Doma 12:16 - El Nuevo Testamento en matsés

¹⁶ Utsibobëd tsidadash chieshënnanenquio yec bëdambuec tabadta. Ubiuidtsëqui bëdambocquid nebi, quenquio yec utsibobëd bëdambuec tabadta. Utsibon tantienquio icnuc ubentsëqui bëdambuen tantiaquidquio nebi, quenda.

Doma 12:16 ပူးပေါင်းရင်းမြစ်များ

Mateo 11:5

Bëshuaidëmbi isbenosh. Nidte icsash tidinquebuedi bëdambuec capucuenosh. Dada daush daushpambo yec daicsaidquio bëdanosh. Pashuacbuedëmbi tantiabenosh. Adoshombic uënësaidi uincuenmiosh. Adoshombic atona nibëdquido Chiaid Bëda chuiquin Nuquin Papan bëdambuen iste chuibanosh, quequin Uan chiec nid.

Mateo 26:11

Piucquid nibëdquido dadpen mibëd tabadec nibëdenquio iquendac. Ubien mibëd icbuedi nëbi nibëdquio yanendac.

Ducas 14:13

Pemenu, quequin atona nibëdquido yec caputiapimbocquido yec tidinquequido yec bëshuaido yec quenuc: Pec nidta, cata.

Ducas 6:20

Adshumbic abëd icquidombo isbanquin naden Esusën chuibampanëdash: Mitsana nibëdquido icsho Nuquin Papan ambi namiacno tabadmenuen mibitedi bëdambo icmendac.

Hechos 4:32

Aden chuibanequi shubu abentsëquën tabadacbimbuec tabadec Esus tantiaquido dadpenquio: Cunauidtsëqui nec, quenquio yec menenampanëdash. Adecbidi: Abitedishuna nec, quec tabadcuededuapanëdash.

Doma 11:20

Abimbo mimbi caic. ¿Atotsi queshun Nuquin Papan isadaidbo bëdambuen istiapimbo icpec? Ambi Chomiaid Esus tantienquio icsho Nuquin Papan aido bëdambuen istiapimbo iquec. Padnuen Esus tantiasho mibitedi bëdambuen isec. Adoac: Ubi bëdambo icnubi isadaidbo icsambo iquec, quenda. Adenquio yec: Nuquin Papan cuidnushe, queshun Esus tantiec bëdambuec tabadta.

Doma 11:25

Cun utsibo, tantia. Chuinu. Nuquin Papan ambi matses tantiamenquio icpampidi nëbi tantiamequin mibitedi chuinu. Nuquin Papan isadaidbo pacuënnëdacbimbuecnuc icmiac tantiate bunenquio iquec. Nuquin Papan tantiactedishun matses utsibomba dadpenshun Esus tantiambic isadaidbontsen dadpenshun Esus tantiabenendac.

Doma 12:3

Nuquin Papa bëdambocquid icquin: Esus chuibennequid icta, caid nebi. Adquid icquin mibi chuinu. Tantia. Tantiaquidquio nebi, quequin mibitedishun tantienda. Adenquio icquin Esus tantiaquid icsho Nuquin Papan tantiamequin namiaid nebi, quequin tantiata.

Doma 15:5

Nuquin Papauidtsëqui nuqui chieshtomenquio icquin bëdambo icmequin dayacquio icmequid nec. Aidën namiac ma utsibobëd Esuquidistun nanëdacpadquiec mibitedi bëdambuec tabadquid icpanuna, quequin tantiembi.

Doma 6:2

Padenquio. Nuquitedi uënësacbimbuen padpiden icsambuen nate bunenquio iquec. Adquid icquin ¿icsambuen naiduidi naicta nuqui tabadpe?

Codinto 1 1:10

Tantia, cun utsibo, Nuquin Icbo Esuquidistun namiaid icquin mibitedi chuinu. Mibëtan Esus tantiaquidobëd chieshënnanec cuëshcuëshëdec tabadenda. Adenquio yec Esus tantiaquid utsibobëd tsidadash tabadec: Naden nanuna, quec abentsëcshun tantiacbimbuen tantiec bëdambuec tabadta.

