yec utsibobëd tantiananquiota. Icsambuec tabadte bunenquio yec bëdambuec tabadta.

Doma 12:9 ပူးပေါင်းရင်းမြစ်များ

Mateo 26:49

Udasën Esus tanchoccatuidpondash: Chobi, Icbo, quequin.

Uanën dada uaid 12:6

Aden chuisho tantiashun aton piucquid nibëdquido tantiaquidquio dampondambi. Ubitedishun piucquid dayun uaquid iquequi abibi ampeshumënquid icquimbi aden Udasën muaquin Madia chushcapondash.

Hechos 11:23

Adoac Antioquia yacno choshon ambocquido Esus tantiaquido Nuquin Papan bëdambo icmiaid icsho isash: Bëdambo iquebi, quec cuishonquequin: Adembi chieshtoenquio icquin Nuquin Icbo Esus tantiata, capanëdash Bednaben.

Codinto 2 6:6

Adquid icnubi icsambuen nainquio iquembi. Nuquin Papan Chiaid tantiaquidquio nebi. Tantiatiapimbo yec utsibo tabadshobi aido bëdambuen isquin adembidi Nuquin Papan Chiaid chuibennec nebi. Adembidi: Nashunquin chiac tantiabentsiash, queshun adquid nashunembi. Nuquin Papan Mayan Bëdan tantiamiaid yec bëdambuec tabadquin ismembi. Muainquio yec utsibobëd tantiananquiec bëdambuec tabadebi.

Codinto 2 8:8

Umbi chiacpadombuen meneta, quecpenquio nebi. Utsibon menequin nashunaid chuisho tantiashun mimbi atona nibëdquido tantiaquioquin menetiadquio ictsiash, quequin chiec nebi.

Tesadonica 1 2:3

Adembidi abimbo chuiquin Esusën naid chuibanondambi. Bëdambuen namenuen bëdambuen chuibanondambi. ¿Min piucquid bednuen mua uaquindambi mibitedi chuibandionda? Padenquio.

Tesadonica 1 5:15

Utsin icsambuen chuishunquin chieshënac cuidnante bunsho: Padi. Esus tantiaquid adesa neque. Bëdambuec tabadnuna, cata. Mibëtan Esus tantiaquidobëd bëdambuec isnanquin utsibotsen bëdambuen ista.

Tesadonica 1 5:21

Adoenquio icquin: ¿Nuquin Papan Chiaidquiobida chuibaneque? Tantiabono, cata. Aden tantiashun Nuquin Papan Chiaidquio isbanta. Aden isbanshun abimbo chiaid icsho issun: Ai, Nuquin Papan Chiaidquiobi chiec niosh, quequin aidën chuisho bëdambuen tantiata.

Timoteo 1 1:5

Adshumbic aidobidi naden chuita: Bëdambuen tantiaquid yec ma matses bëdambuec tantianannu, queshun Nuquin Papan Chiaidquio chuita. Adoac Nuquin Papabëta Esus bëdambuen tantiec tabadec matses bëdambuec tantianantsiash, cata, mado.

Ebedeo 1:9

Ubipadquid iquec bëdambuec tabadte bunquidquio mibi nec. Adquid yec icsambuec tabadte bunesambobidi mibi nec, Mado. Adquid yec ubi yacpadquidquio Icbo Abentsëcquiobi mibi nec. Mibëd icquido adquid nibëdec. Mibi abentsëqui adquidquio iquec. Mibëd icquido bëdiactsëc cuishonquenubi umbien mibi cumapenen cuishoncamendac.

Ebedeo 12:14

Umbi aden chiaid tantiec utsibobëd chushcananenquio yec bëdambuec tabadta. Aden Nuquin Papan chiacpadombuen nanuna. Aidën chiaid niaquec tabadquin Nuquin Icbo bëisenquio nuqui ictsiandac.

Santiaco 3:17

Padnuen Ambi tantiacpadombuen Nuquin Papan bëdambuen tantiamiaid yec nadquio iquec. Icsambuen nate bunesa nec. Adecbidi utsibobëd bëdambuec tabadquid nec. Adecbidi utsi nashumënquid nec. Adecbidi chushcanesa nec. Adecbidi utsi natiambo icsho uënësquiocquid nec. Adecbidi chuiquidën: Nanuna, cac badedquio: Ai, adonona, quequid nec. Adecbidi cuidmenquiocte bunquid nec. Adecbidi bëdambuen nabanquid nec. Adecbidi: Nëid bëdambuen isquimbi utsi chieshënembi, quesa nec. Adecbidi: Esus tantiaquid nebi, quec muesa nec.

Petedo 1 1:22

Nëbi mibitedi ambi chiacpadec tabadquin ambi Chiaidquio tantiasho Nuquin Papan bëdambuen isaid yec bëdambocquid yanshun mibëtan Esus tantiaquido utsibo mimbi tantiaquiec. Adecbidi mua uananenquio yec utsibobëd tantiananquiota.

Petedo 1 4:8

Nëbi mibëtan Esus tantiaquid utsibobëd tantiananquiota. Adec mibëd tantiananquidën mibi icsambuen nashunsho isash adecbidi tantiananquiec aidën icsambuen naid tantienquio yec bëshunendac.