Doma 12:13 - El Nuevo Testamento en matsés

¹³ Esus tantiaquido atona nibëdsho issun meneta. Isedanquido chosho bëdambuen isquin iuedta.

Doma 12:13 ပူးပေါင်းရင်းမြစ်များ

Mateo 25:35

Adshumbic naden chiendambi: Mimbi ubi bundoacsho pemedennec. Acte bundoacsho adembidi mimbi ubi acmedennec. Mimbi isacmaidquio icshobi mimbi min shubun ubi iuedtednec.

Hechos 10:4

Adsho tantiash cumapenec dacuëdquin Nuquin Papabëd icquid bëisec: ¿Atotsi ubi chuinuec ne, Icbo? capanëdash Codnedion. Adoaquien: Abi chiec mibi onquedednesho Nuquin Papan tantiosh. Adembidi atona nibëdquido tantiaquin menedednequid icsho Nuquin Papan bëdambuen isaid mibi neque. Tantia. Chuinu.

Hechos 4:35

Aden meniac atona nibëdquid icsho issun Esus chuibennequidon menebanac bunenquio yec tabadpanëdash.

Doma 12:8

Utsibic: Utsibo chieshtomenquio icquin Esus tantiameta, quequin chuiquid icquin: Bëdambuec tabadnuna, quequin chuibanta. Utsibic atona nibëdquido menequid icta, caid icquin cudasenquio icquin menianneta. Utsibic Esus tantiaquidon chuiquid icta, caid icquin Nuquin Papan namiacpadombuen Esus tantiaquido bëdambuen tantiaquin nabanmeta chieshenquio icquin. Utsibic daicsaido yec isedanquido yec aton shubu nibëdquido yec aton pete nibëdquido yec macho yec tsësio yec quesho bëdambuen nashunquid icta, caid icquin cuishonquequin nashumbanta.

Codinto 1 16:15

Cun utsibo, nidaid Acaya caid yacnocquid Estepanas aton shubun icquidobëd abia Esus tantiaquido yanaccondash, quequin mibitedishun tantiec. Adquid yanshun Esus tantiaquid utsibo tantiaquin nashumbanquido nebi, queshun aidon nashumbanec.

Codinto 2 9:1

Ënden nidaid Udea yacnocquid Esuquidistu tantiaquido tantiaquin nashunta, quequin umbi chiondaid padpiden chuiquin dada uainquio iquembi.

Codinto 2 9:12

Atona nibëdquid Esuquidistu tantiaquido nashunquin ma menenu, quequin meniaid buanshun menebanquin mimbi bëdambo icmiaido dadpen iquendac. Aden mimbi meniaidon: Nuquin Papa bëdamboshë iquec, quequin chiendac.

Cadasia 6:10

Adotequid icnuc bëdambuec tabadquin Esus tantiaquidobëta utsibo bëdambuen isquin nashunnuna. Adecbidi Esus tantiaquido yec tantiananquiec nashunnanquionona.

Timoteo 1 3:2

Adshumbic: Nuquin Papan Chiaid chuibanquid nadquid nec, quequin chuita. Icsambuen nainquio yec bëdambuec tabadquid nec, utsibon caidquio Nuquin Papan Chiaid chuibanquid nendac. Adquid chido abentsëc inquid nendac. Ambi icsambuen nate bunaid ënash bëdambuec tabadquid nendac. Bëdambuen tantiaquidquio yec bëdambuec tabadquid nec, utsibon caidquio nendac. Isedanquido bëdambuen isquin iuedshun aton shubun ushmequid nendac. Nuquin Papan Chiaid bëdambuen tantiamequin chuibanquid nendac.

Timoteo 1 5:10

Matses nashunquidquio nec, utsibon cadenned. Aton bacuë bëdambuen caniuadenned. Isedanquido aton shubu yacno chosho bëdambuen isquin nashundenned. Esus tantiaquido tantiaquin acten tapandenned. Matses daicsabudaidbëta nënquido natiamiaido nashundenned. Adec bëdambuec tabadtenned icsho issun: Ma Esus tantiaquidon nashunnu, cata.

Tito 1:8

Adquid icquin Esuquidistu tantiaquid isedquid chosho issun aton shubun iuedquid nendac. Adecbidi utsibobëd bëdambuec tabadte bunquid nendac. Adecbidi bëdambuen tantiaquin: Aden naic icsambo ictsiabi, quequid nendac. Adecbidi: Naden naic bëdambocquid yantsiabi, queshun bëdambuen naquidquio nendac. Adecbidi abimbo chuiquidquio icquin icsambuen nabi icquid cuidenquiocquid nendac. Adecbidi Nuquin Papan namiaid yec aidën chiacpadombuen nabanquid nendac. Adquid icquin ambi icsambuen nate bunaid nainquiocquid nendac, quequin chuita, Tito.

Tito 3:14

Adec nashunnanec nuquitedi bëdambuec tabadquin ismiac adecbidi utsibo nashunnanec tabadec Esuquidistu tantiaquid yanendac, quequin chuibanta.

Pidemon 1:7

Aden umbi chianniacpadombuen mimbi bëdambuen nabanec. Aden Nuquin Papa tantiaquido chieshtomenquio icquin bëdambo icmec, quequin tantiec cuishonquec bëdambo iquebi.

Ebedeo 13:16

Aden bëshunenquio icquin chiannec utsibobëd tantiananec nashunnanquin atona nibëdquid icsho menequid icta. Adsho issun nëish iua cuessunneshun pichicaid isacbimbuecnuc Nuquin Papan: Bëdambo iquec, caindac.

Ebedeo 13:2

Shubu utsi yacnouësh choquid bëdambuen isquin iuedshun mibi yacno ushmeta. Aden nate bëshunenda. Aden nashunquin utsin utsinquien: Nuquin Papabëd icquido aid yacnouësh choquido nëido nec, quequin tantienquio icquin matses danquin aton shubun iuedshun ushmepanëdash.

Ebedeo 6:10

Abi tantiaquid icquin utsibo tantiaquin mibitedishun nashundennesho issun Nuquin Papan ambi tantiacpadombuen naquid icquin mimbi nabanaidtedi bëshunenquio icquin tantiendac.

Petedo 1 4:9

Utsibo mibi yacno isedec chosho issun: Mibi iuedtiapimbo iquebi, quenquio icquin bëdambuen isquin min shubun iuedta.

Uan 1 3:17

Aton piucquid dadpen icquidën abëtan Esuquidistu tantiaquidëna nibëdquiocsho isec: Cun utsi menenu, quenquio icquid Nuquin Papan matses tantiacpadombuen matses tantienquio icquid nec.

Uan 3 1:5

Mimbi bëdambuen naid chuisho tantiombi, cun utsi. Esuquidistu tantiaquid utsibo uannocquido chochosho issun iuedshun Cayon nashunosh, quequin chioshi.