Codinto 1 3:18

Adec aid tabadtequid iquequi mibibi mua uadec tabadenda. Matsesën ambibi cumapenen tantiaquin chuibanaid tantiash: Tantiaquidquio nebi, quenda. Matses dadpen tantienquio icquidbimbuecquid icta. Matsesën tantiacpaden nainquiocquin abimbo tantiaquin nabanquid yec tantiaquidquio mibitedi yanendac.

Codinto 1 4:10

Ubitedi Esuquidistun: Ubi chuibennequid icta, caido icquin chuibansho tantiash: Ambembi chiec onquequido nec, quepec. Mibitedien Esus tantiaquido icsho: Bëdambuen tantiaquidquio nec, quequin mibi tantiec. Ubitedi caic: Tantienquiocquid nec, quenubi mibitedi: Tantiaquidquio mibi nec, mimbi ubi capec. Matsesën ubitedi tantienquio icnubi mimbitedi ubi tantiaquiec.

Codinto 1 6:5

Umbi aden dada uaquin chiaid isash mibitedi dacuëdec natiendac. Mibitedi yacno nëishnanash chushcananquido nëish bëdanmequin chuiquid ¿Esus tantiaquid utsida nibëdquio icpec? Ai abi iquec.

Codinto 1 8:2

Ubimbo tantiaquidquio nebi, quequid iquequi bëdambuen tantiabenabicquid nec.

Codinto 2 13:11

Nëbi ënquimbi dada uaimbique. Tantia, cun utsibo. Bëdambuec cuishonquec tabadquid icnu, quec Nuquin Papan chiacpadec tabadta. Utsibobëd tantiananec bëdambuec tabadtedneta. Bëdambuec tabadnuna, cananta. Adec tabadsho isash mibitedi bëdambuec tabadmequid yec mibi tantiaquidquio Nuquin Papa mibëd iquendac.

Pidipos 1:27

Naden mibitedi chuinu: Esuquidistun chiacpadec chieshtoenquio yec bëdambuec tabadta. Mibi yacno nidshun bëdambuec tabadsho isash: Umbi Esuquidistun naid chuibanac tantiabenondaido nec, quetsiabi. Adembidi mibitedi istanquidon mimbi naid chiec: Chieshtoenquio icquin Esus tantiec abentsëc yacbimbuec bëdambuec tabadosh. Adecbidi chieshtoenquioquin Esusën naid chuibansho tantiec bëdambuec tabadosh, quequin chuisho tantiate bunebi.

Pidipos 3:16

Nëbi Nuquin Papan tantiamiacpadec nuquitedi bëdambuec tabadnuna.

Pidipos 4:2

Tantia. Ebodiabëta Sintique chuinu. Amicananenda. Esus tantiaquid yec: Nuquin Icbo Esusën chiacpadomboen naic bëdambuec tabadnuna, cananec bëdambuec tabadta.

Ebedeo 13:5

Adecbidi piucquid dadpen bedteuidi bunec tabadenda. Adenquio iquec: Cuna icnuc bëdambo iquebi, Adecbidi cuna daëdpactsëc icnuc bëdambo iquebi, quec tabadta. Adec tabadquin Nuquin Papan ënden naden chuiquin dada uamiampid tantiata. Mibëd iquendabi. Mibi nianenquio icquin dayun uaimbi, quepampic.

Petedo 1 3:8

Tantia. Nëbi Esus tantiaquid abitedimbo chuinu. Nuquin Papan chiacpadombuen nanuna, quiash utsibobëd tantiananec bëdambuec isnanta. Cuishonquequidobëd cuishonqueta. Uënësquio yec shubiquidobëd shubita. Adec tantiananquiota. Umbi naiduidi naimbi, quenquio icquin utsibon chiacpadombuentsen nabanta.

Petedo 1 5:3

Adoaid icquin mimbi chuibanaido chushcainda. Aidon icbopenquio mibitedi neque. Adenquio yec: Ubi yacpadec ma tabadnu, quequin aido ismec bëdambuec tabadta.

Uan 3 1:9

Mibëd iccuededquido chuiquin dada uaondambi. Aden umbi dada uaid isash: Umbentsëqui namembi, quec Diotedepes chieshëmëmpondash. Aidi ubëd icquidon: Naden nata, quequin chiaid tantiate bunesa nec.